ভারতনা লৈবাক অসিগী এক্তিব কেসলোদ লাখ ১.৫০গী মখাদা লৈরি। ঙসি এক্তিব কেস ১,৪৬,৯০৭ ওইখি। হৌজিক ওইরিবা এক্তিব কেসলোদ অসি ভারতকী অপুনবা পোজিতিব কেসকী চাদা ১.৩৩ ওইরি।

হৌখিবা পুং ২৪দা অনৌবা দেলী কেস ১৩,৭৪২ রেকোর্দ তৌখি অদুম ওইনমক হৌখিবা পুং ২৪দা নাবা ফরক্লবা ১৪,০৩৭ রেজিস্তার তৌখি। মসিনা অপুনবা এক্তিব কেসলোদতা কেস ৩৯৯গী নেত দিক্লাইন অমা ওইরে।

মখাদা পীরিবা তেবল অসিনা হৌখিবা পুং ২৪দা এক্তিব কেসতা অহোংবা অদু উৎলি। মহারাস্ত্রনা কেস ২৯৮ হাপচিনবগা লোয়ননা খ্বাইদগী য়াম্বা পোজিতিব চেঞ্জ রিপোর্ত তৌরক্লি অদুগা কেরলানা কেস ৮০৩ খায়দোকপগা লোয়ননা খ্বাইদগী য়াম্বা নেগতিব চেঞ্জ রিপোর্ত তৌরক্লি।

হৌখিবা চয়োল অমদা রাজ্য ১২না এভরেজ দেলী ন্যু কেস ১০০ হেন্না রিপোর্ত তৌরকখি। মখোয় অদুদি মহারাস্ত্রা, কেরলা, তমিল নাদু, কর্নাতকা, পঞ্জাব, গুজরাত, মধ্য প্রদেশ, ছতিসগর, ৱেস্ত বেঙ্গল, তেলঙ্গনা, দিল্লী অমসুং হরিয়ানানি। হৌখিবা হপ্তা অমদা রাজ্য অনি, কেরলা অমসুং মহারাস্ত্রা অনিমক্তা এভরেজ দেলী ন্যু কেস ৪,০০০ হেন্না রিপোর্ত তৌরকখি।

২০২১গী ফেব্রুৱারী ২৪দা অয়ুক পুং ৭ ফাওবগী প্রোভিজনেল রিপের্তকী মতুং ইন্না সেসন ২,৫৪,৩৫৬কী থোংদা বেক্সিনেসন কভরেজ ১,২১,৬৫,৫৯৮ ওইখি। মসিদা ঐচ.সি.দবল্যু. ৬৪,৯৮,৩০০ (অহানবা দোজ), ঐচ.সি.দবল্যু. ১৩,৯৮,৪০০ (অনিশুবা দোজ) অমসুং এফ.এল.দবল্যু ৪২,৬৮,৮৯৮ (অহানবা দোজ) য়াওরি।

অহানবা দোজ কাপখিবা নুমিৎ ২৮শুরবা বেনিফিসরীশিংগী কোবিদ১৯ বেক্সিনেসনগী অনিশুবা দোজ কাপ্পা ফেব্রুৱারী ১৩, ২০২১দগী হৌখি। এফ.এল.দবল্যু. শিংগী বেক্সিন কাপ্পা ফেব্রুৱারী ২, ২০২১দগী হৌখি।

বেক্সিনেসন দ্রাইভকী ৩৯নি শুবা নুমিৎ (ফেব্রুৱারী ২৩, ২০২১) অসিদা বেক্সিন দোজ ৪,২০,০৪৬ কাপখ্রে। মসিগী মনুংদা সেসন ৯,৪৭৯গী খুত্থাংদা বেনিফিসরী ২,৭৯,৮২৩দা অহানবা দোজ (ঐচ.সি.দবল্যু.শিং অমসুং এফ.এল.দবল্যু.শিং) অমসুং ঐচ.সি.দবল্যু. ১,৪০,২২৩দা অনিশুবা দোজ কাপখ্রে।

অপুনবা বেক্সিন দোজ ১,২১,৬৫,৫৯৮গী মনুংদা বেনিফিসরী ১,০৭,৬৭,১৯৮দা অহানবা দোজ (ঐচ.সি.দবল্যু.শিং অমসুং এফ.এল.দবল্যু.শিং) অমসুং ঐচ.সি.দবল্যু. পুন্না ১৩,৯৮,৪০০দা অনিশুবা দোজ কাপখ্রে।

রাজ্য/য়ু.তি. ১২না রেজিস্তার তৌরবা ঐচ.সি.দবল্যু.গী চাদা ৭৫ হেন্না তিকা থাখ্রে। মখোয় অদুদি বিহার, ত্রিপুরা, ওরিশা, গুজরাত, ছতিসগর, লক্ষদীপ, মধ্য প্রদেশ, উত্তরাখন্দ, ঝার্খন্দ, হিমাচল প্রদেশ, য়ু.পি. অমসুং রাজস্থাননি।

রাজ্য/য়ু.তি. ১০দা রেজিস্তার তৌরবা এফ.এল.দবল্যু. চাদা ৬০ হেন্না তিকা থাখ্রে। মখোয় অদুদি দি&এন, রাজস্থান, লক্ষদীপ, গুজরাত, মধ্য প্রদেশ, ত্রিপুরা, ওরিশা, হিমাচল প্রদেশ, উত্তরাখন্দ অমসুং ছতিসগরনি।

ভারতকী অপুনবা ফগৎলকপা ঙসি ১,০৭,২৬,৭০২ ওইখি। ঙসি ফগৎলকপগী চাং চাদা ৯৭.২৫ ওইখি। অপুনবা ফগৎলকপা কেসশিং অমসুং এক্তিব কেসকী মরক্তা লৈরিবা গেপ চাং নায়না হেনগৎলক্লি  অমদি ঙসি ১০,৫৭০,৭৯৫ ওইখি।

অনাবা ফগৎলকপা কেসশিংগী চাদা ৮৬.২৬তি রাজ্য ৬তা উবা ফংখি।

অনৌবা ফগৎলকপা কেস ৫,৮৬৯গা লোয়ননা মহারাস্ত্রনা নোংমা খক্তদা ফগৎলকপগী মশিং খ্বাইদগী য়াম্না রিপোর্ত তৌরক্লি। হৌখিবা পুং ২৪দা কেরলাদা মীওই ৪,৮২৩ নাবা ফখি তমিল নাদুনা ৪৫৩দা তুংইন্নখি।

অনৌবা কেসকী চাদা ৮৬.১৫দি রাজ্য ৬তগীনি।

মহারাস্ত্রনা মখা তানা ৬,২১৮দা খ্বাইদগী ৱাংবা দেলী ন্যু কেস রিপোর্ত তৌরক্লি। মসিবু কেরলানা ৪,০৩৪দা তুংইন্নরি অমদি তমিল নাদুনা অনৌবা কেস ৪৪২ রিপোর্ত তৌরক্লি।

হৌখিবা পুং ২৪দা ১০৪ শিখিবগী রিপোর্ত তৌরকখি।

রাজ্য মঙানা অনৌবা শিখিবগী চাদা ৮১.৭৩ ওইরি। মহারাস্ত্রদা খ্বাইদগী য়াম্না শিখিবা উবা ফংলি (৫১)। কেরলাদা ১৪ শিখিবগী রিপোর্ত তৌরক্লি অমসুং পঞ্জাবনা ১০শিখিবগী রিপোর্ত তৌরক্লি।

হৌখিবা পুং ২৪দা রাজ্য/য়ু.তি. ১৯না কোবিদ ১৯না শিখিবগী রিপোর্ত তৌরকপা লৈতে। মখোয় অদুদি গুজরাত, হরিয়ানা, রাজস্থান, ওরিশা, ঝার্খন্দ, চান্দিগর, অসম, লক্ষদীপ, হিমাচল প্রদেশ, লদাখ, মনিপুর, ত্রিপুরা, মিজোরাম, মেঘলায়া, এ&এন ইথৎশিং, সিক্কিম, নগালেন্দ, অরুনাচল প্রদেশ, দি&দি, দি&এন.নি।  

রাজ্য তরাহুমদোইনা ১দগী ৫ ফাওবা শিখিবগী রিপোর্ত তৌরকখি; রাজ্য ২না ৬তগী ১০ ফাওবা শিখিবগী রিপোর্ত তৌরকখি; রাজ্য অমনা ১দগী ৫ ফাওবা শিখিবগী রিপোর্ত তৌরকখি; রাজ্য অমনা ১০দগী ২০ ফাওবা শিখিবগী রিপোর্ত তৌরকখি অমসুং রাজ্য অমনা ২০ হেন্না শিখিবগী রিপোর্ত তৌরকখি  

****