প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী অমসুং জাপানগী প্রধান মন্ত্রী ঐচ.ই. মিস্তর সুগা য়োশিহিদেগী মরক্তা তেলেফোন্দা ৱারী শানখ্রে
Posted On:
26 APR 2021 2:13PM by PIB Imphal
প্রধান মন্ত্রী শ্রী নরেন্দ্র মোদীনা ঙসি জাপানগী প্রধান মন্ত্রী ঐচ.ই. মিস্তর সুগা য়োশিহিদেগা তেলেফোন্দা ৱারী শানখ্রে।
লুচিংবা অনিনা লৈবাকশিং অসিগী ওইবা কোবিদ-১৯গী ফিভম অসিগী মতাংদা খন্ন-নৈনখি অমসুং লায়চৎ অসিনা রিজনেল অমসুং মালেমগী ওইবা মফম কয়া অমদা অৱাবা থেংনরিবা অসিগী মতাংদা ৱাফম কয়া অমা থম্নখি। মসিগী থেংনরিবা অৱাবা অসি মায় পাক্নবা ইন্দিয়া-জাপান অনিগী য়াম্না নক্নবা মরী অসিগী মরুওইবা মখোয়না উৎখি মদুদি পুন্না থবক তৌমিন্নদুনা অরুবা ফিবমদগী ফগৎহনবা, মখল য়াম্বা অমসুং থাজনিংঙাই ওইবা সপ্লাই চেনশিং, অরুবা পোৎলমশিং অমসুং তেক্নোলোজীশিং শোইদনা ফংহনবা অমসুং মেনুফেকচরিং অমসুং স্কীল দিবলপমেন্তদা অনৌবা মপাং অমা ওইনবা শেমগৎপা অসিনি। হিরম অসিদা, লুচিংবা অনি অসিনা মখোয়গী মপাঙ্গল অসি পুনশিন্নবা অমসুং নাকন অনিগী কান্নবা ফংনবা স্পেসিফাইদ স্কীল ৱার্কর (এস.এস.দবল্যু.) এগ্রীমেন্ত অঙনবদা থবক হৌবগী মরুওইবা পীনখি। মখোয়না মুম্বাই-আহমেদবাদ হায় স্পীদ রেল (এম.এ.ঐচ.এস.আর.) প্রোজেক্ত অসি মখোয়গী কোওপরেসন অসিগী ময়েক লারবা খুদম অমনি হায়না উৎখি অমসুং মখোয়গী থবকশিং অসিদা লেপ্পা লৈতনা চাওখৎলিবা অসিবু তরাম্না ওকখি।
লুচিংবা অনি অসিনা কোবিদ-১৯গী লায়চৎ মনুংদা অমনা অমগী লৈবাকশিংগী নাগরীকশিংদা পাংবা মতেং অমসুং লায়থোকহনবা অসিগীদমক থাগৎপা ফোংদোকখি অমসুং মতেং অসি মখা তানা পীনবা হায়না য়ানখি।
প্রধান মন্ত্রী মোদীনা ভারত্তা লায়চৎ অসিবু লান্থেংনবদা মতেং পীরকখিবগীদমক প্রধান মন্ত্রী সুগাবু থাগৎপা ফোংদোকখি। মহাক্না প্রধান মন্ত্রী সুগাবু কোবিদ-১৯গী ফিভম অসি নেমথখ্রবা মতুং অথুবা মতমদা ভারত্তা লাকহন্নিংবগী আসাসু ফোংদোকখি।
*****
(Release ID: 1714166)
Visitor Counter : 213
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam