ആരോഗ്യ, കുടുംബക്ഷേമ മന്ത്രാലയം
തുടർച്ചയായി 13-ആം ദിവസവും രാജ്യത്ത് പ്രതിദിന രോഗമുക്തി നേടിയവരുടെ എണ്ണം പ്രതിദിന പുതിയ കേസുകളെക്കാൾ കൂടുതൽ
Posted On:
26 MAY 2021 9:52AM by PIB Thiruvananthpuram
ന്യൂ ഡൽഹി, മെയ് 26, 2021
തുടർച്ചയായി 13-ആം ദിവസവും രാജ്യത്ത് പ്രതിദിന രോഗമുക്തി നേടിയവരുടെ എണ്ണം പ്രതിദിന പുതിയ കേസുകളെക്കാൾ കൂടുതലാണ്. കഴിഞ്ഞ 24 മണിക്കൂറിൽ 2,95,955 പേർ രോഗ മുക്തരായി - പുതിയ കേസുകളെക്കാൾ 87,034 കൂടുതൽ പേർ രോഗമുക്തി നേടി. ഇതുവരെ രോഗമുക്തി നേടിയവരുടെ എണ്ണം ഇന്ന് 2,43,50,816 ആയി. ദേശിയ രോഗമുക്തി നിരക്ക് 88.66% ആണ്.
ഇതുവരെ 20 കോടി വാക്സിൻ ഡോസുകൾ നൽകി ഇന്ത്യ ഒരു സുപ്രധാന നാഴികക്കല്ല് പിന്നിട്ടു. ഇന്ന് രാവിലെ ഏഴ് മണി വരെയുള്ള താൽക്കാലിക കണക്കുപ്രകാരം, 28,70,378 സെഷനുകളിലായി 20,06,62,456 വാക്സിൻ ഡോസ് വിതരണം ചെയ്തു.
കഴിഞ്ഞ പത്ത് ദിവസങ്ങളിൽ തുടർച്ചയായി പ്രതിദിന പുതിയ കേസുകളുടെ എണ്ണം മൂന്ന് ലക്ഷത്തിൽ താഴെയാണ്. കഴിഞ്ഞ 24 മണിക്കൂറിൽ 2,08,921 പുതിയ കേസുകൾ രജിസ്റ്റർ ചെയ്തു.
ഇന്ത്യയിൽ ചികിത്സയിലുള്ള ആകെ രോഗികളുടെ എണ്ണം ഇന്ന് 24,95,591 ആയി കുറഞ്ഞു. ഇത് രാജ്യത്ത് ആകെ രോഗികളുടെ എണ്ണത്തിന്റെ 9.19% ആണ്. കഴിഞ്ഞ 24 മണിക്കൂറിൽ 91,191 കേസുകളുടെ കുറവാണ് രേഖപ്പെടുത്തിട്ടിരിക്കുന്നത്.
കഴിഞ്ഞ 24 മണിക്കൂറിൽ 22,17,320 കോവിഡ് പരിശോധനകളാണ് നടന്നത്. ഇതുവരെ 33,48,11,496 പരിശോധനകൾ നടന്നിട്ടുണ്ട്. പ്രതിദിന പോസിറ്റിവിറ്റി നിരക്ക് 9.42% ആണ്. പ്രതിവാര പോസിറ്റിവിറ്റി നിരക്ക് 11.45% ആയി കുറഞ്ഞിട്ടുണ്ട്.
RRTN
(Release ID: 1722062)
Visitor Counter : 211
Read this release in:
English
,
Urdu
,
हिन्दी
,
Marathi
,
Manipuri
,
Bengali
,
Punjabi
,
Odia
,
Tamil
,
Telugu
,
Kannada