হকশেল অমসুং য়াইফ-য়ুম্বাল মন্ত্রালয়
হৌজিক ফাওবদা ভারত সরকারনা ভেক্সিন কোতি ২০ হেন্না রাজ্যশিং/য়ু.তি.শিংদা লেম্না ফংহনখ্রে
হৌজিক হৌজিক রাজ্যশিং/য়ু.তি.শিংদা ভেক্সিন কোতি ২ হেন্না শিজিন্ননবা লৈরি
লাক্কদৌরিবা নুমিৎ ৩ অসিদা অহেনবা ভেক্সিন লাখ ৩রোমগী চাং রাজ্যশিং/য়ু.তি.শিংনা ফংলগনি
Posted On:
17 MAY 2021 12:01PM by PIB Imphal
নেসনৱাইদ ভেক্সিনেসনগী শরুক অমা ওইনা, ভারত সরকারনা কোবিদ ভেক্সিন অসি চাং ৱাংনা পুথোক্নবা অমসুং সপ্লাই তৌননবা হোৎনরিবা অসিগী মথক্তা ভেক্সিন অসি রাজ্যশিং অমসুং য়ু.তি.শিংদা লেম্না ফংহন্দুনা লাক্লি৷ লাইচৎ অসি তেস্ত, ত্রেক, ত্রিত অমসুং কোবিদ এপ্রোপ্রিয়েত বিহেবিয়র ইন্দুনা থেংননবা অমসুং লাকশিন্ননবগীদমক ভেক্সিন কাপথোকপা অসি ভারত সরকারগী কমপ্রিহেন্সিব স্ত্রাতিজিগী য়াম্না মরু ওইবা পিল্লর অমনি৷
২০২১গী মে ১দগী হৌদুনা কোবিদ-১৯ ভেক্সিনেসনগী লিবরেলাইজ অমসুং এসিলিরেতেদ ফেস ৩ স্ত্রাতিজি চৎনবা হৌখ্রে৷ স্ত্রাতিজি অসিগী মখাদা, থা খুদিংগী ওইনা মেনুফেকচরর খুদিংমক্তা সেন্ত্রেল দ্রগ লেবোরেতরী(সি.দি.এল.)না ক্লিয়র তৌরবা ভেক্সিন দোজকি ৫০%দি ভারত সরকারনা লৌশিল্লগনি৷ সরকারনা লৌশিল্লিবা ভেক্সিন অসি মমাংগী মতমদা তৌখিবা মতৌ অদুগুম্না রাজ্য সরকারশিং অসিদা লেম্না ফংহল্লগনি৷
হৌজিক ফাওবদা, ভারত সরকারনা ভেক্সিন দোজ কোতি ২০ হেন্না রাজ্যশিং/য়ু.তি.শিংদা লেম্না ফংহল্লগনি৷ মসিগী মনুংদা মাংখিবা ভেক্সিন দোজশিং য়াওনা ২০২১গী মে ১৬ ফাওবদা চাংচৎতা শিজিন্নখিবা ভেক্সিন দোজ অদু পুন্না ১৮,৭১,১৩,৭০৫নি(ঙসি অয়ুক পুং ৮দা ফংখিবা দাতা)৷
হৌজিক হৌজিক রাজ্যশিং/য়ু.তি.শিংদা ভেক্সিন কোতি ২ হেন্না(২,০৪,৯৬,৫২৫) শিজিন্ননবা লৈরি৷
মখাতানা, লাক্কদৌরিবা নুমিৎ ৩ অসিদা অহেনবা ভেক্সিন দোজ লাখ ৩রোমগী চাং রাজ্যশিং/য়ু.তি.শিংনা ফংলগনি৷
******
(Release ID: 1719415)
Visitor Counter : 155
Read this release in:
English
,
Urdu
,
Hindi
,
Marathi
,
Bengali
,
Assamese
,
Gujarati
,
Odia
,
Tamil
,
Telugu
,
Malayalam