తృతీయ సంరక్షణ ఆసుపత్రుల లభ్యతలో అసమతుల్యతను పరిష్కరించడానికి మరియు దేశంలో వైద్య విద్యను మెరుగుపరచడానికి కేంద్రప్రభుత్వ పథకమైన ప్రధానమంత్రి స్వాస్థ్య సురక్ష యోజన  (పిఎంఎస్ఎస్‌వై) 2003 ఆగస్టులో ప్రకటించబడింది.


పలు రాష్ట్రాలలో నాణ్యమైన వైద్య విద్యను అందించేందుకు ప్రధానమంత్రి శ్రీ నరేంద్ర మోదీకి  ఈ పథకం ద్వారా కొత్త ప్రేరణ లభించింది. ప్రధానమంత్రి స్వాస్థ్య సురక్ష యోజన కింద అనేక కొత్త ఆల్ ఇండియా ఇన్స్టిట్యూట్ ఆఫ్ మెడికల్ సైన్సెస్ ఏర్పాటు చేస్తున్నారు. ఈ పథకం కింద ఇప్పటివరకు 22 కొత్త ఎయిమ్స్ ఏర్పాటుకు ఆమోదం లభించింది, వీటిలో భోపాల్, భువనేశ్వర్, జోద్‌పూర్‌, పాట్నా, రాయ్ పూర్ మరియు రిషికేశ్‌ల్లోని 6 ఎయిమ్స్‌లు ఇప్పటికే పూర్తిగా పనిచేస్తున్నాయి. మరో ఏడు ఎయిమ్స్‌లో  ఓపీడీ సౌకర్యం మరియు ఎంబీబీఎస్‌  తరగతులు ప్రారంభమయ్యాయి. మరో ఐదు సంస్థలలో ఎంబీబీఎస్‌ తరగతులు మాత్రమే ప్రారంభమయ్యాయి.


ఈ ప్రాంతీయ ఎయిమ్స్‌లు పిఎంఎస్‌ఎస్‌వై క్రింద ఏర్పాటు చేయబడినవి లేదా స్థాపించబడుతున్నాయి. గత సంవత్సరం ప్రారంభంలో మహమ్మారి ప్రారంభం నుండి  కొవిడ్ నిర్వహణలో చాలా ముఖ్యమైన పాత్ర పోషించాయి. ఆరోగ్య మౌలిక సదుపాయాలు బలహీనంగా ఉన్న ప్రాంతాలకు వారు సేవలందిస్తున్నారనే వాస్తవాన్ని దృష్టిలో ఉంచుకుని వారి సహకారం గణనీయంగా మారుతుంది.


ఆదేశానికి అనుగుణంగా  మితమైన మరియు తీవ్రమైన కొవిడ్ రోగులకు చికిత్సను అందించేందుకు పడకల సామర్థ్యాన్ని విస్తరించడం ద్వారా రెండవ వేవ్ యొక్క సవాలుకు కూడా అద్భుతంగా స్పందించారు.  2021 ఏప్రిల్ రెండవ వారం నుండి కొవిడ్ చికిత్స కోసం అంకితం చేయబడిన 1300 కి పైగా ఆక్సిజన్ పడకలు మరియు సుమారు 530 ఐసియు పడకలు ఈ సంస్థలలో చేర్చబడ్డాయి.  ప్రజలకు ప్రస్తుతం అందుబాటులో ఉన్న ఆక్సిజన్ మరియు ఐసియు పడకల లభ్యత వరుసగా 1,900 మరియు 900. పెరిగిన డిమాండ్‌ను దృష్టిలో ఉంచుకుని, 2021 ఏప్రిల్-మే నెలల్లో రాయ్‌బరేలి మరియు గోరఖ్‌పూర్‌లోని ఎయిమ్స్ నుండి కోవిడ్ చికిత్సా సౌకర్యాలు ప్రారంభించబడ్డాయి. ఇది ఉత్తర ప్రదేశ్ రాష్ట్రంలోని ఫతేపూర్, బారాబంకి, కౌషాంబి, ప్రతాప్‌గఢ్‌,  సుల్తాన్‌పూర్‌, అంబేద్కర్ నగర్, బస్తీ, సంత్ కబీర్ నగర్, మహారాజ్‌గంజ్, కుషినగర్, డియోరియా, బల్లియా, మౌ మరియు అజమ్‌గఢ్‌ వంటి మారుమూల జిల్లాల రోగులకు ముందస్తుగా సేవలు అందించడానికి సహాయపడ్డాయి.


కొత్త ఎయిమ్స్‌లో కొవిడ్  పడకల ప్రస్తుత లభ్యత ఇలా ఉంది:

కొత్త ఎయిమ్స్‌లో కొవిడ్ పడకల ప్రస్తుత లభ్యత
 

కొవిడ్‌ కేసులకు చికిత్సను అందించేందుకు ఈ కొత్త ఎయిమ్స్ యొక్క సామర్థ్యాలను వెంటిలేటర్లు, ఆక్సిజన్ కాన్సన్‌ట్రేటర్లు, ఆక్సిజన్ సిలిండర్లు వంటి అదనపు పరికరాల కేటాయింపుల ద్వారా భారత ప్రభుత్వం బలోపేతం చేస్తోంది. ఎన్‌-95 మాస్క్‌లు, పిపిఇ కిట్లు మరియు అవసరమైన మందులు ఫావిపిరవిర్, రెమ్‌డెసివిర్ మరియు తోసిలిజుమాబ్ వంటి కేటాయింపులు కూడా ఉన్నాయి.

తృతీయ సంరక్షణ కేంద్రాలు కావడంతో కొత్త ప్రాంతీయ ఎయిమ్స్‌లు డయోలిసిస్ అవసరమయ్యే లేదా తీవ్రమైన గుండె జబ్బులు, గర్భిణీ స్త్రీలు, పిల్లల కేసులు వంటి కొవిడ్ రోగులకు ఇతర క్లిష్టమైన కాని కొవిడ్‌ ఆరోగ్య సేవలను కూడా అందించాయి.


ఒక్క ఎయిమ్స్ రాయ్‌పూరే మార్చి 2021 నుండి 2021 మే 17 వరకు మొత్తం 9664 కోవిడ్ రోగులకు చికిత్స చేసింది. ఈ సంస్థ 362 కోవిడ్ పాజిటివ్ మహిళలకు చికిత్సను అందించింది. వారిలో 223 మందికి సురక్షితమైన ప్రసవాలు చేయటానికి సహాయపడింది. 402 కోవిడ్ పిల్లలకు పీడియాట్రిక్ కేర్ అందించారు. తీవ్రమైన గుండె జబ్బులతో బాధపడుతున్న 898 మంది కోవిడ్ రోగులు చికిత్స పొందగా, 272 మంది రోగులు వారి డయాలసిస్ సెషన్‌లో సహాయపడ్డారు.


https://static.pib.gov.in/WriteReadData/userfiles/image/image001OC9E.jpg

దేశం ప్రస్తుతం వివిధ రాష్ట్రాల్లో నుండి ముకోర్మైకోసిస్ కేసులు నమోదవుతున్నాయి. ఈ పరిస్థితి సాధారణంగా బలహీనమైన రోగనిరోధక శక్తి ఉన్నవారిలో మరియు డయాబెటిస్ ఉన్నవారిలో కనిపిస్తుంది. డయాబెటిస్ కొవిడ్‌కి సహ-అనారోగ్యంగా ఉంది. దీని చికిత్సకు శరీరం యొక్క రోగనిరోధక ప్రతిస్పందనను మాడ్యులేట్ చేసే స్టెరాయిడ్ల వాడకం అవసరం. ఈ అరుదైన సంక్రమణకు చికిత్స చాలా క్లిష్టంగా ఉంటుంది. ఏదేమైనా, ఈ పరిస్థితికి కూడా, రాయ్‌పూర్‌, జోధ్‌పూర్‌, పాట్నా, రిషికేశ్, భువనేశ్వర్ మరియు భోపాల్ ఎయిమ్స్ సమర్థవంతమైన మరియు అత్యున్నత చికిత్సను అందిస్తున్నాయి. మరికొన్ని ఇంకా పూర్తిగా పనిచేయలేదు.


 

****