লৈবাক অসিনা মনিং-মখা তম্লকপা চহি ৭৫ মপুং ফারকপগী নুমিৎ অসিদা মীয়াম পাক-শন্না শরুক য়াহন্নবা অমসুং এৱার্নেস পীননবগীদমক, ইনফোর্মেসন অমসুং ব্রোদকাস্তিং মন্ত্রালয়না “জনভাগিদারি অমসুং জন অন্দোলন”স্পিরিতকী মখাদা মহোতসব অসি পাংথোক্নবা তোঙান তোঙানবা ইন্নোবেতিব প্রোগ্রামশিং খনখ্রে৷ অনৌবা ভারত অমা লাক্নবগী খোঙচৎতা মরৈবাক নিংবা অমসুং কৎথোকপগী স্পিরিত অদু নিংশিংহন্দুনা প্রজা মীয়াম শরুক য়াহনবা অসিনা ওবজেক্তিব ওই৷ মেদিয়া য়ুনিতশিংনা তোঙান তোঙানবা মোদশিং অমসুং মেদিয়মশিং শিজিন্নদুনা লৈবাক অসিদা লৈরিবা সীনর্জিস্তিক প্রোগ্রাম কয়ামরোম আউতলাইন তৌখ্রে৷

নিংতম ইহৌগী ‘ময়াম্না মশক নিংথিনা খঙবিহৌদ্রবা অথৌবশিং’ য়াওনা নিংতম লান্মীশিংগী কন্ত্রিব্যুসন অদু নৌহৌননা নিংশিংহনবা অসিনা সীনর্জিস্তিক প্রোগ্রামিংগী মরু ওইবা এস্পেক্তশিংগী মনুংদা অমা ওইরি৷ ওল ইন্দিয়া রেদিওনা ২০২১গী ওগস্ত ১৬তগী হৌদুনা নেস্নেল অমসুং রিজনেল চেনেলশিংদা অখন্নবা ইন্নোবেতিব প্রোগ্রাম অমা “অজাদি কা সাফর অকাশৱানি কে সাথ” লোঞ্চ তৌরগনি৷ মশক নাইরবা নিংতম লান্মীশিংদা য়ুমফম ওইবা মিনিত মঙাগী দেলী কেপস্যুল অমসুং নুমিৎ অদুদা পাংথোক্কদৌরিবা মরু ওইবা হিস্তোরিকেল অমসুং পোলিতিকেল ইভেন্তশিং অদুগী মতাংদা অয়ুক পুং ৮:২০(হিন্দি) অমসুং অয়ুক পুং ৮:৫০(ইংলিস)দা শন্দোক্লগনি৷ জনভাগিদারিগী স্পিরিত অদু পুখৎপা ওইনা, এ.আই.আর.নসু ২০২১গী ওগস্ত ১৬তগী “নেস্নেল অমসুং রিজনেল অমিৃত মহোতসব থীম ক্বুইজ”সু শিল্লগনি(হিন্দি:অয়ুক পুং ৮দগদী অয়ুক পুং ৮:৩০ ফাওবা অদুগা ইংলিস: অয়ুক পুং ৮:৩০দগী অয়ুক পুং ৯ ফাওবা)৷

২০২১গী ওগস্ত ১৬তগী হৌদুনা, দি.দি. নেতৱার্কনা নুমিৎ অদুদা পাংথোকখিবা মরু ওইবা হিস্তোরিকেল অমসুং পোলিতিকেল ইভেন্তশিং অদুগী মতাংদা খঙহন্নবা মিনিত মঙাগী দেলী কেপস্যুল অমা তেলিকাস্ত তৌরগনি৷ প্রোগ্রাম অদু নুংতি-নুমিৎ খুদিংগী ওইনা দি.দি. ন্যুসনা অয়ুক পুং ৮:৫৫দা অদুগা দি.দি. ইন্দিয়ানা অয়ুক পুং ৮:৩০দা তেলিকাস্ত তৌরগনি৷ মরৈবাক নিংবা অমসুং কৎথোকপগী স্পিরিত উৎপা ফিলম কয়ামরোম দূর্দর্শননা উৎনবা শেম শাখ্রে৷ হিন্দুস্তান কি কশম অমসুং তিরঙ্গগুম্বা ফিলমশিং ২০২১গী ওগস্ত ১৫দা উৎলগনি৷ স্তার্ত-অপশিং, দিফেন্স, স্পেস অমসুং লেন্দমার্ক লেজিস্লেসনশিংগুম্বা থীমশিং অসিদা য়ুমফম ওইবা অখন্নবা সেক্তোরেল প্রোগ্রাম কয়ামরোমসু উৎপা হৌখ্রে৷ মরু ওইবা থৌরম অদু মার্ক তৌনবা অখন্নবা শোশিংগা লোইননা রেদ ফোর্ততগী লাইব তেলিকাস্তশিং থাবা য়াওনা নিংতম্বা নুমিৎকী অখন্নবা ফুল দে কোভরেজ অমা দি.দি.না দেদিকেৎ তৌরগনি৷

এন.এফ.দি.সি.না ২০২১গী ওগস্ত ১৫দগী ১৭ ফাওবা মহাক্কী ও.তি.তি. প্লেতফোর্ম www.cinemasofindia.comদা আইকোনিক ফিলমশিং খুদম ওইনা গান্ধী, মেকিং ওফ মহাত্ম, ঘারে বেয়র উৎলগনি৷ মতম অসিমক্তদা, ভারতকী নিংতম লান অমসুং নিংতম লান্মীশিংগী মতাংদা লৈরিবা ফিলমশিং নুমিৎ হুম্নি চংনা ফিলম ফেস্তিবেল পাংথোক্তুনা ফিলম দিভিজননসু উৎলগনি৷ মীয়াম শিনবা থুংনা য়ৌহন্নবা লৈবাক অসিদা লৈরিবা ইন্সতিত্যুসনশিং অসিগা খুৎশম্নদুনা হায়রিবা ফিলম ফেস্তিবেলশিং অসি শিল্লগনি৷

মন্ত্রালয় অসিগী সোসিএল মেদিয়া প্লেতফোর্মশিংসু ভারতকী নিংতম ইহৌগী তোঙান তোঙানবা এস্পেক্তশিংদা য়ুমফম ওইবা ইনফোর্মেতিব কন্তেন্তগী খুৎথাংদা প্রজা মীয়ামশিং য়ৌহন্নবা হোৎনরি৷ নহাশিং অমসুং অঙাংশিং অসিদা খঙহন্নবগীদমক, মহাক্কী প্লেতফোর্মশিংদা উৎকদৌরিবা তোঙান তোঙানবা থীমশিংগী মতাংদা লৈরিবা ভিদিওশিং অদু ইন্তরনেত য়ুজরশিংদগী কৌরি৷

*****