ভারত সরকারনা কোবিদ-১৯ লাইচৎকী মায়োক্তা লান্থেংনবদা মাংজিল থানা হোৎনখি। লাইচৎ অসি লান্থেংননবা ভারত সরকারগী পোইন্ত মঙাগী লালোং অসিদা ভেক্সিনেসন্না খ্বাইদগী মরু ওইবা মচাক অমা ওইরি (তেস্ত তৌবা, ত্রেক তৌবা, ত্রীৎ তৌবা অমসুং কোবিদকী চুনবা চৎনা লোনচৎ য়াওনা)।

লৈবাক অসিদা কোবিদ-১৯গী অনিশুবা ৱেবকী মনুংদা মীদিয়াদা কোবিদ-১৮গী মথংগী ৱেবশিং থোরকপনা পীবা শাফুনা অঙাংশিংদা হেন্না খুদোংথিবা থোকপা য়াবগী অকিবগী মতাংদা ৱাহং কয়া হংনরকখি।

অখং-অহৈশিংনা ফম্পাক কয়াদা মসিগী অকিবা অমসুং চিংনবশিং অসি কোকহন্ননবা হোৎনখি।

নিতি আয়োগকী মেম্বর (হেল্থ) দা. ভি.কে. পোলনা জুন ১, ২০২১দা পাঙথোকখিবা কেন্দ্রগী হকশেল মন্ত্রালয়গী কোবিদ-১৯গী মীদিয়া ব্রিফিংদা অঙাংশিংনা নারকপদা মতিক চাবা কিয়র অমসুং লায়েং ফংহন্নবা হেল্থকিয়র ইনফ্রাস্ত্রকচরগী ওইনা মরাং কাইনা শিল-লাংলি হায়না ফোঙদোকখি। মহাক্না মখা তারদুনা হায় অঙাংশিংদা কোবিদ-১৯ নাবা মতমদা অয়াম্বনা লাইওং উৎকনদে অমসুং হোস্পিতালদা পুখৎপগী মথৌ তাগনদে। অদুম ওইনমক অনাবা অঙাংশিংগী মনুংদা অপিকপা পর্সেন্তেজ অমদি হোস্পিতালদা পুখৎপী মথৌ তাবগী ওইথোকপা লৈ।

(https://pib.gov.in/PressReleasePage.aspx?PRID=1723469 )

জুন ৮, ২০২১দা পাংথোকখিবা কোবিদ-১৯গী মীদিয়া ব্রিফতিংগী মনুংদা ওল ইন্দিয়া ইন্সতিত্যুত ওফ মেদিকেল সাইন্সেস (এম্স) নই দিল্লীগী দিরেক্তর, রন্দীপ গুলেরিয়ানা ভারত নত্ত্রগা গ্লোবেলদগী লাক্কদবা ৱেবশিং অসিনা অঙাংশিংদা কাহেন্না শোকহনগনি হায়বা উৎপগী দেতা লৈতে হায়না ফোঙদোকখি। হীরম অসিদা মখা তানা শেংদোক্লদুনা মহাক্না ভারত্তা কোবিদ-১৯ নাবনা মরম ওইরগা অনিশুবা ৱেবতা হোস্পিতালদা পুখৎলকখিবা কোমোর্বিদিতীশিং লৈবা নত্ত্রগা ইম্ম্যুনিতী শোনবা অঙাংশিংগী চাংদম্নবদা মশা-মউ ফবা অঙাংশিংদি মাইল্দ ওইবা অনাবা খরা নারম্লগা হোস্পিতালদা পুখৎপগী মথৌ তাদনা ফগৎলকখি হায়না ফোঙদোরকখ্রে। (https://www.pib.gov.in/PressReleasePage.aspx?PRID=1725366 )

নেস্নেল তেক্নিকেল এদভাইজরী গ্রুপ ওন ইন্ম্যুনাইজেসন (এন.তি.এ.জি.আই.)গী ৱার্কিং গ্রুপকী চিয়র্পরসন দা. এন.কে. অরোরানা জুন ২৫, ২০২১দা চহি ২-১৮ ফাওবদা লৈবা অঙাংশিংদা কোভাক্সিনগী ত্রাইএলশিং পাংথোকপা হৌখ্রে অমসুং হায়রিবা অসিগী ফলশিং চহি অসিগী সেপ্তেম্বরদগী ওক্তোবর ফাওবদা ফংলগনি। মহাক্না অঙাংশিংদা ইনফেক্সন থোকপা য়াই অদুবু খুদোংথীবা মওংদা অনাবদি থোকহল্লোই।   

 (https://pib.gov.in/PressReleseDetailm.aspx?PRID=1730219 )

তুংদা লাক্কদবা কোবিদ-১৯ ৱেবশিংদা অঙাংশিং শাফনা অমসুং হকচাং ফনা থম্নবা মথৌ তাবা শেম শাবা অদু মরুওইনা লৌদুনা হকশেল অমসুং য়াইফ-য়ুম্বাল মন্ত্রালয়না জুন ১৮, ২০২১দা অঙাংশিংগী কোবিদ ১৯ মেনেজমেন্তকী গাইদলাইনশিং ইসু তৌখি। দোক্যুমেন্ত অসিদা লাইওংশিংগী অকুপ্পা গাইদেন্স, তোঙান তোঙানবা লায়েংশিং, ইনফেক্সন প্রিভেন্সন এন্দ কন্ত্রোল (আই.পি.সি.) য়াওনা মোনিতর অমসুং মেনেজমেন্ত তৌবা, মাস্ক শিজিন্নবগী পাউতাকনচিংবা পীরি।

(https://www.mohfw.gov.in/pdf/GuidelinesforManagementofCOVID19inCHILDREN18June2021final.pdf )

কেন্দ্রগী হকশেল মন্ত্রী অমসুং এক্সপর্ত কয়ামরুম্না ভাইরস অসি শন্দোকপগী চেন অসি থুগাইনবা অঙাংশিংগা লোইননা অহলশিংগী কোবিদ এপ্রোপিএত বিহেবিয়র (সি.এ.বি.) মথৌ তাবা অদু চাং নাইনা য়েংশিল্লি।

*****