কোবিদনা অৱাবা নংহল্লবা অঙাংশিংদা শক্তি পীনবা পি.এম.কেয়রস ফোর চিলদ্রনগী মখাদা লাওথোকখিবা খোঙথাংশিংগী মতুংদা ভারত সরকারনা মখা তানা কোবিদনা মরম ওইদুনা শেল তাল্লিবা মীওই অমগী মপুন্সি মাংখ্রবা ইমুং-মনুংদা তেংবাংগীদমক লৌখৎকদবা খোঙথাংশিং লাওথোকখ্রে। মখোয়না কোবিদনা মরম ওইদুনা লৈখিদ্রবা ইমুংশিংদা পেন্সন পীগনি অমসুং ইন্সুরেন্স কম্পেসেসন হেন্না ফংহল্লগনি অমসুং কোমথোকহল্লগনি।

লৈখ্রিদবশিংগী ইমুং-মনুংশিংগীদমক মহাক্কী সরকারনা লেপ্লি হায়না প্রধান মন্ত্রীনা হায়খি। মহাক্না মসিসু হায়খি মদুদি স্কীমশিং অসিগী খুত্থাংদা মখোয়না থেংনরিবা শেল-থুমগী অৱাবা অসি কোকহন্নবা হোৎনরি।

ফেমিলী পেন্সন অন্দর ইমপ্লোয়িস স্তেত ইন্সুরেন্স কোর্পোরেসন (ই.এস.আই.সি.)

• ইজৎ লৈনা অমসুং নুঙাই-য়াইফবা পুন্সি মহিং অমগী ইমুং অমগীদমক মতেং ওইনবা কোবিদনা মরম ওইদুনা লৈখিদ্রবা ইমুংশিংদা অশি-অনাগা মরী লৈনবা ইমপ্লোইমেন্তগীদমক ই.এস.আই.সি. পেন্সন স্কীমগী কান্নবশিং পীরি। অসিগুম্বা লৈখিদ্রবশিংগী ইমুং-মনুংশিংগী মীওইশিংদা হাননা চৎনরম্বা শিন্মীশিং অসিগী নোংমগী খুৎশুমনগী চাদা ৯০গা মান্ননা পেন্সনগী কান্নবা ফংহনগনি। হায়রিবা কান্নবা অসি ২৪.০৩.২০২০দগীনা ২৪.০৩.২০২২ ফাওবদা লৈবা কেসশিংদা ফংগনি।

• ইমপ্লোয়ি প্রোবিদেন্ত ফন্দ ওর্গানাইজেসন – ইমপ্লোয়িস দিপোজিৎ লিঙ্কেদ ইন্সুরেন্স স্কীম (ই.দি.এল.আই.)

ই.দি.এল.আই. স্কীমগী মখাদা লৈরিবা ইন্সুরেন্সকী কান্নবশিং হেন্না ফংহল্লগনি অমশুং কোমথোকহল্লগনি। অতোপ্পা বেনেফিসরী পুম্বগী মথক্তা, মসিনা কোবিদনা লৈখিদ্রবা ইমপ্লোয়িশিংগী ইমুংশিংদসু মতেং অসি ফংগনি।  

ইন্সুরেন্সকী কান্নবা ফংগদবা খ্বাইদগী য়াম্বা শেনফম অসি লুপা লাখ ৬তগী লাখ ৭তা হেনগৎখ্রে।

• খ্বায়দগী পিকপা ইন্সুরেন্সকী কান্নবা পীনবা লুপা লাখ ২.৫ অমুক হন্না পুথোক্লে অমসুং হায়রিবা অসি ২০২০গী ফেব্রুৱারী ১৫দগীনা মথং চহি অহুম ফাওবা চৎনগনি।
• কন্ত্রেকচুএল/কেজুএল শিন্মীগী ইমুং-মনুংশিংগী কান্নবা ফংনবা, ইস্তাব্লিসমেন্ত অমদা থবক চৎথনবা, মহাক্না শিখ্রবা থা ১২গী মতুংদা থবক অমা ওন্দুনা ইমুংশিং অসিদা কান্নবা ফংহল্লি।

স্কীমশিং অসিগী মরীক চুম্বা লমজিং-লমতাকশিং অসি লেবর অমসুং ইমপ্লোইমেন্ত মিনিস্ত্রীনা পীবনি।

*****