প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা পাঙথোকখিবা কেন্দ্রগী মন্ত্রী মন্দল মীফমনা অর্বান দিবেলপমেন্তদা মতাংদা ২০০৭ হৌজিক লৈরিবা এম.ও.য়ু. অসি সুপর্সেসন তৌদুনা ভারত সরকারগী হাউসিং অমসুং অর্বান এফিয়র্স মন্ত্রালয় অমসুং জপান সরকারগী লেন্দ, ইনফ্রাস্ত্রকচর, ত্রান্সপোর্ত অমসুং তুরিজম মন্ত্রালয়গী মরক্তা সস্তেনেবল অর্বান দিবেলপমেন্তদা মেমোরেন্দম ওফ কোওপরেসন (এম.ও.সি) খুৎয়েক পীনবদা অয়াবা পীখ্রে।

ইমপ্লিমেন্ত তৌবগী লালোং:

এম.ও.সি.গী ফ্রেমৱার্ক্কী মখাদা কোওপরেসনগী প্রোগ্রামশিং স্ত্রেতিজাইজ অমসুং ইমপ্লিমেন্ত তৌনবা জোইন্ত ৱর্কিং গ্রুপ (জে.দবল্যু.জি.) অমা শেমখ্রে। জোইন্ত ৱর্কিং গ্রুপনা জপানদা অমুক অমসুং ভারত্তা অমুক মথং-মনাও নাইনা চহি অমদা অমুক্তং উন্নগনি।

এম.ও.সি. অসিগী মখাদা কোওপরেসন অসি খুৎয়েক পীনখিবা তাং অদুদগী চৎনবা হৌগনি অমদি চহি মঙা চুপ্না চত্থগনি। মসিগী মতুংদা মসি মথংগী চহি মঙা-মঙা লৈরগা মশা মথন্তা রিন্যু তৌজগনি।

চাউনা কান্নবা পীগদবা:

এম.ও.সি. অসিনা লৈবাক অনিগী মরক্তা সস্তেনেবল অর্বান দিবেলপমেন্তগী লমদা মপাঙ্গল লৈবা, অচেৎপা অমসুং মতম শাংনা চৎকদবা বাইলেতরেল কোওপরেসন থৌগৎকনি।

কান্নবশিং:

এম.ও.সি. অসিনা অর্বান প্লানিং, স্মার্ত সিতিজ দিবেলপমেন্ত, এফোর্দেবল হাউসিং (রেন্তেল হাউসিং য়াওনা), অর্বান ফ্লদ মেনেজমেন্ত, সিৱেজ এন্দ ৱেস্ত ৱাতর মেনেজমেন্ত, অর্বান ত্রান্সপোর্ত (ইন্তেলিজেন্ত ত্রন্সপোর্ত মেনেজমেন্ত সিস্তেম, ত্রাঞ্জিৎ-ওরিয়েন্তেদ দিবেলপমেন্ত এন্দ মল্তিমোদেল ইন্তিগ্রেসন য়াওনা) অমসুং দিজাজ্তর রেসিলিএন্ত দিবেলপমেন্ত য়াওনা সস্তেনেবল অর্বান দিবেলপমেন্তগী লমশিংদা থবক্কী খুদোংচাবশিং পীরগনি হায়না পান্নরি।

অকুপ্পা ৱারোলশিং:

এম.ও.সি. অসিগী পন্দমশিংদি অর্বান প্লানিং, স্মার্ত সিতিজ দিবেলপমেন্ত, এফোর্দেবল হাউসিং (রেন্তেল হাউসিং য়াওনা), অর্বান ফ্লদ মেনেজমেন্ত, সিৱেজ এন্দ ৱেস্ত ৱাতর মেনেজমেন্ত, ইন্তেলিজেন্ত ত্রন্সপোর্ত মেনেজমেন্ত সিস্তেম, ত্রাঞ্জিৎ-ওরিয়েন্তেদ দিবেলপমেন্ত, মল্তিমোদেল ইন্তিগ্রেসন, দিজাজ্তর রেসিলিএন্ত দিবেলপমেন্ত অমসুং নাকল অনিমক্না পুন্না খঙদোক্লবা অতৈ লমশিং য়াওনা  সস্তেনেবল অর্বান দিবেলপমেন্তগী লমশিংদা ভারত-জপানগী তেক্নিকেল কোওপরেসন লৈহনবা অমসুং মপাঙ্গল কনখৎহনবনি। প্রপোজ তৌখিবা এম.ও.সি. অসিনা মথক্তা পীরিবা লমশিং অসিগী মরু ওইবা তমশিনগদবশিং অমসুং খ্বাইদগী ফবা পাম্বৈশিং একচেঞ্জ তৌবা ঙমহল্লগনি।

*****