প্রধান মন্ত্রী নরেন্দ্র মোদীনা নুমিৎ ৫০নি তোকিও ওলেম্পিক্স থৌরমগীদমক ইন্দিয়াগী ওলেম্পিক্সকী শেম-শারিবা অসি য়েংশিনখ্রে। ওফিসিএলশিংনা লাক্কদৌরিবা তোকিও ওলেম্পিক্সকীদমক শেম-শারিবশিং পুথোক্তুনা উৎখ্রে। রিভিউ মনুং অসিদা ইকাই খুম্নরবা প্রধান মন্ত্রীনা লায়চৎ মনুংদা শান্নরোইশিংদা ত্রেনিংগী অকায়বা পীদনবা, ওলেম্পিক কোতা ফংননবা মালেমগী ওইবা অহেনবা তান্নবদা শরুক য়াহনবা, শান্নরোইশিংগী ভেক্সিনেসন অমসুং মখোয়দা  মতম-মতমগী ওইবা মতেং পীনবগী খোঙথাং কয়া অমা পায়খৎলি হায়বগী থাজবা পীখি।    

ওফিসিএলশিংনা ভেক্সিনেসনগী ফিভম অমসুং সপোর্ত স্তাফকী মতাংদা পাউদমখি। প্রধান মন্ত্রীনা তোকিও ওলেম্পিক্সকীদমক খনগৎলবা/খনবা য়াবা শান্নরোইশিং, সপোর্ত স্তাফ অমসুং ওফিসিএলশিংবু অথুবা মতমদা তিকা থাদোক্নবা পাউতাক পিখি।

প্রধান মন্ত্রীনা হায়খি মদুদি মহাক্না ইন্দিয়ন পুম্বগী মহুৎ শিন্দুনা মখোয়বু থৌনা পীনবা অমসুং য়াইফ পাউজেল পীনবা ঐখোয়গী ওলেম্পিক্স কন্তিজেন্তবু ভিদিও কনফরেন্সকী খুত্থাংদা জুলাইদা উন্নগনি। প্রধান মন্ত্রীনা হায় মদুদি শান্ন-খোৎনবা অসিনা ঐখোয়গী লৈবাক্কী শাজৎকী থৱায়নি অমসুং নহারোলশিংনা অকনবা অমসুং মখল য়াম্বা মশান্নশিংগী নাৎশিং শেমগৎলি। মহাক্না হায় মদুদি ওলেম্পিক্সতা শরুক য়াগদৌরিবা ঐখোয়গী নহারোলশিংদা ভারত মচা করোর ১৩৫গী য়াইফ পাওজেলগা লোয়ননা চৎলগনি। প্রধান মন্ত্রীনা মখা তানা হায় মদুদি মালেমগী ফম্বাক্তা নহা ওইরিবা শান্নরোই পুম্বনা ঙান্থোইনবা, শান্ন-খোৎনবদা থৱায় য়াওনবা লিশিং কয়া অমা পুক্নিং থৌগৎলগনি।

ওফিসিএলশিংনা হায় মদুদি শান্নরোইশিংবু ওলেম্পিক্সতা শরুক য়াবা মতমদা পুক্নিং থৌগৎনবা অমসুং মখোয়গী ৱাখল চাওথোক্নবা অখন্নবা মিয়েং চংলগনি। মরম অদুনা, অহেনবা তান্নবা মতম অসিদা ভারত্তা লৈরিবা মখোয়গী মমা-মপা ওইবশিং অমসুং ইমুং-মনুংগী মীওইশিংগা চাং-নাইনা ভিদিও কনফরেন্স শিনগনি।

পুন্না শান্নরোই ১০০ মশান্না ১১দা তোকিও ওলেম্পিক্সকীদমক ক্বালিফাই ওইরে অমসুং চাওরাক্না শান্নরোই ২৫ হেন্না ২০২১গী জুনগী থা লোইরকপদা তোকিও ওলেম্পিক্সকীদমক ক্বালিফাই ওইবা য়ানা লৈরি হায়না প্রধান মন্ত্রীদা পাউদমখি। হায়রিবা অসিদা অপুনবা ভারতকী শান্নরোই ১৯ হৌখিবা ২০১৬দা রিও দি জানৈরোদা পাংথোকখিবা পেরালিম্পিক্সতা শরুক য়াখি। পেরা শান্নরোই ২৬ অমা ক্বালিফাই ওইরে অমসুং শান্নরোই ১৬ হেন্না তোকিও ওলেম্পিক্সকীদমক ক্বালিফাই ওইবা য়ানা লৈরি।  

*******