দেশত সক্ৰিয় ৰোগীৰ সংখ্যা ১.৫০লাখৰ তললৈ অৱনমিত হৈছে। আজিৰ তাৰিখত ভাৰতত সক্ৰিয় ৰোগীৰ সংখ্যা হৈছে ১.৪৭,৩০৬গৰাকী।

দেশৰ মুঠ আক্ৰান্তৰ বিপৰীতে সক্ৰিয় ৰোগীৰ শতাংশ হাৰ এতিয়া হৈছেহি ১.৩৪%।

শেহতীয়া ২৪ঘণ্টাত ১০,৫৮৪গৰাকী লোক নতুনকৈ আক্ৰান্ত হোৱাৰ বিপৰীতে ১৩,২৫৫গৰাকী লোক আৰোগ্য হোৱা বুলি তথ্য উপলব্ধ হৈছে। ইয়াৰ ফলত মুঠ সক্ৰিয় ৰোগীৰ সংখ্যা ২,৭৪৯গৰাকীৰে অৱনমিত হৈছে।

ভাৰতত দিনৌ আক্ৰান্ত ৰোগীৰ মৃত্যুৰ হাৰো নিৰন্তৰ ভাবে অৱনমিত হোৱা পৰিলক্ষিত হৈছে। যোৱা ২৪ ঘণ্টাত দেশত ৭৮গৰাকী লোকৰ মৃত্যু হোৱাৰ তথ্য নিশ্চিত কৰা হৈছে।

আনহাতে, দেশৰ ২১খন ৰাজ্য আৰু কেন্দ্ৰীয় শাসিত অঞ্চলৰ পৰা যোৱা ২৪ঘণ্টাত এটাও মৃত্যুৰ তথ্য পোৱা হোৱা নাই। সেয়া হৈছে, মধ্য প্ৰদেশ, অসম, ৰাজস্থান, হাৰিয়াণা, জম্মু আৰু কাশ্মীৰ, ওড়িশা, অন্ধ্ৰ প্ৰদেশ. গোৱা, হিমাচল প্ৰদেশ, পুডুচেৰী, লক্ষাদ্বীপ, মণিপুৰ, ছিক্কিম, ত্ৰিপুৰা, লাডাখ, মেঘালয়, মিজোৰাম, নাগালেণ্ড, অৰুণাচল প্ৰদেশ, আন্দামান-নিকোবৰ দ্বীপপুঞ্জ, দমন আৰু দিউ আৰু দদ্ৰা আৰু নগৰ হাভেলী।

ইফালে, ২২ ফেব্ৰুৱাৰী ২০২১(টীকাকৰণৰ ৩৮সংখ্যক দিন)ৰ পুৱা ৮বজা পৰ্যন্ত দেশত অনুষ্ঠিত ২,৪৪,৮৭৭টা টীকাকৰণ শিবিৰৰ জৰিয়তে ১,১৭,৪৫,৫৫২গৰাকী স্বাস্থ্যসেৱা কৰ্মী আৰু আগশাৰীৰ সেৱা কৰ্মীক ক’ভিড-১৯ বিৰোধী টীকা প্ৰদান কৰা হৈছে। উল্লেখ্য, যোৱা ১৬ জানুৱাৰী, ২০২১ত প্ৰধানমন্ত্ৰী শ্ৰী নৰেন্দ্ৰ মোদীয়ে দেশ জুৰি টীকাকৰণ অভিযানৰ শুভাৰম্ভ ঘোষণা কৰিছিল।

এইসকলৰ মাজত ৬৪,৫১,২৫১গৰাকী স্বাস্থ্যসেৱা কৰ্মী(প্ৰথম পালি), ১২,৫৮,১৭৭গৰাকী স্বাস্থ্যসেৱা কৰ্মী (দ্বিতীয় পালি) আৰু ৪০,৩৬,১২৪(প্ৰথম পালি)আগশাৰীৰ সেৱা কৰ্মী আছিল।

প্ৰথম পালি টীকা লোৱাৰ পৰা ২৮টা দিন সম্পূৰ্ণ কৰা সকলক যোৱা ১৩ ফেব্ৰুৱাৰীৰ পৰা দ্বিতীয় পালি টীকা প্ৰদানৰ ব্যৱস্থা কৰা হয়। আগশাৰীৰ সেৱা কৰ্মীসকলক যোৱা ২ ফেব্ৰুৱাৰীৰ পৰা প্ৰতিষেধক প্ৰদান কৰা হৈছিল।

টীকাকৰণৰ ৩৮সংখ্যক দিন(২২ ফেব্ৰুৱাৰী,২০২১)টোত মুঠ ৬,২৮,৬৯৬পালি টীকা প্ৰদান কৰা হয়। আজি সম্পন্ন হোৱা ১২,৫৬০টা অধিৱেশনত ইয়াৰে ৩,৩৮,৩৭৩গৰাকী হিতাধিকাৰীয়ে প্ৰথম পালি আৰু ২,৯০,৩২৩গৰাকী স্বাস্থ্য সেৱা কৰ্মীয়ে টীকাৰ দ্বিতীয়টো পালি গ্ৰহণ কৰিছে।

ইফালে, ১,১৭,৪৫,৫৫২পালি প্ৰতিষেধকৰ প্ৰথমটো পালি হিচাপে গ্ৰহণ কৰে ১,০৪,৮৭,৩৭৫(স্বাস্থ্য সেৱা কৰ্মী আৰু আগশাৰীৰৰ সেৱা কৰ্মী)গৰাকী আৰু দ্বিতীয় পালি হিচাপে গ্ৰহণ কৰে ১২,৫৮,১৭৭গৰাকীয়ে।

মুঠ প্ৰতিষেধকৰ ৫১.৬৬% পালিয়েই ব্যৱহৃত হৈছে ৭খন ৰাজ্য আৰু কেন্দ্ৰীয় শাসিত অঞ্চলত। উত্তৰ প্ৰদেশে অকলেই ব্যৱহাৰ কৰিছে ১০.৪%(১২,২৬,৭৭৫পালি)।

ইফালে, দ্বিতীয় পালি হিচাপে গ্ৰহণ কৰা মুঠ প্ৰতিষেধকৰ ৬১.১৫%ই ব্যৱহৃত হৈছে ৮খন ৰাজ্যই। ইয়াৰে কৰ্ণাটকে অকলেই ব্যৱহাৰ কৰিছে ১১.১৩%(১,৪০,০৭৬পালি)।   

দেশত এই পৰ্যন্ত ১.০৭কোটিৰো অধিক (১,০৭,১২,৬৬৫)লোকে আৰোগ্য লাভ কৰিছে। আজিৰ তাৰিখত ভাৰতৰ আৰোগ্যৰ হাৰ ৯৭.২২% বুলি নিশ্চিত কৰা হৈছে, এই হাৰ পৃথিৱীৰ ভিতৰতে অন্যতম সৰ্বাধিক বুলিও প্ৰতিপন্ন হৈছে। আৰোগ্য লাভ কৰোতা আৰু সক্ৰিয় ৰোগীৰ মাজৰ ব্যৱধান বৃদ্ধি হৈ আজি হৈছেগৈ ১,০৫,৬৫,৩৫৯ গৰাকী।

নতুনকৈ আৰোগ্য লাভ কৰা লোকৰ ৮৬.৫৬%ই ৬খন ৰাজ্য আৰু কেন্দ্ৰীয় শাসিত অঞ্চলৰ।

এদিনত সৰ্বাধিক সংখ্যক ৰোগীয়ে আৰোগ্য লাভ কৰা তালিকাত ৫,২১০গৰাকী আৰোগ্যৰে শীৰ্ষত আছে মহাৰাষ্ট্ৰ। আনহাতে ২,২১২ আৰু ৪৪৯গৰাকীৰে দ্বিতীয় আৰু তৃতীয় স্থানত আছে ক্ৰমে কেৰালা আৰু তামিল নাডু।

সেইদৰে, নতুনকৈ আক্ৰান্তৰ ৮৪%ই ৬খন ৰাজ্যৰ।

এইক্ষেত্ৰতো মহাৰাষ্ট্ৰই সৰ্বাধিক ৫,২১০গৰাকী দিনটোৰ নতুন আক্ৰান্তৰে শীৰ্ষত অৱস্থান কৰাৰ বিপৰীতে ২,২১২ আৰু ৪৪৯গৰাকী আক্ৰান্তৰে দ্বিতীয় আৰু তৃতীয় স্থানত আছে ক্ৰমে কেৰালা আৰু তামিল নাডু।

মৃত্যু সাৱটা ৮৪.৬২% মৃতকেই ৬খন ৰাজ্যৰ।

ইয়াৰে, মহাৰাষ্ট্ৰত সৰ্বাধিক ১৮গৰাকী লোকে মৃত্যু বৰণ কৰাৰ বিপৰীতে কেৰালাত ১৬গৰাকী আৰু পঞ্জাৱত ১৫গৰাকী লোকৰ মৃত্যু হৈছে।

****

MV/SJ/KB