ଭାରତରେ ମୋଟ ସକ୍ରିୟ କରୋନା ମାମଲା ଆଜି ୨୨,୨୮,୭୨୪କୁ ହ୍ରାସ ପାଇଛି । ୨୦୨୧ ମେ ୧୦ ତାରିଖରେ ସକ୍ରିୟ ମାମଲା ଶୀର୍ଷରେ ରହିବା ସହ କ୍ରମେ ହ୍ରାସ ପାଇ ଚାଲିଛି ।

ଗତ ୨୪ ଘଣ୍ଟା ମଧ୍ୟରେ ସକ୍ରିୟ ମାମଲାରେ ୧,୧୪,୪୨୮ ମାମଲା ହ୍ରାସ ପାଇଛି । ଦେଶର ମୋଟ ପଜିଟିଭ୍ ମାମଲାର ୮.୦୪% ମାମଲା ଅଛି ସକ୍ରିୟ ମାମଲା ।

ଦୈନିକ ନୂଆ ସଂକ୍ରମଣ ମାମଲା ନିମ୍ନମୁଖୀ ଥିବା ବେଳେ କ୍ରମାଗତ ୧୩ ଦିନ ପାଇଁ ଦୈନିକ ସଂକ୍ରମଣ ୩ ଲକ୍ଷ ତଳକୁ ରହିଛି । ଗତ ଦୁଇ ଦିନ ହେଲା ଦୈନିକ ନୂଆ ସଂକ୍ରମଣ ୨ ଲକ୍ଷରୁ ତଳେ ରହିଛି । ଗତ ୨୪ ଘଣ୍ଟା ମଧ୍ୟରେ ୧,୭୩,୭୯୦ ନୂଆ ମାମଲା ଚିହ୍ନଟ ହୋଇଛି ।

କ୍ରମାଗତ ୧୬ ଦିନ ପାଇଁ ଭାରତରେ ଦୈନିକ ସୁସ୍ଥ ହେଉଥିବା ଲୋକଙ୍କ ସଂଖ୍ୟା ଦୈନିକ ନୂଆ ସଂକ୍ରମଣ ସଂଖ୍ୟାକୁ ପଛରେ ପକାଇ ଦେଇଛି । ଗତ ୨୪ ଘଣ୍ଟା ମଧ୍ୟରେ ଦେଶରେ ୨,୮୪,୬୦୧ ଜଣ ସୁସ୍ଥ ହୋଇଛନ୍ତି ।

ଗତ ୨୪ ଘଣ୍ଟା ମଧ୍ୟରେ ନୂଆ ସଂକ୍ରମଣ ସଂଖ୍ୟା ଠାରୁ ସୁସ୍ଥଙ୍କ ସଂଖ୍ୟା ୧,୧୦,୮୧୧ ଅଧିକ ରହିଛି ।

ଦେଶରେ କରୋନା ମହାମାରୀ ଆରମ୍ଭ ହେବା ପରଠାରୁ କୋଭିଡ-୧୯ରୁ ଏ ପର୍ଯ୍ୟନ୍ତ ୨,୫୧,୭୮,୦୧୧ ଜଣ ସୁସ୍ଥ ହେଲେଣି । ଗତ ୨୪ ଘଣ୍ଟା ମଧ୍ୟରେ ୨,୮୪,୬୦୧ ଜଣ ସୁସ୍ଥ ହୋଇଛନ୍ତି ।  ଏହାଦ୍ୱାରା ମୋଟ ଉପରେ ସୁସ୍ଥତା ହାର ରହିଛି ୯୦.୮୦% ।

ଗତ ୨୪ ଘଣ୍ଟା ମଧ୍ୟରେ ଦେଶରେ ୨୦,୮୦,୦୪୮ ଟେଷ୍ଟ କରାଯାଇଛି । ଏ ପର୍ଯ୍ୟନ୍ତ ମୋଟ ୩୪.୧୧ କୋଟି ଟେଷ୍ଟ କରାଯାଇଛି ।

ଦେଶବ୍ୟାପୀ ଏକ ପକ୍ଷରେ ଟେଷ୍ଟିଂ ବୃଦ୍ଧି ପାଇଥିବା ବେଳେ ଅନ୍ୟ ପକ୍ଷରେ ସାପ୍ତାହିକ ପଜିଟିଭିଟି ହାର ହ୍ରାସ ପାଉଛି । ଏବେ ସାପ୍ତାହିକ ପଜିଟିଭିଟି ହାର ୯.୮୪% ଥିବା ବେଳେ ଦୈନିକ ପଜିଟିଭିଟି ହାର ହ୍ରାସ ପାଇ ୮.୩୬% ହୋଇଛି । କ୍ରମାଗତ ପଞ୍ଚମ ଦିନରେ ମଧ୍ୟ ଏହା ୧୦%ରୁ କମ୍ ରହିଛି ।

ଦେଶବ୍ୟାପୀ ଚାଲିଥିବା କୋଭିଡ-୧୯ ଟିକାକରଣ ଅଭିଯାନରେ ମୋଟ ୨୦.୮୯ ଡୋଜରୁ ଅଧିକ ଟିକା ଦିଆଗଲାଣି । ଯୁକ୍ତରାଷ୍ଟ୍ର ଆମେରିକା ପରେ ୨୦ କୋଟି ଡୋଜ୍ ଟିକାକରଣକୁ ଅତିକ୍ରମ କରିବାରେ ଭାରତ ଦ୍ୱିତୀୟ ରାଷ୍ଟ୍ର ।

ଆଜି ସକାଳ ୭ଟା ସୁଦ୍ଧା ୨୯,୭୨,୯୭୧ ସେସନରେ ମୋଟ ୨୦,୮୯,୦୨,୪୪୫ ଡୋଜ୍ ଟିକା ଦିଆଯାଇଛି ।

SR