হৌখিবা পুং ২৪ অসিদা ভারত্তা অনৌবা কেস ৮০,৮৩৪ লাকখ্রে৷ হৌজিক্তি লৈবাক অসিদা নোংমদা অনৌবা কেস লাখ ১গী মখাদা লাকখিবা নুমিৎ ৬নি শুরে৷ মসিগী ফিভম অসি কেন্দ্র অমসুং রাজ্যশিং/য়ু.তি.শিংনা য়াম্না কন্না হোৎনবগী মহৈনি৷

ভারতকী এক্তিব কেসলোদ লেপ্পা-লৈতনা তারক্লি৷ লৈবাক অসিগী এক্তিব কেসলোদ ঙসি ১০,২৬,১৫৯ ওইখ্রে৷ কেসলোদ লাখ ২০গী মখাদা লৈখিবা নুমিৎ ১৩নি শুরে৷

হৌখিবা পুং ২৪ অসিদা কেস ৫৪,৫৩১ হন্থরকখি অমসুং হৌজিক লৈরিবা এক্তিব কেস মশিং অসি লৈবাক অসিগী অপুনবা পোজিতিব কেস মশিং অদুগী ৩.৪৯% খক্তনি৷

কোবিদ লাইনা-লাইচৎ অসিদগী মীওই কয়া অমা লেপ্পা-লৈতনা ফরকপনা, ভারততা নোংমদা লাক্লিবা অনৌবা কেস মশিংদগী নোংমদা লাইনা-লাইচৎ অসিদগী ফরক্লিবা মশিংনা হেনখিবা নুমিৎ ৩১নি শুরে৷ হৌখিবা পুং ২৪ অসিদা লাইনা-লাইচৎ অসিদগী মীওই ১,৩২,০৬২ নাবা ফখি৷ নোংমদা লাক্লিবা অনৌবা কেসশিং অসিগা য়েংনবা মতমদা হৌখিবা পুং ২৪ অসিদা লাইনা-লাইচৎ অসিদগী মীওই ৫১,২২৮ হেন্না নাবা ফখ্রে৷.

লাইনা-লাইচৎ অসি হেক শন্দোরকপা মতমদগী হৌদুনা হৌজিক ফাওবদা মীওই ২,৮০,৪৩,৪৪৬ লাইচৎ অসিদগী নাবা ফখ্রে অমসুং হৌখিবা পুং ২৪ অসিদা মীওই ১,৩২,০৬২ লাইচৎ অসিদগী নাবা ফখ্রে৷ মসিনা লৈবাক অসিগী রিকোভরী রেত অসি ৯৫.২৬% ওইহন্দুনা লেপ্পা লৈতনা হেনগৎলক্লি৷

লৈবাক অসিদা তেস্ত তৌবগী চাং কা-হেন্না হেনগৎলক্তুনা, হৌখিবা পুং ২৪ অসিদা লৈবাক অসিদা তেস্ত পুন্না ১৯,০০,৩১২ তৌখ্রে৷ হৌজিক ফাওবদা ভারততা তেস্ত পুন্না কোতি ৩৭.৮১(৩৭,৮১,৩২,৪৭৪) হেন্না তৌখ্রে৷

নাকল অমদা লৈবাক অসিদা তেস্ত তৌবগী চাং অসি হেনগৎলকখিবা অসিদা মরী লৈননা চয়োলগী ওইনা পোজিতিব ওইখিবগী চাংসু লেপ্পা-লৈতনা হন্থরকখ্রে৷ চয়োলগী ওইনা পোজিতিব ওইখিবগী চাং অসি হৌজিক হৌজিক ৪.৭৪% ওই অদুগা নোংমদা পোজিতিব ওইখিবগী চাং অসি ঙসি ৪.২৫% ওইখ্রে৷ হৌজিক্তি ১০%গী মখাদা পোজিতিব ওইখিবা নুমিৎ ২০নি শুরে৷

নেসনৱাইদ ভেক্সিন দ্রাইবকী মখাদা কাপখিবা কোবিদ-১৯ ভেক্সিনগী অপুনবা মশিং অদু ঙরাং কোতি ২৫ হেনখ্রে৷ হৌখিবা পুং ২৪ অসিদা ভেক্সিন দোজ ৩৪,৮৪,২৩৯ কাপখ্রে৷

ঙসি অয়ুক পুং ৭ ফাওবদা ফংখিবা প্রোভিজনেল রিপোর্তকী মতুং ইন্না সেসন ৩৫,০৫,৫৩৫দা ভেক্সিন দোজ পুন্না ২৫,৩১,৯৫,০৪৮ কাপখ্রে৷

মসিগী মনুং চল্লিবশিং অদুদি:

 ******