പ്രധാനമന്ത്രിയുടെ ഓഫീസ്‌
അടിസ്ഥാനസൗകര്യ മേഖലയില്‍ ബജറ്റ് ഫലപ്രദമായി നടപ്പാക്കുന്നത് സംബന്ധിച്ച വെബിനാറിനെ പ്രധാനമന്ത്രി അഭിസംബോധന ചെയ്യും
Posted On:
15 FEB 2021 8:24PM by PIB Thiruvananthpuram
അടിസ്ഥാനസൗകര്യ മേഖലയില്‍ ബജറ്റ് ഫലപ്രദമായി നടപ്പാക്കുന്നത് സംബന്ധിച്ച് വെബിനാറിനെ പ്രധാനമന്ത്രി ശ്രീ നരേന്ദ്ര മോദി ഇന്ന് (2021 ഫെബ്രുവരി 16) ന് വൈകിട്ട് 4 മണിക്ക് ഒരു വെബ്നാറിനെ അഭിസംബോധന ചെയ്യും.
വെബിനാറിനെക്കുറിച്ച്
പ്രമുഖ ധനകാര്യ സ്ഥാപനങ്ങളുടെയും ഫണ്ടുകളുടെയും പ്രതിനിധികള്‍, ആനുകൂല്യ സ്വീകർത്താക്കൾ, കരാറുകാര്‍, കണ്‍സള്‍ട്ടന്റുകള്‍, വിഷയവിദഗ്ദ്ധര്‍ എന്നിവരുള്‍പ്പെടെ 200 ലധികം പേർ അടങ്ങുന്ന പാനലിന്റെ പങ്കാളിത്തം വെബിനാറില്‍ ഉണ്ടാകും. അടിസ്ഥാന സൌകര്യ വികസനത്തിന്റെ ഗതിവേഗവും, ഗുണനിലവാരവും മെച്ചപ്പെടുത്തുന്നതിനുള്ള ആശയങ്ങൾ പങ്കിടും. ഈ മേഖലയില്‍ കൂടുതല്‍ നിക്ഷേപം ആകര്‍ഷിക്കുന്നതിനും നവീന സാങ്കേതികവിദ്യയുടെ ഉപയോഗം വർദ്ധിപ്പിക്കുന്നതിനും ഊന്നൽ നൽകുന്നതായിരിക്കും ചർച്ചകൾ.
ഇതിന് ശേഷം രണ്ട് സമാന്തര സെഷനുകളിൽ വിവിധ മന്ത്രാലയങ്ങളിലെ മുതിര്‍ന്ന ഉദ്യോഗസ്ഥരും വിവിധ വിഷയങ്ങളിലെ വിദഗ്ധരും തമ്മിലുള്ള ചര്‍ച്ചകള്‍ നടക്കും. അന്തിമരൂപത്തിലുള്ള തന്ത്രം നടപ്പിലാക്കുന്നതിനെക്കുറിച്ച് ബന്ധപ്പെട്ടവരുമായി തുടർ ചർച്ചകളും ആസൂത്രണം ചെയ്തിട്ടുണ്ട്.
*****
(Release ID: 1698354)
Visitor Counter : 235
Read this release in:
Assamese
,
English
,
Urdu
,
Hindi
,
Marathi
,
Bengali
,
Manipuri
,
Punjabi
,
Gujarati
,
Odia
,
Tamil
,
Telugu
,
Kannada