তর্সরী কেয়র হোস্পিতালশিংদা ইম্বেলেন্স লৈহন্দনবা অমসুং লৈবাক অসিদা মেদিকেল এজুকেসন হেন্না ইমপ্রুব তৌহহন্নবা ২০০৩গী ওগস্ততা সেন্ত্রেল সেক্তর স্কিম অমা ওইরিবা প্রধান মন্ত্রী স্বাস্থ্য সুরক্সা য়োজনা(পি.এম.এস.এস.ৱাই.) লাওথোকখি৷

মেদিকেল ফেসিলিতী শোত্থনা লৈরিবা রাজ্যশিং  অসিদা ক্বালিতী লৈবা এজুকেসন ফংহনবা হায়বা প্রধান মন্ত্রী শ্রী নরেন্দ্র মোদিগী মংলান অদু মংফাওনবা ঙম্নবা স্কিম অসিনা অনৌবা মোমেন্তম ফংবা ঙমখ্রে অমসুং অনৌবা ওল ইন্দিয়া ইন্সতিত্যুতস ওফ মেদিকেল সাইন্সেস কয়া অমা প্রধান মন্ত্রী স্বাস্থ্য সুরক্সা য়োজনাগী মখাদা শেমগৎলি৷ হৌজিক ফাওবদা, স্কিম অসিগী মখাদা অনৌবা এ.আই.আই.এম.এস. ২২ শেমগৎনবা এপ্রুবেল ফংখ্রে, মসিগী মনুংদা ভোপাল, ভুবনেস্বর, জোধপুর, পত্ন, রাইপুর অমসুং রিশিকেশতা এ.আই.আই.এম.এস. তরুক মাংজৌননা মপুং ফানা মথৌ তৌবা হৌখ্রে৷ অতোপ্পা এ.আই.আই.এম.এস. তরেৎতা, ও.পি.দি. ফেসিলিতী অমসুং এম.বি.বি.এস. ক্লাসশিং তৌবা হৌখ্রে অদুগা অতোপ্পা ইন্সতিত্যুত মঙা অমদা এম.বি.বি.এস. ক্লাসশিং খক্তমক হৌখ্রে৷

হৌখিবা চহিগী অঙনবা শরুক্তা লাইচৎ অসি হেক হৌরকপদগী পি.এম.এস.এস.ৱাই.গী মখাদা শেমগৎখ্রবা নত্রগা শেমগৎলিবা রিজনেল এ.আই.আই.এম.এস.শিং অসিনা কোবিদ লান্থেংনবদা য়াম্না মরু ওইবা থৌদাং লৌখ্রে৷ হেল্থকেয়র ইনফ্রাস্ত্রকচর শোন্না লৈবা মফমশিংদা মখোয়না তৌরম্লিবা থবকশিং অসি উরুবদা মখোয়গী কন্ত্রিব্যুসন অসি হেন্না মশক থোকহল্লে৷

মোদেরেত ওইনা অমসুং কা হেন্না ফিভম লুশিনবা কোবিদ পেসেন্তশিং অসি লাইয়েং চত্থননবগীদমক ফমুংগী কেপাসিতী চাওথোকহন্দুনা অনিশুবা ৱেবকি চেলেঞ্জ অসিদা মখোয়নসু অঙকপা মওং অমদা রেস্পোন্স পীখ্রে৷ ২০২১ এপ্রিলগী অনিশুবা চয়েলদগী হৌদুনা, হায়রিবা হোস্পিতালশিং অসিদা কোবিদ লাইয়েং চত্থননবগীদমক ওক্সিজেন বেদ ১,৩০০ হেন্না অমসুং আই.সি.য়ু. ফমুং ৫৩০রোমগী চাং হাপচিনখ্রে অমসুং হৌজিক হৌজিক শিজিন্নবা লৈরিবা ওক্সিজেন অমসুং আই.সি.য়ু. ফমুংশিং অদুদি মথংশিৎনা ১,৯০০ অমসুং ৯০০নি৷ দিমান্দ হেনগৎলক্লিবা অসি য়েংলগা, ২০২১গী এপ্রিল-মেগী মতমদা রেবরেলি অমসুং গোরখপুরদা লৈরিবা এ.আই.আই.এম.এস.তা কোবিদ ত্রিতমেন্ত ফেসিলিতীশিং হৌদোকখ্রে, মসিনা উত্তর প্রেদেশকি মনুং হঞ্জিনবা জিলাশিং ফতেহপুর, বরাবনকি, কৌশাম্বি, প্রতাপগার্হ, সুল্তানপুর, অম্বেদকর নগর, বাস্তি, সান্ত কবির নগর, মহারাজগঞ্জ, কুশিনগর দিওরিয়া, বাল্লিয়, মাউ অমসুং অজামগর্হদা লৈরিবা পেসেন্তশিং মাই পাক্না লাইয়েংদুনা রাজ্য অসিদা মতেং পাংখ্রে৷

অনৌবা এ.আই.আই.এম.এস.তা হৌজিক হৌজিক লৈরিবা দেদিকেতেদ কোবিদ ফমুংশিং অদুদি:

মরু ওইবা দ্রগশিং-ফেভিপাইরেভির, রেমদেসিভির অমসুং তোচিনিজুমাব অমসুং অতোপ্পা কঞ্জমেবলশিং খুদম ওইনা এন-৯৫ মাক্সশিং, পি.পি.ই. কিৎশিং ফংহনবগী মথক্তা অহেনবা ইক্ব্যুইপমেন্তশিং খুদম ওইনা বেন্তিলেতরশিং, ওক্সিজেন কন্সেন্ত্রেতরশিং, ওক্সিজেন সিলিন্দরশিং অনৌবা এ.আই.আই.এম.এস.শিং অসিদা হাপচিন্দুনা কোবিদ কেসশিং অসি থেংনবা ঙম্নবা হোস্পিতালশিং অসিগী কেপাসিতীশিং অসি ভারত সরকারনা শেমগৎলি৷

তর্চরী কেয়র সেন্তরশিং ওইরুবনা, অনৌবা রিজনেল এ.আই.আই.এম.এস.না কোবিদ পেসেন্তশিংদা অতোপ্পা ক্রিতিকেল ওইবা নন-কোবিদ হেল্থ সর্ভিসশিং খুদম ওইনা দাইয়েলাইসিস দরকার ওইরিবা পেসেন্তশিং নত্রগা অরুবা থমোইগী লাইনা লৈবা মীওইশিং, মীরোনবী নুপীশিং, পেদিয়েত্রিক কেসশিংসু লাইয়েংলি৷

২০২১গী মার্চতগী ২০২১গী মে ১৭ ফাওবদা এ.আই.আই.এম.এস. রাইপুর খক্তনা কোবিদ পেসেন্ত পুন্না ৯৬৬৪ লাইয়েংখি৷ ইন্সতিত্যুত অসিনা কোবিদ পোজিতিব ৱুমেন ৩৬২ লাইয়েংখ্রে, মসিগী মনুংদা ২২৩দি অশোই-অঙাম য়াওদনা মচা উনহনবদা মতেং পাংখ্রে৷ কোবিদ নারিবা অঙাং ৪০২দা পেদিয়েত্রিক কেয়র ফংহল্লি৷ অরুবা থমোইগী লাইনা লৈবা কোবিদ পেসেন্ত ৮৯৮ লাইয়েংখ্রে অদুগা দাইয়েলাইসিস সেসনদা লৈরিবা পেসেন্ত ২৭২সু লাইয়েংখ্রে৷

হৌজিক হৌজিক লৈবাক অসিগী তোঙান তোঙানবা রাজ্যশিংদগী ম্যুকোর্মাইকোসিস নাবগী কেস লাক্লি৷ ফিভম অসি ইম্ম্যুইন সিস্তেম শোঞ্জবা অমসুং দাইয়েবিতিস লৈবা মীওইশিংদা মরু ওইনা নাবা থেংনৈ৷ দাইবেতিস অসি কোবিদকি ওইনদি কো-মোর্বিদিতি ওইরুবনা, স্তিরোইদশিং শিজিন্নবা দরকার ওইরিবা ত্রেতমেন্ত অসিনা হকচাংগী ইম্ম্যুইন রেস্পোন্স অসি হোংহল্লি, মসিগুম্বা য়াম্না চাংনা নারিবা লাইনা অসি লাইয়েং চত্থবা অসি য়াম্না কমপ্লেক্স ওই৷ অদুমওইনমক, অসিগুম্বা ফিভম অসি লাক্লবা ফাওবদা, এ.আই.আই.এম.এস. খরনা মপুং ফানা মথৌ তৌবা হৌদ্রিবা তারবসু রাইপুর, জোধপুর, পত্ন, রিশিকেশ, ভুবনেস্বর অমসুং ভোপালদা লৈরিবা এ.আই.আই.এম.এস. অসিনা য়াম্না ইফেক্তিব ওইবা অমসুং ক্বালিতী য়াম্না ৱাংবা লাইয়েং চত্থরি৷

******