কোবিদ-১৯ লাইচৎ অসি য়েংলগা কেন্দ্র সরকারনা অকক্নবা মতমগী ওইনা কোবিদ-১৯গা মরী লৈনবা রিলিফকী পোৎলম কয়া ইম্পোর্তশিং তৌবদা তঙাই ফদবা কস্তমস দ্যুতী অমসুং/নত্ত্রগা হেল্থ সেস লৌদনবা চেরোলশিং থোকখ্রে। মসিদা য়াওরিবা অদুদি-

লেম্না য়েন্থোক্নবা ভারতকী মপালদগী দোনেৎ তৌরকপা/লেম্না ফংলকপা কোবিদ-১৯গী রিলিফকী পোৎলম (কস্তমস দ্যুতী হান্নদগী লৌদ্রবা) ইম্পোর্ত তৌবদা আই.জি.এস.তি. লৌদনবা ভারতকী মপালদা লৈরিবা চেরিতেবল ওর্গনাইজেসনশিং, কোর্পোরেৎ এন্তিতীশিং অমসুং এসোসিএসনশিং/এন্তিতীশিংদগী রিপ্রজেন্তেসন মশিং কয়া অমা কেন্দ্র সরকারদা লাকখি। মসিগী মতুং ইন্না কেন্দ্র সরকারগী মে ২, ২০২১দা থোকখিবা ভাইদ হেদ হোক একজেম্পসন ওর্দর নম্বর ৪/২০২১না কোবিদ রিলিফকী লেম্না য়েন্থোক্নবা শেল তিংদবা অসিগুম্বা পোৎলমশিং ইম্পোর্ত তৌবদা আই.জি.এস.তি. লৌদবদা অয়াবা পীখ্রে।

একজেম্পসন অসি জুন ৩০, ২০২১ ফাওবা চৎনগনি। মসিদা হান্ননা ইম্পোর্ত তৌখ্রবা অদুবু মখোয়গী একজেম্পসন তৌবগী ইস্যু তৌখিবা তাং হায়বদি ঙসি অসিদা ক্লিয়র তৌদনা লৈরিবা পোৎলমশিংসু কোনশিনগনি।

একজেম্পসন অসি মখাদা পীরিবা কন্দিসনশিং ঙাকলবতদা চৎনগনি:

1. একজেম্পসন অসিগীদমক রাজ্য অদুদা নোদেল ওথোরিতী অমা রাজ্য সরকারনা এপ্পোইন্ত তৌগনি। সেন্ত্রেল গুদস এন্দ সর্ভিসেস তেক্স এক্ত, ২০১৭গী সেক্সন ২ (১০৩)গী মতুং ইন্না রাজ্য হায়বা অসিদা লেজিসলেচর লৈবা য়ুনিয়ন তেরিতোরী য়াওরি।
2. এপ্পোইন্ত তৌরবা নোদেল ওথোরিতী অদুনা হায়রিবা কোবিদকী রিলিফকী পোৎলম অদু লেম্না য়েন্থোক্নবা এন্তিতী, রিলিফ এজেন্সী নত্ত্রগা স্তেচুতরী বোদী অমা হেক্তা ওথোরাইজ তৌগনি।
3. হায়রিবা পোৎলমশিং অসি রাজ্য সরকার অমনা নত্ত্রগা ভারতকী মফম অমা হেক্তদা লেম্না য়েন্থোক্নবা হীরম অসিদা ওথোরাইজ তৌরবা এন্তিতী, রিলিফ এজেন্সী নত্ত্রগা স্তেচুতরী বোদী অমা হেক্তনা শেল তিংদনা ইম্পোর্ত তৌবা য়াগনি।
4. ইম্পোর্তর অদুনা কস্তমসদগী পোৎলমশিং অদুগী ক্লিয়রেন্স লৌদ্রিঙৈ মমাংদা পোৎলমশিং অসি কোবিদকী রিলিফকীদমক লেম্না য়েন্থোক্নবনি হায়বগী মতাংদা নোদেল ওথোরিতীশিং অদুনা পীবা সর্তিফিকেৎ অমা পুথোক্কদবনি।
5. ইম্পোর্তশিং তৌরবা মতুংদা ইম্পোর্তর অদুনা হীথাংফমদা লৈরিবা কস্তমসকী দিপুতী নত্ত্রগা এসিস্তেন্ত কম্মিস্নরদা ইম্পোর্ত তৌখিবগী তাংদগী থা তরুক্কী মতমগী মনুংদা নত্ত্রগা শাংদোক্লবা মতম অসিগী মনুংদা থা মাপন্দগী হেদবা মতমগী মনুংদা ইম্পোর্ত তৌখিবা অমসুং লেম্না য়েন্থোকখিবা পোৎলমশিংগী অকুপ্পা মরোল য়াওবা অচম্বা ৱারোল অমা পীশিনগদবনি। হায়রিবা ৱারোল অসি রাজ্য সরকারগী নোদেল ওথোরিতী অদুনা সর্তিফাইদ তৌগদবনি।

একজেম্পসন অসিনা লেম্না য়েন্থোক্নবা শেল তিংদনা ইমপোর্ত তৌরকখিবা কোবিদকী রিলিফকী পোৎলম আই.জি.এস.তি. থিদনা ইম্পোর্ত তৌবা য়াহল্লগনি (জুন ৩০, ২০২১ ফাওবা)।

কস্তমস দ্যুতী অসি হান্নদগী একজেম্প তৌখিবনা ইম্পোর্তশিং অসিদা কস্তমস দ্যুতী নত্ত্রগা আই.জি.এস.তি. অমত্তা লৌররোই।

***