ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟ ଦୀର୍ଘସ୍ଥାୟୀ ସହରୀ ବିକାଶ ନିମନ୍ତେ ଭାରତ ସରକାରଙ୍କ ଆବାସ ଓ ସହରାଞ୍ଚଳ ବ୍ୟାପାର ମନ୍ତ୍ରଣାଳୟ ଏବଂ ଜାପାନର ମିନିଷ୍ଟ୍ରି ଅଫ ଲ୍ୟାଣ୍ଡ, ଇନଫ୍ରାଷ୍ଟ୍ରକ୍ଚର, ଟ୍ରାନ୍ସପୋର୍ଟ ଆଣ୍ଡ ଟୁରିଜିମ ମନ୍ତ୍ରଣାଳୟ ମଧ୍ୟରେ ସହଯୋଗ ବୁଝାମଣାରେ ସ୍ବାକ୍ଷର କରାଯିବା ପ୍ରସ୍ତାବକୁ ଅନୁମୋଦନ କରିଛନ୍ତି। ଏହା ସହରୀ ବିକାଶ କ୍ଷେତ୍ରରେ 2007 ଠାରୁ କାର୍ଯ୍ୟକାରୀ ହେଉଥିବା ଏମଓୟୁ ସ୍ଥାନରେ କାର୍ଯ୍ୟକାରୀ ହେବ।

କାର୍ଯ୍ୟକାରିତା ରଣନୀତି :

ଏହି ଏମଓସିର ପରିଧିରେ ସହଯୋଗ ସଂକ୍ରାନ୍ତ କାର୍ଯ୍ୟକ୍ରମକୁ କାର୍ଯ୍ୟକାରୀ କରିବା ଏବଂ ରଣନୀତି ପ୍ରସ୍ତୁତ କରିବା ଲାଗି ଏକ ଯୁଗ୍ମ କାର୍ଯ୍ୟ ଦଳ ଗଠନ କରାଯିବ। ଏହି ଯୁଗ୍ମ କାର୍ଯ୍ୟ ଦଳର ବୈଠକ ବର୍ଷକୁ ଗୋଟିଏ ଥର ଆୟୋଜନ କରାଯିବ ଏବଂ ଥର ଥର କରି ଜାପାନ ଓ ଭାରତରେ ଆୟୋଜିତ ହେବ।

ସ୍ବାକ୍ଷରିତ ହେବା ଦିନ ଠାରୁ ଏହି ଏମଓସି କାର୍ଯ୍ୟକାରୀ ହେବ ଏବଂ ଏହାର ଅବଧି ପରବର୍ତ୍ତୀ 5 ବର୍ଷ ପର୍ଯ୍ୟନ୍ତ ରହିବ। ଏହାପରେ ପାଞ୍ଚ ବର୍ଷର ଅବଧି ପୂରଣ ହେବା ପରେ ଏହାର ନବୀକରଣ ଆହୁରି ପାଞ୍ଚ ବର୍ଷ ପର୍ଯ୍ୟନ୍ତ ଆପେ ଆପେ ହୋଇଯିବ।

ପ୍ରମୁଖ ପ୍ରଭାବ :

ଏହି ଏମଓସି ଫଳରେ ଦୁଇ ଦେଶ ମଧ୍ୟରେ ଦୀର୍ଘସ୍ଥାୟୀ ସହରୀ ବିକାଶ କ୍ଷେତ୍ରରେ ମଜବୁତ, ଗଭୀର ଓ ଦୀର୍ଘକାଳୀନ ଦ୍ବିପାକ୍ଷିକ ସହଯୋଗକୁ ପ୍ରୋତ୍ସାହନ ମିଳିବ।

ଲାଭ :

ଆଶା କରାଯାଉଛି ଯେ ଏମଓସି ଫଳରେ ସହରୀକରଣ ଯୋଜନା, ସ୍ମାର୍ଟ ସିଟି ବିକାଶ, ଶସ୍ତା ଆବାସ (ଭଡ଼ା ଘର ସମେତ), ସହରାଞ୍ଚଳ ବନ୍ୟା ପରିଚାଳନା, ସ୍ବେରେଜ ଏବଂ ବର୍ଜ୍ୟ ଜଳ ପରିଚାଳନା, ସହରୀ ଗମନାଗମନ (ଅତ୍ୟାଧୁନିକ ଦକ୍ଷ ପରିବହନ ପରିଚାଳନା ବ୍ୟବସ୍ଥା, ଟ୍ରାନଜିଟ ଆଧାରିତ ବିକାଶ ଓ ବହୁଉପଯୋଗୀ ଏକୀକରଣ) ଏବଂ ବିପର୍ଯ୍ୟୟ ପ୍ରଶମନକ୍ଷମ ବିକାଶ) ସମେତ ଦୀର୍ଘସ୍ଥାୟୀ ସହରୀ ବିକାଶ କ୍ଷେତ୍ରରେ ନିଯୁକ୍ତି ସୁଯୋଗ ସୃଷ୍ଟି ହୋଇପାରିବ।

ବିବରଣୀ :

ଏମଓସିର ଉଦ୍ଦେଶ୍ୟ ହେଉଛି ଭାରତ ଓ ଜାପାନ ମଧ୍ୟରେ ଦୀର୍ଘସ୍ଥାୟୀ ସହରୀ ବିକାଶ କ୍ଷେତ୍ରରେ ବୈଷୟିକ ସହଯୋଗକୁ ସୁଦୃଢ଼ କରିବା। ଏଥିରେ ସହରୀକରଣ ଯୋଜନା, ସ୍ମାର୍ଟ ସିଟି ବିକାଶ, ଶସ୍ତା ଆବାସ (ଭଡ଼ା ଘର ସମେତ), ସହରାଞ୍ଚଳ ବନ୍ୟା ପରିଚାଳନା, ସ୍ବେରେଜ ଏବଂ ବର୍ଜ୍ୟ ଜଳ ପରିଚାଳନା, ସହରୀ ଗମନାଗମନ (ଅତ୍ୟାଧୁନିକ ଦକ୍ଷ ପରିବହନ ପରିଚାଳନା ବ୍ୟବସ୍ଥା, ଟ୍ରାନଜିଟ ଆଧାରିତ ବିକାଶ ଓ ବହୁଉପଯୋଗୀ ଏକୀକରଣ) ଏବଂ ବିପର୍ଯ୍ୟୟ ପ୍ରଶମନକ୍ଷମ ବିକାଶ) ସମେତ ଦୀର୍ଘସ୍ଥାୟୀ ସହରୀ ବିକାଶ ସାମିଲ ରହିଛି। ଏହାବ୍ୟତୀତ ଦୁଇ ପକ୍ଷଙ୍କ ଦ୍ବାରା ଆପୋସ ଭାବେ ନିର୍ଦ୍ଧାରିତ କରାଯାଇଥିବା କ୍ଷେତ୍ର ମଧ୍ୟ ସାମିଲ ରହିବ। ପ୍ରସ୍ତାବିତ ଏମଓସି ଜରିଆରେ ଉପରୋକ୍ତ କ୍ଷେତ୍ରରେ ଉତ୍କୃଷ୍ଟ ପ୍ରଚଳନ ଓ ପ୍ରମୁଖ ଅଭିଜ୍ଞତା ବିନିମୟ କରିବା ସମ୍ଭବ ହେବ।

*********

P.S