প্রধানমন্ত্রীগী লোইশঙ
পি.এম.না মশক নাইরবা লমজেল্লোই শ্রী মিলখা সিংহনা লৈখিদবদা অৱাবা ফোঙদোকখ্রে
प्रविष्टि तिथि:
19 JUN 2021 8:16AM by PIB Imphal
প্রধান মন্ত্রী, শ্রী নরেন্দ্র মোদীনা মশক নাইরবা লমজেল্লোই শ্রী মিলখা সিংহনা লৈখিদবদা থম্মোই শোক্না অৱাবা ফোঙদোকখ্রে। শ্রী মোদীনা মহাকপু লৈবাক অসিদা ফীদা অমা কনবা ঙমখ্রবা অথোইবা শান্নরোই অমা অমসুং মশিং থিঙমদ্রবা ভারত মচাশিংগী থম্মোইদা অখন্নবা মফম অমা কনখিবা মীওই অমনি হায়না ফোঙদোকখ্রে।
ত্বিৎ মথং-মথং তৌরদুনা প্রধান মন্ত্রীনা হায়, “শ্রী মিলখা সিংহজীনা লৈখিদবদা লৈবাক অসিদা ফীদা অমা কনবা ঙমখ্রবা অথোইবা শান্নরোই অমা অমসুং মশিং থিঙমদ্রবা ভারত মচাশিংগী থম্মোইদা অখন্নবা মফম অমা কনখিবা মীওই অমা মাংজরে। মহাক্কী ফিদম্নীংঙাই ওইরবা মগুন অদুনা মশাবু মীওই করোর কয়ানা পাম্নহনখি। মহাক্না লৈখিদবদা নুংঙাইদবা পোকই।
শুপ্নগী নুমিৎ খরনিগী মমাংদা ঐহাক্না শ্রী মিলখা সিংহা ৱারী শাখি। মদুনা ঐখোয় অনিগী অরোইবা ৱারী শাবা ওইগনি হায়বা ঐহাক্না খল্লুদে। মহাক্কী পুন্সি খোঙচৎ অসিনা হৌগৎলক্লিবা শান্নরোই কয়াদা থৌনা হাপ্লগনি। মহাক্কী ইমুং-মনুং অমসুং মালেম শিনবা থুংবদগী মহাকপু পামজরুবা পুম্নমক্তা ঐহাক্না অৱাংবা ফোঙদোকচরি।”
*****
(रिलीज़ आईडी: 1728486)
आगंतुक पटल : 206
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam