প্রধানমন্ত্রীগী লোইশঙ
প্রধান মন্ত্রীনা কোপ ২৬গী প্রসিদেন্ত খল্লবা এম.পি রাইত ওনেরেবল অলোক শর্মগা উনখ্রে
থাগৎখিবা:
16 FEB 2021 7:01PM by PIB Imphal
২৬শুবা য়ু.এন ক্লাইমেত চেঞ্জ কনফরেন্স ওফ পার্তিস(কোপ ২৬)গী প্রসিদেন্ত খল্লবা এম.পি রাইত ওনেরেবল অলোক শর্মনা ঙসি প্রধান মন্ত্রী শ্রী নরেন্দ্র মোদীগা উনখ্রে। কোপ অসি য়ুনাইতেদ নেসন্স ফ্রেমৱার্ক কনভেন্সন ওন ক্লাইমেত চেঞ্জ(য়ু এন এফ সি সি সি)গী ৱারেপ লৌনবা বোদি অমনি অমসুং নবেম্বর ২০২১দা য়ু.কেগী গ্লাসগোদা ২৬শুবা মীফম পাংথোক্কনি।
অইং-অশাগী খল হোংলকপগী ৱাফমশিংদগী হৌরগা কোপ ২৬ ফাওবগী ৱাফমশিং প্রধান মন্ত্রী অমসুং অলোক শর্মনা ৱা খন্নখি। পেরিস এগ্রিমেন্ত থবক ওইনা পাংথোক্নবা অমসুং কোপ ২৬দগী ফংলকপা অফবা ফলশিং নিংথিনা থবক ওইনা পাংথোক্নবা ভারতকী থাজবা প্রধান মন্ত্রীনা অমুক হন্না পীখি। দিশেম্বর ২০২০দা ক্লাইমেত এম্বিসন সমিত্তা প্রধান মন্ত্রীনা ফোঙদোকখিবা ৱারোলশিং অলোক শর্মনা নিংশিংখি।
ভারত-য়ু.কেগী মরী মখা তানা মপাঙ্গল কনখৎহন্নবা য়ুনাইতেদ কিংদমগী প্রধান মন্ত্রী বোরিস জোন্সনগা থবক তৌমিন্নগনি হায়না প্রধান মন্ত্রীনা মহাক্কী অচেৎপা ৱাফম ফোঙদোকখি।
****
(রিলিজ আই.দি.: 1698533)
ভিজিতর কাউন্তর : 162
রিলিজ অসি মসিদা পাবীয়ু:
English
,
Assamese
,
Marathi
,
Gujarati
,
Urdu
,
हिन्दी
,
Bengali
,
Punjabi
,
Odia
,
Tamil
,
Telugu
,
Kannada
,
Malayalam