প্রধানমন্ত্রীগী লোইশঙ
পি.এম.না গুজরাত্তা তোঙান তোঙানবা প্রোজেক্তশিং শঙ্গাখ্রে অমসুং জাতিদা কত্থোকখ্রে
শুপ্নগী কনক্রিৎ স্ত্রকচরতা নত্তনা ইনফ্রাস্ত্রকচরদা মশাগী মগুন য়াওজবা হায়বা অসি ঙসি ঐখোয়গী পান্দম ওইরি: পি.এম.
ভারতকী ২১শুবা চহিচাগী মথৌ তাবশিং অসি ২০শুবা চহিচাগী মওংশিং অদুনা থুংহনবা ঙম্লোই: পি.এম.
সাইন্স সিতীদা অঙাংশিংগী ক্রিএতিবিতী থৌগৎনবা রিক্রিএস্নেল এক্তিবিতীশিং য়াওরি: পি.এম.
ঐখোয়না রেলৱেজ অসি শুপ্নগী সর্ভিস অমা ওইহনবতা নত্তনা এসেৎ অমা ওইনসু শেমগৎখি : পি.এম.
তায়র ২ অমসুং তায়র ৩গী শহরশিংদা লৈবা রেলৱেজ স্তেসন খুদিংমক মতমগা চুন্নরবা খুদোংচাবশিং ফংহল্লি : পি.এম.
Posted On:
16 JUL 2021 5:45PM by PIB Imphal
প্রধান মন্ত্রী শ্রী নরেন্দ্র মোদীনা ভিদিও কনফরেন্সকী খুত্থাংদা গুজরাত্তা রেলৱেজকী মরু ওইবআ প্রোজেক্ত কয়া শঙ্গাখ্রে অমসুং জাতিদা কত্থোকখ্রে। মহাক্না থৌরম অদুদা গুজরাত সাইন্স সিতীদা লৈবা এক্বাতিক্স এন্দ রোবোতিক্স গেলরী অমসুং নেচর পার্কসু শঙ্গাখি। মহাক্না অনৌবা ত্রেন অনি হায়বদি গান্ধিনগর কেপিতেল – বারানসী সুপরফাস্ত এক্সপ্রেস অমসুং গান্ধিনগর কেপিতেল অমসুং বরেথাগী মরক্তা এম.ই.এম.য়ু. সর্ভিস ত্রেনশিং অসি লমথাখি।
মীতিন অদুদা ৱা ঙাংলদুনা প্রধান মন্ত্রীনা ঙসি লৈবাক অসিগী পান্দম অসি কনক্রেৎ স্ত্রকচর অমা শাবতা নত্তনা মশাগী করেক্তর লৈজবা ইনফ্রাস্ত্রকচর অমা লৈহনবা অসিনি হায়না ফোঙদোকখ্রে। মহাক্না হায় অঙাংশিংগী লর্নিং অমসুং ক্রিএতিবিতী অসি মখোয়গী মহৌশাগী ওইবা দিবেলপমেন্ত লাক্নবগীদমক্তা মখোয়গী হরাও-নুংঙাইবগী মতমসু পীগদবনি। মহাক্না মখা তারদুনা হাব সাইন্স সিতী অসি রি-ক্রিএসন অমসুং রি-ক্রিএতিবিতীগী অপুনবা প্রোজেক্ত অমনি। মসিদা অঙাংশিংগী ক্রিএতিবিতীবু থৌগৎনবা অসিগুম্বা রি-ক্রিএস্নেল এক্তিবিতীশিং য়াওরি।
প্রধান মন্ত্রীনা হায় সাইন্স সিতীদা শাখিবা এক্বাতিক্স গেলরী অসি হেন্না নুংঙাইবা ওইরগনি। মসি লৈবাক অসিগীতা নত্তনা এসিয়াগী তোপ এক্বারিয়মশিংগী মনুংদা অমা ওইরি। মহাক্না হায় মফম অমদা মালেম পুম্বগী মেরিন বাইওদাইভর্সিতী উবা ফংবা অসিমক য়াম্না নুংঙাইবা এক্সপরিয়েন্স অমনি।
প্রধান মন্ত্রীনা হায় রোবোতিক্স গেলরীদা লৈরিবা রোবোৎশিংগী ৱারী শাবা অসি সেন্তর ওফ এত্রেক্সন ওইবতা নত্তনা মসিনা ঐখোয়গী নহাশিংবু রোবোতিক্সকী লমদা থবক তৌনবা ইনোৎ হাপ্লগনি অমসুং মখোয়গী ৱাখলদা খঙনীংবা পোকহল্লগনি।
প্রধান মন্ত্রীনা ২১শুবা চহিচাগী ভারতকী মথৌ তাবশিং অসি ২০শুবা চহিচাগী মোদস ওপরেন্দিগী মওংনা মেনখৎপা ঙম্লোই হায়না ফোঙদোকখ্রে। মরম অসিনা ঐখোয়না রেলৱেজতা অনৌবা রিফোর্ম অমা পুরকপা মথৌ তাই। মহাক্না হায় ঙসি ৱেলৱেজ শেমদোক্নবা হোৎনরিবা অসিগী ফলশিং অসি শুপ্নগী সর্ভিসতা নত্তে মসি উবা ফংবা এসেৎ অমনি। মহাক্না হায় ঙসি লৈবাক অসিদা লৈরিবা মরু ওইবা রেলৱে স্তেসনশিং মতমগা চুনবা মওংদা শেমগৎলি। তায়র ২ অমসুং তায়র ৩ শহরশিংদা লৈবা রেলৱে স্তেসন খুদিংমল ৱাই-ফাইগী খুদোংচাবা ফংলে। ব্রোদ গেজতা লৈবা অনমেন রেলৱেজ ক্রোসিংশিং অসি মীয়ামদা খুদোংথিবা থোকহন্দনবা মপুং ফানা লৌথোকখ্রে।
প্রধান মন্ত্রীনা ভারতকুম্বা অচৌবা লৈবাক অমদা রেলৱেজনা লৌরিবা মরু ওইবা থৌদাংগী মতাংদসু ফোঙদোকখি। মহাক্না হায় রেলৱেজনা চাউখৎ-থৌরাংদা অনৌবা ইনোৎ অমসুং ফেসিলিতীশিংদা অনৌবা ইনোৎসু পীরি। হৌখিবা চহি খরা অসিদা হোৎনখিবশিংনা মরম ওইদুনা ঙসি ত্রেনশিংনা অহানবা ওইনা অৱাং নোংপোক্কী কেপিতেলশিংদা য়ৌবা ঙম্লি। প্রধান মন্ত্রীনা হায়, “ঙসো বদনগর অসি চাউথোকপা অসিগী শরুক অমা ওইরি। বদনগর স্তেসনগা শাগোন্নবা ঐহাক্কী ৱারী কয়াসু লৈ। অনৌবা স্তেসন অসি য়াম্না ফজৈ। অনৌবা ব্রোদ গেজ লাইন অসি শাবগা লোইননা বগনগর-মোধেরা-পতন হেরিতেজ সর্ক্যিৎ অসি হৌজিক হেন্না ফবা রেল সর্ভিস ফংলগনি”।
প্রধান মন্ত্রীনা অনৌবা ভারতকী চাউখৎ-থৌরাং অসি লম্বী অনিদা অমুক্তদা চৎলবা মতমদা মাংদা চংশিনবা ঙমগনি হায়না ফোঙদোকখ্রে। লম্বী অমনা মোদর্নিতী অদুগা অতোপ্পা লম্বী অদুনা লায়রবা, লৌমী অমসুং মিদল ক্লাসকী য়াইফ-থৌরাং হায়বা অসিনি।
***
(Release ID: 1736372)
Visitor Counter : 205
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam