প্রধানমন্ত্রীগী লোইশঙ
পি.এম. মোদীনা মপু লৈত্রবা শা-ঙা য়োকপিবগীদমক থবক্তগী পোথাখ্রবা আর্মী ওফিসরবু থাগৎপা ফোংদোকখ্রে
মেজোর প্রামিলা সিংহ (রিতায়র)না মহাক্কী সেবিংদগী শা-ঙাদা মচিঞ্জাক অমসুং লায়েংবা চৎথখি
অদোমগী খোঙথাং অসিনা সমাজ অসিগী পুক্নিং থৌগৎনিঙাইনি হায়না পি.এম.না ইখি
মমাংদা অমুক্তা থোকখিদ্রিবা থৌদোক অসি শা-ঙাশিংদসু অৱাবা মায়োক্নরি অমসুং ঐখোয়না মখোয়গী অৱা-অনাশিং খঙবিবা মথৌ তাই: পি.এম.
থাগৎখিবা:
18 JUL 2021 12:44PM by PIB Imphal
প্রধান মন্ত্রী, শ্রী নরেন্দ্র মোদীনা রাজস্থানগী কোতাদা লৈবা থবক্তগী পোথাখ্রবা প্রামিলা সিংহদা মহাক্কী মিনুংশি অমসুং তৌখিবা থবকশিংগীদমক্তা চিথী অমা ইখ্রে। কোরোনাগী লোকদাউন মনুংদা, মেজোর প্রামিলা সিংহ (রিতায়র)না মহাক্কী মপাবুংগা শ্যামবীর সিংদগা লোয়ননা মপু লৈত্রবা শা-ঙাশিংবু মখোয়গী অৱাবা উবিদুনা য়েংশিনবিখি অমসুং মতেং কয়া অমা তৌখি। মেজোর প্রামিলা অমসুং মহাক্কী মপানা মখোয়না তুংশিনজবা পৈশা খর পুথোক্তুনা লম্বী সরক্তা লৈরিবা শা-ঙাশিং অসিগীদমক মচিঞ্জাক থাকপিখি। মেজোর প্রামিলাবু থাগৎপা ফোংদোক্তুনা প্রধান মন্ত্রীনা হায় মদুদি মহাক্না হোৎনরিবা অসিনা সমাজদা পুক্নিং থৌগৎলগনি।
প্রধান মন্ত্রীনা অশুম্না ইখি, “চহি অমাগা তঙ্খায় অমা অসিদা ঐখোয়না থৌনা ফনা অমুক্তা থোকখিদ্রিবা ফিভম অসি মায়োক্নখি। হায়রিবা পুৱারী ওইরবা মতম অসি মীয়াম্না মখোয়গী পুন্সিদা কৈদৌনুংদা কাওবা ঙম্লরোই। হায়রিবা অৱাবা তারবা মতম অসি মীওইবা খুনাই খক্তা নত্তনা মীওইবগা নক্ননা লৈরিবা শা-ঙাশিংসু য়াওরিবনি। অসিগুম্বা ফিভম অসিদা অসিগুম্বা অৱাবা তারবা শা-ঙাশিংবু য়েংশিনবিবা অমসুং মখোয়গী য়াইফনবা তৌবিবা মথৌ তাই।
মরক অসিদা প্রধান মন্ত্রী মোদীনা চিথী অমদা হায় মদুদি চিরবা মতম অসিদা মীওইবা খুনাইগী চাওথোকচনিংঙাই ওইবা খুদম কয়া অমা উবা ফংই। মেজোর প্রামিলা অমসুং মহাক্কী মপানা অসিগুম্বা খোঙথাংশিং অসি মখা তানা চৎথদুনা মীয়ামদা পাউজেল কয়া অমা শন্দোক্কনি হায়না প্রধান মন্ত্রীনা আসা তৌবা ফোংদোকখি।
মতম খরগী মমাংদা, মেজোর প্রামিলা সিংহনা হৌজিক ফাওবা শা-ঙাশিং য়েংশিল্লি হায়না চিথী অমা ইদুনা পাউদমখি। চিথী অসিদা শা-ঙাশিং অসিগী অৱাবশিং পল্লদুনা মহাক্না মীয়াম্বু মখোয়গীদমক থোকপিরক্নবা অপিল তৌখি।
****
(রিলিজ আই.দি.: 1736603)
ভিজিতর কাউন্তর : 276
রিলিজ অসি মসিদা পাবীয়ু:
Malayalam
,
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada