ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଜନୌଷଧି ଦିବସ ଅବସରରେ ୭ ମାର୍ଚ୍ଚରେ ଅଭିଭାଷଣ ଦେବେ ପ୍ରଧାନମନ୍ତ୍ରୀ
ଏନଇଆଇଜିଆରଆଇଏଚଏମଏସ, ଶିଲଂରେ ୭୫୦୦ତମ ଜନୌଷଧି କେନ୍ଦ୍ରକୁ ଜାତି ଉଦ୍ଦେଶ୍ୟରେ ଉତ୍ସର୍ଗ କରିବେ ପ୍ରଧାନମନ୍ତ୍ରୀ
प्रविष्टि तिथि:
05 MAR 2021 8:36PM by PIB Bhubaneshwar
ମାର୍ଚ୍ଚ ୭, ୨୦୨୧ରେ ଜନୌଷଧି ଦିବସ ଅବସରରେ ଆୟୋଜିତ ଉତ୍ସବରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ସକାଳ ୧୦ଟା ବେଳେ ଭିଡିଓ କନଫରେନ୍ସିଂ ମାଧ୍ୟମରେ ଉଦବୋଧନ ଦେବେ । ଏହି ଅବସରରେ ପ୍ରଧାନମନ୍ତ୍ରୀ ଏନଇଆଇଜିଆରଆଇଏଚଏମଏସ, ଶିଲଂର ୭୫୦୦ତମ ଜନୌଷଧି କେନ୍ଦ୍ରକୁ ଜାତି ଉଦେ୍ଦଶ୍ୟରେ ଉତ୍ସର୍ଗ କରିବେ । ଭାରତୀୟ ଜନୌଷଧି ପରିଯୋଜନାର ହିତାଧିକାରୀଙ୍କ ସହ ପ୍ରଧାନମନ୍ତ୍ରୀ ଆଲୋଚନା କରିବା ସହ ଶ୍ରେଷ୍ଠ ପ୍ରଦର୍ଶନକୁ ସ୍ୱୀକୃତି ସ୍ୱରୂପ ଅଂଶୀଦାରମାନଙ୍କୁ ପୁରସ୍କାର ପ୍ରଦାନ କରିବେ । କାର୍ଯ୍ୟକ୍ରମରେ କେନ୍ଦ୍ର ରସାୟନ ଓ ସାର ମନ୍ତ୍ରୀ ଉପସ୍ଥିତ ରହିବେ ।
ପ୍ରଧାନମନ୍ତ୍ରୀ ଭାରତୀୟ ଜନୌଷଧି ପରିଯୋଜନା
ସୁଲଭ ମୂଲ୍ୟରେ ଗୁଣବତା ସମ୍ପନ୍ନ ଔଷଧ ଯୋଗାଇବା ପାଇଁ ଏହି ଉପକ୍ରମ ମାଧ୍ୟମରେ ଉଦ୍ୟମ ଜାରି ରହିଛି । ଏହି ଯୋଜନାରେ ଦେଶର ସମସ୍ତ ଜିଲ୍ଲାରେ ୭୪୯୯ଟି ଦୋକାନ ରହିଛି । ୨୦୨୦-୨୧ ଆର୍ଥିକ ବର୍ଷ (ମାର୍ଚ୍ଚ ୪, ୨୦୨୧ ପର୍ଯ୍ୟନ୍ତ) ହୋଇଥିବା ବିକ୍ରି ଯୋଗୁଁ ସାଧାରଣ ଜନତାଙ୍କର ପ୍ରାୟ ୩ହଜାର ୬ ଶହ କୋଟି ଟଙ୍କା ସଂଚୟ ହୋଇଛି । କାରଣ ଏଠାରେ ଔଷଧଗୁଡିକ ବଜାର ଦର ତୁଳନାରେ ୫୦ରୁ ୯୦ ପ୍ରତିଶତ ଶସ୍ତାରେ ଉପଲବ୍ଧ ହୁଏ ।
ଜନୌଷଧି ଦିବସ ସମ୍ପର୍କରେ
ଜନୌଷଧି ସମ୍ପର୍କରେ ଅଧିକ ସଚେତନତା ସୃଷ୍ଟି ପାଇଁ ମାର୍ଚ୍ଚ ୧ରୁ ୭ ପର୍ଯ୍ୟନ୍ତ ଜନ ଔଷଧି- ସେବା ଭି, ରୋଜଗାର ଭି ଥିମ୍କୁ ନେଇ ସାରା ଦେଶରେ ଜନୌଷଧି ସପ୍ତାହ ପାଳିତ ହୁଏ । ଏହି ସପ୍ତାହର ଶେଷ ଦିନ (ମାର୍ଚ୍ଚ ୭)କୁ ଜନୌଷଧି ଦିବସ ଭାବେ ପାଳନ କରାଯାଏ ।
SR
(रिलीज़ आईडी: 1702842)
आगंतुक पटल : 173
इस विज्ञप्ति को इन भाषाओं में पढ़ें:
Tamil
,
Malayalam
,
Assamese
,
English
,
Urdu
,
Marathi
,
हिन्दी
,
Bengali
,
Manipuri
,
Punjabi
,
Gujarati
,
Telugu
,
Kannada