চীফ সেক্রেতরীশিং, দি.জি. পুলিস অমসুং রাজ্য/য়ু.তি. পুম্নমক্কী হেল্থ সেক্রেতরীশিংগা লোইননা হৌখিবা চয়োল অনি অসিদা কোবিদ-১৯না মরম ওইরগা নুংতিগী ওইনা থেংনবা কেসশিং অমসুং নুংতিগী ওইনা শীখিবদা য়াম্না ৱাংনা হেনগৎলকপগী রিপোর্ত তৌরিবা রাজ্য/য়ু.তি. ১১দা মীৎয়েং চংবা অৱাংবা থাক্কী য়েংশিন মীফম অমদা কেবিনেৎ সেক্রেতরী শ্রী রাজিব গোবানা ময়াই তাংবল লৌখ্রে। কোবিদ মেনেজমেন্ত অমসুং রেস্পোন্সকী লালোং য়েংশিন্নবা অমসুং খন্ন-নৈন্নবা মীফম অদু চীফ সেক্রেতরীশিং, দি.জি.পি.শিং. অমসুং রাজ্য/য়ু.তি. পুম্নমক্কী মকোক থোংবা হেল্থ প্রোফেস্নেলশিং ওইননা নিতি আয়োকী মেম্বর (হেল্থ), কেন্দ্রগী হোম সেক্রেতরী, কেন্দ্রগী হেল্থ সেক্রেতরী, কেন্দ্রগী সেক্রেতরী (আই এন্দ বি), দি.জি. আই.সি.এম.আর. অমসুং এন.সি.দি.সি.গী দিরেক্তরনা শরুক য়াখি।

হৌখিবা চয়োল অনিদা কোবিদকী ফীভম লেপ্তনা ফৎচিল্লক্তবনা মরম ওইরগা হৌজিক ওইরক্লিবা ফীভম অসি য়েংলগা কেবিনেৎ সেক্রেতরীনা মার্চ, ২০২১দা হৌজিক ওইরিবা কোবিদ কেসকী হেনগৎলকপগী চাং অসি চাদা ৬.৮ ওইরিবা অসিনা হান্নগী চাদা ৫.৫ ওইবগী থমখিবা রেকোর্দ (জুন ২০২০) অসি নমথখ্রে হায়না ফোঙদোকখ্রে। লৈবাক অসিনা হায়রিবা মতম অসিদা নুংতিগী ওইনা কোবিদনা শীহনখিবগী হেনগৎলকপা চাং চাদা ৫.৫ ওইখি হায়নসু রিপোর্ত তৌরকখি। অমরোমদা লৈবাক অসিনা ২০২০গী সেপ্তেম্বর থাদা লাইচৎ অসিগী খ্বাইদগী ৱাংবা ওইনা নুংতিগী ওইনা থেংনবা অনৌবা কোবিদ কেস ৯৭,০০০ রিপোর্ত তৌখি, অদুবু হৌজিক লৈবাক অসিনা নুংতিগী ওইনা থেংনবা অনৌবা কোবিদকী কেসকী মশিং ৮১,০০০ য়ৌদুনা নুংনাংবা পোক্নিংঙাই ওইবা মশিং য়ৌরে।

অকুপ্পা মরোল অমসুং পুম্নমক শুনা য়াওরবা প্রজেন্তেসন অমগী খুত্থাংদা কেন্দ্রগী হেল্থ সেক্রেতরীনা হৌজিক রাজ্যশিং/য়ু.তি.শিংদা  লৈরিবা কোবিদকী ত্রেজেক্তরী অসি পাউদমখি অমরোমদা কেন্দ্রগী সেক্রেতরী (আই এন্দ বি)না মীয়ামদা কোবিদকা চুনবা চৎন-লোনচৎ ঙাক্না চৎহন্নবা কান্নরা বিহেবিয়রেল চেঞ্জ কম্ম্যুনিকেসনগী মওংশিং উৎখি। দা. ভি. কে. পৌলনা রাজ্যশিংনা জিনোম সিক্বেন্সিংগীদমক ভাইরসকী ম্যুতেন্ত স্ত্রেন হেন্না কুপথনা স্তদী তৌনবগীদমক ক্লিনিকেল অমসুং ইপিদেমিওলোজিকেল দেতা সিয়র তৌনবা প্রোতোকল অমা ঙাকপা তঙাই ফদে হায়নসু ফোঙদোকখি। কেন্দ্রগী হোম সেক্রেতরীনা নুংতিগী কোবিদকী কেসশিং হেনগৎলক্লিবা রাজ্য অমসুং য়ু.তি. ১১দা কন্তেনমেন্তগী থবক-থৌরমশিং চৎনহনবা হেনগৎপা উদে হায়না ফোঙদোকখি। মহাক্না হীরম অসিদা রাজ্যশিং/য়ু.তি.শিংগী অদুগী চীফ সেক্রেতরীশিং অমসুং জি.জি.শিং(পুলিস)না চুন্নবা চেকশিল থৌরাংশিং লৌখৎনবা খঙহনখ্রে।

রাজ্য/য়ু.তি. ১১দা নুংতিগী থেংনবা কেসশিং ৱাংখৎলকপা অমসুং হেনগৎলকপা অমদি নুংতিগী শীবশিং ৱাংখৎলকপা অসিনা মরম ওইরবা “নুংনাংবা পোক্নিংঙাই ওইবা রাজ্যশিং” হায়না খায়দোকখ্রে। হায়রিবা রাজ্যশিং অসিনা হৌখিবা নুমিৎ ১৪নিদা কোবিদ কেসশিংগী চাদা ৯০ (মার্চ ৩১ ফাওবদা) অমসুং শীখিবশিংগী চাদা ৯০.৫ (মার্চ ৩১ ফাওবদা) শরুক তমখি অমসুং হৌখিবা চহিদা মখোয়না খ্বাইদগী ৱাংনা রিপোর্ত তৌরকখিবা অদু হেনখ্রে/ নত্ত্রগা মদুগী ময়া নকশিল্লক্লে। মরু ওইনা মহারাস্ত্রগী ওইরিবা ফীভম অসি নুংনাংবা পোক্নিংঙাই ওইরে হায়নসু ফোঙদোকখি। রাজ্য অমসুং য়ু.তি. পুম্নমক্তা মমাংদা খঙহনখিবা স্তেন্দর্দ ক্লিনিকেল মেনেজমেন্ত প্রোতোকল অদু মখোয়না ঙাক্না চৎতুনা এক্তিব কেসশিং অমসুং নুংতিগী শীরিবশিং অসি লাকশিন্নবা খুদক্কী ওইবা অমসুং মপুং ফাবা চেকশিল থৌরাংশিং পাইখৎনবা য়াথং পীখ্রে।

অতোপ্পা নুংনাংবা পোক্নিংঙাই ওইরিবা  হীরম অমসু পুথোকখি মদুদি তায়র ২ অমসুং তায়র ৩ সহরশিং লোইননা পেরি-অর্বানগী মফমশিংদা হন্দক কোবিদ কেসশিং কা হেন্না ৱাংখৎলকপগী রেকোর্দ তৌখি; মফমশিং অসিদগী হেল্থ ইনফ্রাস্ত্রকচর শোত্থনা লৈরিবা খুঙ্গংগী মফমশিংদা লাইনা অসি শন্দোরকপা তারবদি মসিনা লোকেল এদমিনিস্ত্রেসনদা অৱাবা পীরকপা য়াই হায়নসু থমখি।

রাজ্যশিং/য়ু.তি.শিং অসিনা লৌখৎলিবা খোঙথাংশিং কুপ্না য়েংশিল্লবা মতুংদা কেবিনেৎ সেক্রেতরীনা বেক্সিনেসন হেনগৎপা অমসুং কোবিদকা চুনবা চৎন-লোনচৎ চেকশিন্না ঙাক্না চৎপগা লোইননা কন্তেনমেন্ত তৌবা অমসুং সর্ভিলেন্স চত্থবগী খোঙথাংশিংগী মতাংদা চেকশিনবা অমসুং কন্না হোৎনবা তঙাই ফদে হায়না অমুক হন্না ফোঙদোকখি। রাজ্যশিংদা মরু ওইনা খঙহনখিবা অদুদি:

• পোজিতিব ওইবগী চাং চাদা ৫ নত্ত্রগা চাদা ৫দগী তাহন্নবা তেস্ত তৌবা লেপ্তনা হেনগৎপা
• অপুনবগী তেস্তশিংদা চাদা ৭০ ওইদুনা আর.তি.-পি.সি.আর. তৌবদা মীৎয়েং থম্বা
• তেস্তিং লেবশিংগা চাং নাইনা রিভ্যু তৌবগা লোইননা তেস্তকী ফলশিং ঙাইবগী মতম হন্থহনবা
• মী কুংনা তাবা মফমশিং অমসুং অনৌবা ক্লস্তরশিং থোরক্লিবা মফমশিংদা স্ক্রীনিং তেস্ত অমা ওইনা রেপিদ এন্তিজেন তেস্ত (আর.এ.তি.) তৌবা
• লাইওং উৎপা আর.এ.তি. নেগেতিব ওইবা মীওই পুম্নমক শোইদনা আর.তি.-পি.সি.আর. তেস্তশিং তৌহনবা
• ইন্সতিত্যুস্নেল ফেসিলিতীশিং (কোবিদ কিয়র সেন্তরশিং)দা নারকপা মীওইশিং মপুং ফানা অমসুং খুদক্তা আইসোলেসন তৌবা। য়ুমদা আইসোলেসন তৌদুনা থম্লিবা অনাবা মীওইশীং চাং নাইনা মোনিতর তৌবা। করিগুম্বা মথৌ তারবদি নাদুনা আইসোলেসন তৌদুনা থম্লিবা মীওইশিং খুদক্তা হেল্থ ফেসিলিতীশিংদা ত্রান্সফর তৌবা।
• অনাবা মীওই অমমমগী অসিগুম্বা হকথেংননা লোইনরুবা মীওই ২৫দগী ৩০ ত্রেস তৌথোকপা। হকথেংননা লোইনরুবা মীওইশিং ত্রেস তৌবা অমসুং মখোয়গী আইসোলেসন পুং ৭২গী মনুংদা তৌবা। মখা তারকপা ওইনা হকথেংননা লোইনরুবা মীওইশিং তেস্ত তৌথোকপা অমসুং ফোলো অপ তৌবা।
• শন্দোকপগী চেন অসি থুগাইনবা কন্তেনমেন্ত জোনশিং/মাইক্রো কন্তেনমেন্ত জোনশিং লাউথোকপা।

রাজ্যশিংদা হোস্পিতাল-হোস্পিতলগী কেস ফেতেলিতী রেৎ একজামিন তৌনবা, চুন্নবা লালোং পাইখৎনবা অমদি হোস্পিতালশিংদা থেংনা পুখৎলকপা অমসুং নেস্নেল ক্লিনিকেল মেনেজমেন্ত প্রোতোকল ঙাক্তবগা মরী লৈনবা সমস্যাশিং হন্থহন্নবসু খঙহনখ্রে। কেসশিং মেপ্পিং তৌবা, ৱার্দ/ব্লোক অমমমগী ইন্দিকেতরশিং য়েংশিনবা, পুং ২৪ মথৌ তৌবা ইমর্জেন্সী ওপরেসন্স সেন্তর, ইন্সিদেন্ কম্মান্দ সিস্তেম (অখন্নবা মফম অমগী রেপিদ রেস্পোন্স তীম) অমসুং মতম চানা ই-পাউ পীরক্নবা হায়রিবশিং অসিদা মীৎয়েং চংবগা লোইননা দিস্ত্রিক্ত এক্সন প্লানশিং শেম্বগী তঙাই ফদবা লৈ হায়না ফোঙদোকখি।

নুংতিগী শীখিবশিং হন্থহন্নবা রাজ্যশিংদা পব্লিক অমসুং প্রাইবেৎ হেল্থকিয়র রিসোর্সশিং মপাঙ্গল কনখৎহন্নবা পাউতাক পীখ্রে। মখোয়না অখন্ননা পাইখৎকদবশিং অদুদি:

• মথৌ তাবগী মতুং ইন্না আইসোলেসন বেদশিং, ওক্সিজেন বেদশিং, ভেন্তিলেতরশিং/আই.সি.য়ু. বেদশিংগী মশিং হেনগৎহনবা।
• ওক্সিজেন সপ্লাই মরাং কাইনবা থৌরাং তৌবা।
• এম্ব্যুলেন্স সর্ভিসশিং হেনগৎহনবা অমসুং লোকেল এদমিনিস্ত্রেসননা চাং নাইনা মোনিতর তৌবগা লোইননা রেস্পোন্স তৌবদা চংবা মতম অমদি রিফ্যুজেল রেৎ হন্থহনবা।
• কন্ত্রেক্ততা লৈবা স্তাফকী মশিং মরাং কাইহনবা অমসুং দ্যুতীগী রোস্তর হেনগৎহনবা।
• এম্স, নই দিল্লীগী কোর তীম নত্ত্রগা রাজ্যগী কোর তীমগা লোইননা জিলাশিংদা আই.সি.য়ু. দোক্তরশিংগী চাং নাইনা তেলি-কনসল্তেসন পাঙথোকপা। এম্স, নই দিল্লীনা লৈবাকপোকপা অমসুং ইরাইদা চয়োল অমদা অনিরক তেলি-কনসল্তেসন পাঙথোক্লি।
• কোবিদকা চুনবা চৎন-লোনচৎশিং (সি.এ.বি.) ঙাক্না চৎনবা অমুক হন্না ফোঙদোকখি। রাজ্যশিং/য়ু.তি.শিংনা খুদক্কী ওইনা ঙাক্না চৎনবা মখাগী ৱাফমশিং অসি থমখি:
• পুলিস এক্ত, দিজাস্তর মেনেজমেন্ত এক্ত অমসুং অতোপ্পা লেগেল/এদমিনিস্ত্রেতিব প্রোবিজনশিং শিজিন্নদুনা কাঙলোন ঙাক্তবশিংদা পেনালতীশিং থিহনবা।
• লোকেল ওফিসিএলশিং, পোলিতিকেল, কলচরেল, স্পোর্তস, ধর্মগী মশক নাইবা মীওইশিং শিজিন্নদুনা মাস্ক নিয়ম চুম্না উপ্নবা অমসুং মীওই অমগা অমগগী মরক্তা অরাপ্পা থম্নবগী ই-পাউশিং শন্দোকপা।
• খোঙজেল য়াংনা লাইচৎ অসি শন্দোরক্লিবা মফমশিং ওইরক্লিবা কৈথেলশিং, মেলাশিং, ধর্ম অমসুং লাইশোন-চিনশোনগী ওইবা মীয়াম তীনবা মফমশিংদা মীৎয়েং চংবা।
• সি.এ.বি. অসি বেক্সিন কাপথোকপগা চপ মান্ননা মরু ওই অমসুং মসি বেক্সিন কাপ্লবা মতুংদসু ঙাক্না চৎপা তঙাই ফদে হায়না মীয়ামদা ভাব তাহনবা।
• মল্তি-মীদিয়া অমসুং মল্তিলেতরেল প্লেৎফোরশিংগী খুত্থাংদা ‘দৱাই বী, করাই বী(হিদাকসু, চেকশিনবসু)’ হায়বা পাউজেল অসিগী কান্নবা লৌবা অমসুং পাকশন্না শন্দোকপা।

কোবিদ কেসশিংগী নুংতিগী হেনগৎলকপগী রিপোর্ত তৌরিবা জিলাশিংদা প্রাইয়ওরিতী এজ গ্রুপশিং বেক্সিনেসন মপুং ফানা তৌনবা রাজ্যশিং অমসুং য়ু.তি.শিংদা মখাদা পীরিবশিং অসি ঙাক্না চৎনবা পাউতাক পীখ্রে:

• ইলিজিবেল ওইবা হেল্থ কিয়র ৱার্করশিং, ফ্রান্ত লাইন ৱার্করশিং অমসুং ইলিজিবল এজ গ্রুপশিং অকক্নবা মতমগী মনুংদা চাদা ১০০ বেক্সিন কাপথোক্নবা হোৎনবা।
• কেন্দ্রগী হকশেল মন্ত্রালয়গা খুৎশম্নদুনা বেক্সিন দোজশিং মরাং কাইনা ফংহনবা হোৎনবা। রাজ্যশিং অমসুং য়ু.তি.শিংদা বেক্সিনশিংগী অৱাৎপা লৈতে হায়না খঙহনলকখ্রে; কেন্দ্রনা রাজ্যশিং অমসুং য়ু.তি.শিংগী মথৌ তারকপা অদু মহুন শিঞ্জন্নবা লেপ্পা লৈরনা হোৎনগনি।
• মথৌ তাবা রি-এপ্রোপ্রিএসনগীদমক রাজ্যগী থাক্তা কোল্দ চেন পোইন্ত অমমমদগী শিজিন্নখিবা অদু নুংতিগী য়েংশিনবা।

কেবিনেৎ সেক্রেতরীনা চীফ সেক্রেতরীশিংদা কোবিদ কেসশিং হন্দক হেনগৎলক্লিবা অসি লাকশিন্নবা রাজ্যগী লৈঙাক্লিবশিং মথৌ তৌহন্নবা অমসুং মখোয়গী লৈরিবা রিসোর্স পুম্নমক শিজিন্ননবা খঙহনখ্রে। ঙসিগী মীফম অদুদা “হোল ওফ গভর্নমেন্ত” হায়বা লালোং অসিগী খুত্থাংদা হকশেল বিভাগতা নত্তনা অতোপ্পা বিভাগশিং মথৌ তৌবা হেনগৎহন্নবা হোৎনবা তঙাই ফদে হায়না অমুক হন্না ফোঙদোকখ্রে। কোবিদ১৯ মায়োক্নবা ঙম্নবা পব্লিক হেল্থকী ওইবা খোঙথাংশিং অমসুং ক্লিনিকেল মেনেজমেন্ত তৌনবা রাজ্য অমসুং য়ু.তি. পুম্নমক্তা রিসোর্স অমসুং মতেং পুম্নমক কেন্দ্রনা মখা তানা পীগনি হায়না থাজবা পীখি।

****