ଗତ ୨୪ ଘଣ୍ଟାରେ ଭାରତ ୨୧.୨୩ ଲକ୍ଷ ଟେଷ୍ଟ କରି ଗୋଟିଏ ଦିନରେ ସର୍ବାଧିକ ଟେଷ୍ଟ କରିବାରେ ପୁଣି ଏକ ନୂଆ ରେକର୍ଡ କରିଛି । ଦୈନିକ ୨୦ ଲକ୍ଷରୁ ଅଧିକ ଟେଷ୍ଟ କରିବାରେ ଏହା ମଧ୍ୟ କ୍ରମାଗତ ପଞ୍ଚମ ଦିନ । ୨୦୨୦ ଜାନୁଆରୀ ମାସରୁ ଭାରତ ଗୋଟିଏ ଦିନରେ ୨୫ ଲକ୍ଷ ପର୍ଯ୍ୟନ୍ତ ଟେଷ୍ଟ କରିବାର କ୍ଷମତା ବୃଦ୍ଧି କରିସାରିଛି ।

ଗତ ୨୪ ଘଣ୍ଟା ମଧ୍ୟରେ ଦେଶରେ ମୋଟ ୨୧,୨୩,୭୮୨ ଟେଷ୍ଟ କରାଯାଇଛି ।

ନିମ୍ନମୁଖୀ ଧାରାରେ ଦୈନିକ ପଜିଟିଭିଟି ହାର ୧୧.୩୪%କୁ ହ୍ରାସ ପାଇଛି ।

ସାତ ଦିନର ଦୈନିକ ପଜିଟିଭିଟି ହାର ଗ୍ରାଫ ନିମ୍ନରେ ଦିଆଯାଇଛି । ଯାହାକି ମେ ୧୦ ତାରିଖ ପରେ ସର୍ବନିମ୍ନ ।

ଅନ୍ୟ ଏକ ସକରାତ୍ମକ ଖବରରେ ଭାରତରେ ଦୈନିକ ନୂଆ ମାମଲା କ୍ରମାଗତ ସପ୍ତମ ଦିନ ପାଇଁ ୩ ଲକ୍ଷ ତଳେ ରହିଛି ।

ଗତ ୨୪ ଘଣ୍ଟା ମଧ୍ୟରେ ୨,୪୦,୮୪୨ ନୂଆ ମାମଲା ଚିହ୍ନଟ ହୋଇଛଇ । ୨୦୨୧ ଏପ୍ରିଲ ୧୭ ତାରିଖ ପରେ ଏହା ସର୍ବନିମ୍ନ, ଯେତେବେଳେ କି ଦୈନିକ ନୂଆ ମାମଲା ୨.୩୪ ଲକ୍ଷ ଥିଲା ।

କ୍ରମାଗତ ନବମ ଦିନ ପାଇଁ ଭାରତରେ ଦୈନିକ କରୋନାରୁ ସୁସ୍ଥ ହେଉଥିବା ଲୋକଙ୍କ ସଂଖ୍ୟା ଦୈନିକ ନୂଆ ମାମଲା ଠାରୁ ଅଧିକ ରହିଛି । ଗତ ୨୪ ଘଣ୍ଟା ମଧ୍ୟରେ ୩,୫୫,୧୦୨ ଜଣ ସୁସ୍ଥ ହୋଇଛନ୍ତି ।

ଭାରତରେ ମୋଟ ସୁସ୍ଥଙ୍କ ସଂଖ୍ୟା ୨,୩୪,୨୫,୪୬୭ ହୋଇଛି । ଜାତୀୟ ସୁସ୍ଥତା ହାର ପୁଣି ବୃଦ୍ଧି ପାଇ ୮୮.୩୦% ରହିଛି ।

ଅନ୍ୟ ପକ୍ଷରେ ଭାରତରେ ସକ୍ରିୟ କରୋନା ମାମଲା ଆଜି ୨୮.୦୫.୩୯୯ କୁ ହ୍ରାସ ପାଇଛି ।

ଗତ ୨୪ ଘଣ୍ଟା ମଧ୍ୟରେ ସକ୍ରିୟ ମାମଲାରେ ସିଧାସଳଖ ୧,୧୮,୦୦୧ ହ୍ରାସ ପାଇଛି । ଏହା ଏବେ ଦେଶର ମୋଟ ପଜିଟିଭ୍ ମାମଲାର ୧୦.୫୭% ରହିଛି ।

ଦେଶର ମୋଟ ସକ୍ରିୟ ମାମଲାର ୬୬.୮୮% ମାମଲା ରହିଛି ୭ଟି ରାଜ୍ୟରେ ।

ଜାତୀୟ ମୃତୁ୍ୟହାର ଏବେ ୧.୧୩% ରହିଛି ।

ଗତ ୨୪ ଘଣ୍ଟା ମଧ୍ୟରେ ଦେଶରେ ମୋଟ ୩୭୪୧ କରୋନା ମୃତୁ୍ୟ ହୋଇଛି ।

ନୂଆ ମୃତୁ୍ୟ ସଂଖ୍ୟାରୁ ୭୩.୮୮% ମୃତୁ୍ୟ ହୋଇଛି ଦଶଟି ରାଜ୍ୟରେ । ମହାରାଷ୍ଟ୍ରରେ ଦିନକରେ ସର୍ବାଧିକ ୬୮୨ ଜଣଙ୍କ ମୃତୁ୍ୟ ହୋଇଥିବା ବେଳେ କର୍ଣ୍ଣାଟକରେ ୪୫୧ ଜଣଙ୍କ ମୃତୁ୍ୟ ହୋଇଛି ।

ଦେଶବ୍ୟାପୀ ଚାଲିଥିବା କୋଭିଡ-୧୯ ଟିକାକରଣର ତୃତୀୟ ପର୍ଯ୍ୟାୟରେ ମୋଟ ଟିକାକରଣ ୧୯.୫୦ କୋଟିକୁ ଅତିକ୍ରମ କରିଯାଇଛି ।

ଆଜି ସକାଳ ୭ଟା ସୁଦ୍ଧା ୨୮,୦୦,୮୦୮ ସେସନରେ ମୋଟ ୧୯,୫୦,୦୪,୧୮୪ ଡୋଜ୍ ଟିକା ଦିଆଯାଇଛି । ଏହା ମଧ୍ୟରେ ରହିଛି, ୯୭,୫୨,୯୦୦ ଜଣ ଏଚସିଡବ୍ଲୁଙ୍କୁ ପ୍ରଥମ ଡୋଜ୍, ୬୭,୦୦,୬୧୪ ଜଣ ଏଚସିଡବ୍ଲୁଙ୍କୁ ଦ୍ୱିତୀୟ ଡୋଜ୍, ୧,୪୯,୫୨,୩୪୫ ଜଣ ଏଫଏଲଡବ୍ଲୁଙ୍କୁ ପ୍ରଥମ ଡୋଜ୍, ୮୩,୨୬,୫୩୪ ଜଣ ଏଫଏଲଡବ୍ଲୁଙ୍କୁ ଦ୍ୱିତୀୟ ଡୋଜ୍, ୧୮-୪୪ ବର୍ଷ ବର୍ଗର ୯୯,୯୩,୯୦୮ ଜଣଙ୍କୁ ପ୍ରଥମ ଡୋଜ୍, ୪୫ରୁ ୬୦ ବର୍ଷ ବୟସ ବର୍ଗରେ ୬,୦୬,୯୦,୫୬୦ ଜଣଙ୍କୁ ପ୍ରଥମ ଡୋଜ୍ ଏବଂ ୯୭,୮୭,୨୮୯ ଜଣଙ୍କୁ ଦ୍ୱିତୀୟ ଡୋଜ୍ ଦିଆଯାଇଛି । ୬୦ ବର୍ଷ ବୟସରୁ ଅଧିକ ବର୍ଷର ୬,୬୫,୫୫,୫୫୮ ଜଣଙ୍କୁ ପ୍ରଥମ ଡୋଜ୍ ଏବଂ ୧,୮୨,୪୪,୪୭୬ ଜଣଙ୍କୁ ଦ୍ୱିତୀୟ ଡୋଜ୍ ଟିକା ଦିଆଯାଇଛି ।

ଦେଶରେ ହୋଇଥିବା ମୋଟ ଟିକାକରଣର ୬୬.୨୭% ଟିକା ଦିଆଯାଇଛି ଦଶଟି ରାଜ୍ୟରେ ।

SR