হকশেল অমসুং য়াইফ-য়ুম্বাল মন্ত্রালয়

কেন্দ্রনা কোবিদ১৯ বেক্সিনশিংগী অনৌবা ওর্দর অমত্তা তৌবা লৈতে হায়না মীদিয়াগী রিপোর্তশিংনা মরাল শীরিবা অসি অরানবনি অমসুং য়ুম্ফম য়াওদবনি

Posted On: 03 MAY 2021 1:50PM by PIB Imphal

কেন্দ্রনা কোবিদ১৯ বেক্সিনশিংগী অনৌবা ওর্দর অমত্তা তৌবা লৈতে হায়না মীদিয়গী রিপোর্ত খরদা ফোঙবা থেংনরে। পাউগী রিপোর্তশিং অসিনা বেক্সিন শারিবা অনিদা (এস.আই.আই.দা দোজ মিলিয়ন ১০০ অমসুং ভারত বাইওতেক্তা দোজ মিলিয়ন ২০) অকোনবা ওইনা তৌখিবা ওর্দর অসি মার্চ ২০২১দা ওইখি হায়না হায়রি।

মীদিয়াগী রিপোর্তশিং অসি অরানবনি অমসুং য়ুম্ফম য়াওদবনি।

মে, জুন অমসুং জুলাইগী ওইনা কোভিশিল্দ বেক্সিনগী দোজ করোর ১১গীদমক ২৮.০৪.২০২১দা সিরম ইন্সতিত্যুত ওফ ইন্দিয়া (এস.আই.আই.)দা লুপা করোর ১৭৩২.৫০গী (তি.দি.এস.কী মতুংদা লুপা করোর ১৬৯৯.৫০) চাদা ১০০ এদভান্স ওইনা পীখ্রে অমসুং মখোয়না ২৮.০৪.২০২১দা মদু ফংখি হায়না শেংদোরকখ্রে। ঙসি ফাওবদা কোভিশিল্দ বেক্সিনগী সপ্লাইগী দোজ করোর ১০গী অকোনবা ওর্দর অদুগী ওইনা ০৩.০৫.২০২১ ফাওবদা দোজ করোর ৮.৭৪৪ দেলিভর তৌখ্রে।

মসিগী মথক্তা মে, জুন অমসুং জুলাইগী ওইনা কোভাক্সিন দোজ করোর ০৫গীদমক ২৮.০৪.২০২১দা ভারত বাইওতেক ইন্দিয়া লিমিতেদ (বি.বি.আই.এল.)দা লুপা করোর ৭৮৭.৫০গী (তি.দি.এস.কী মতুংদা লুপা করোর ৭৭২.৫০) চাদা ১০০ এদভান্স ওইনা পীখ্রে অমসুং মখোয়না ২৮.০৪.২০২১দা মদু ফংখি। ঙসি ফাওবদা কোভাক্সিন বেক্সিনগী সপ্লাইগী দোজ করোর ০২গী অকোনবা ওর্দর অদুগী ওইনা ০৩.০৫.২০২১ ফাওবদা দোজ করোর ০.৮৮১৩ দেলিভর তৌখ্রে।

মরম অসিনা ভারত সরকারনা অনৌবা ওর্দরশিং তৌদে হায়রিবা অসি অরানবনি।

মে ২, ২০২১ ফাওবদা ভারত সরকারনা রাজ্যশিং/য়ু.তি.শিংদা লেম্না বেক্সিন দোজ করোর ১৬.৫৪ হেন্না ফংহনখ্রে। রাজ্যশিং/য়ু.তি.শিংদা কাপ্নবা হৌজিক দোজ লাখ ৭৮ হেন্না লৈরি। মথংগী নুমিৎ ৩নি অসিদা রাজ্যশিং/য়ু.তি.শিংনা অহেনবা দোজ লাখ ৫৬ হেন্না ফংলগনি।

ভারত সরকারনা লিবরেলাইজ প্রাইসিং অমসুং এস্সেলরেতেদ নেস্নেল কোবিদ-১৯ বেক্সিনেসন স্ত্রেতেজীগী মখাদা সেন্ত্রেল দ্রগস লেবোরেতোরী (সি.দি.এল.)না অয়াবা পীরবা বেক্সিনশিংগী থাগী ওইনা লৈরিবা অদুগী চাদা ৫০গী সিয়র মখা তানা লৈশিনগনি অমসুং মদু রাজ্য সরকারশিংদা মমাংদা তৌখিবা অদুগুম্না মখা তানা মপুং ফানা লেম্না ফংহনখিগনি।

 

****



(Release ID: 1715767) Visitor Counter : 1