ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଏବଂ ଜାପାନ ପ୍ରଧାନମନ୍ତ୍ରୀ ମିଷ୍ଟର ସୁଗା ୟୋଶିହିଦେଙ୍କ ମଧ୍ୟରେ ଟେଲିଫୋନ ବାର୍ତ୍ତାଳାପ
प्रविष्टि तिथि:
26 APR 2021 2:13PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଜାପାନ ପ୍ରଧାନମନ୍ତ୍ରୀ ମହାମହିମ ସୁଗା ୟୋଶିହିଦେଙ୍କ ସହ ଟେଲିଫୋନ ଯୋଗେ ବାର୍ତ୍ତାଳାପ କରିଛନ୍ତି ।
ଦୁଇ ନେତା ନିଜ ନିଜ ଦେଶରେ କୋଭିଡ-19 ପରିସ୍ଥିତି ଉପରେ ଆଲୋକପାତ କରିଥିଲେ ଏବଂ ମହାମାରୀ ଦ୍ଵାରା ସୃଷ୍ଟି ହୋଇଥିବା ବିଭିନ୍ନ ଆଞ୍ଚଳିକ ତଥା ବିଶ୍ଵସ୍ତରୀୟ ଆହ୍ଵାନ ଉପରେ ମତ ବିନିମୟ କରିଥିଲେ । ଏହି ଆହ୍ଵାନଗୁଡିକୁ ଦୂର କରିବା ପାଇଁ ସେମାନେ ଘନିଷ୍ଠ ଭାରତ-ଜାପାନ ସହଯୋଗର ଗୁରୁତ୍ୱ ଉପରେ ଆଲୋକପାତ କରିଥିଲେ, ଯେପରିକି ବିବିଧ ତଥା ବିଶ୍ୱସନୀୟ ଯୋଗାଣ ଶୃଙ୍ଖଳା ସୃଷ୍ଟି କରିବା, ଗୁରୁତ୍ୱପୂର୍ଣ୍ଣ ସାମଗ୍ରୀ ଏବଂ ପ୍ରଯୁକ୍ତିବିଦ୍ୟାର ନିର୍ଭରଯୋଗ୍ୟ ଯୋଗାଣ ସୁନିଶ୍ଚିତ କରିବା ଏବଂ ଉତ୍ପାଦନ ଓ ଦକ୍ଷତା ବିକାଶରେ ନୂତନ ସହଭାଗିତାକୁ ବିକଶିତ କରିବା । ଏହି ପରିପ୍ରେକ୍ଷୀରେ, ଦୁଇ ନେତା ଦକ୍ଷତାକୁ ବୃଦ୍ଧି କରିବା ଏବଂ ପାରସ୍ପରିକ ଲାଭଦାୟକ ଫଳାଫଳ ହାସଲ କରିବା ପାଇଁ ନିର୍ଦ୍ଦିଷ୍ଟ ଦକ୍ଷ ଶ୍ରମିକ (ଏସଏସଡବ୍ଲୁ) ଚୁକ୍ତିନାମାର ଶୀଘ୍ର କାର୍ଯ୍ୟକାରୀତା ଉପରେ ଗୁରୁତ୍ୱାରୋପ କରିଥିଲେ । ସେମାନେ ମଧ୍ୟ ସହଯୋଗର ଏକ ଉଜ୍ଜ୍ୱଳ ଉଦାହରଣ ଭାବରେ ମୁମ୍ବାଇ-ଅହମ୍ମଦାବାଦ ହାଇ ସ୍ପିଡ୍ ରେଳ (ଏମଏଏଚଏସଆର) ପ୍ରକଳ୍ପ ଉପରେ ଆଲୋଚନା କରିଥିଲେ ଏବଂ ଏହାର କାର୍ଯ୍ୟକାରିତାର ଅଗ୍ରଗତିକୁ ସ୍ୱାଗତ କରିଥିଲେ ।
କୋଭିଡ-19 ମହାମାରୀ କାଳରେ ଉଭୟ ଦେଶରେ ରହିଥିବା ନିଜ ନିଜ ଦେଶର ନାଗରିକଙ୍କୁ ସହଯୋଗ ଏବଂ ସୁବିଧା ପ୍ରଦାନ ନେଇ ଦୁଇ ନେତା ପ୍ରଶଂସା କରିବା ସହିତ ଏଭଳି ସହଯୋଗ ଜାରି ରଖିବା ନେଇ ସହମତ ହୋଇଥିଲେ ।
ମହାମାରୀର ମୁକାବିଲା କରିବା ଦିଗରେ ଭାରତକୁ ସହାୟତା ପ୍ରଦାନ କରିଥିବାରୁ ପ୍ରଧାନମନ୍ତ୍ରୀ ମୋଦୀ ଜାପାନ ପ୍ରଧାନମନ୍ତ୍ରୀ ସୁଗାଙ୍କୁ ଧନ୍ୟବାଦ ମଧ୍ୟ ଜଣାଇଥିଲେ । କୋଭିଡ-19 ସ୍ଥିତି ସ୍ଥିର ହେବା ପରେ ନିକଟ ଭବିଷ୍ୟତରେ ଜାପାନ ପ୍ରଧାନମନ୍ତ୍ରୀ ସୁଗାଙ୍କୁ ଭାରତରେ ସେ ସ୍ଵାଗତ କରିବା ନେଇ ଆଶା ପ୍ରକଟ କରିଥିଲେ ।
**********
TRP/
(रिलीज़ आईडी: 1714207)
आगंतुक पटल : 305
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Manipuri
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam