ইন্দিয়াগী এক্তিব কেসশিং ঙসি লাখ ১.৭ (১,৬৯,৮২৪)গী মখাদা তাখ্রে।

অপুনবা পোজিতিব কেস্তগী হৌজিক শুপ্নতগী ১.৬% (শুপ্নতগী ১.৫৮%) দা লৈরি

স্তেতশিং/য়ু.তি.শিং ৯দা চয়োলগী ওইবা পোজিতিবকী চাং অসি লৈবাক্কী ওইবদগী হেল্লি। কেরলানা ১২.২০% ওইদুনা চয়োলগী ওইবা পোজিতিবকী চাং অসি রেকোর্দ থম্লি, মতুংদা ছত্তিসগরনা ৭.৩০% লৈরি।

স্তেতশিং/য়ু.তি.শিং ২৭দা চয়োলগী ওইবা পোজিতিবকী চাং অসি লৈবাক্কী ওইবদগী তানা লৈরি।

লেপ্পা লৈতনা অনাবা ফবা হেনগৎলকপনা ইন্দিয়াগী অনাবা ফবগী চাং অসি ৯৭% (৯৬.৯৮%) য়ৌখ্রে। ইন্দিয়গী অনাবা ফবা হেনগৎলকপগী চাং অসি মালেমগী ওইনা খ্বায়দগী ৱাংবনি।

হৌজিক ফাওবদা মীওই করোর ১.০৪ (১,০৪,০৯,১৬০) অনাবা ফখ্রে । পুং ২৪দা অনাবা মীওই ১৪,৮০৮ ফখ্রে অমসুং ময়ুমদা হলহনখ্রে।

নুমিৎ নিনি থংননা মীওই লাখ ৫.৭ গী মথক্তা মায় পাক্না তিকা থাখ্রে।

২০২১গী জানুৱারীগী ৩০গী অয়ুক্কী পুং ৮.০০ ফাওবদা বেনিফিসরী লাখ ৩৫ (৩৫,০০,০২৭) অমা কোবিদ-১৯গী লৈবাক শিনবা থুংনা পাংথোকপা বেক্সিনেসন অসিদা তিকা থাখ্রে।

হৌখিবা পুং ২৪ অসিদা মীওই ৫,৭১,৯৭৪ অমা সেসন ১০,৮০৯দা তিকা থাখ্রে। হৌজিক ফাওবদা সেসন ৬৩,৬৮৭ পাংথোকখ্রে।

স্তেতশিং/য়ু.তি.শিং ১০দা অনৌবা ফবা কেস ৮৫.১০% উবা ফংলি।

কেরলানা অনৌবা ফবা কেস ৬,৩৯৮গা লোয়ননা নোংমগী নুমিৎতা অনাবা ফবা খ্বায়দগী য়াম্বা রিপোর্ত লৈরি। মহারাস্ত্রাদা মীওই ২,৬১৩ পুং ২৪ অসিদা অনাবা ফগৎলক্লি কর্নাতকানা ৬০৭দা মতুং ইল্লি।

পুং ২৪দা নুংতিগী অনৌবা কেস ১৩,০৮৩ রেজিস্তর তৌরি।

স্তেতশিং/য়ু.তি.শিং ৬দা অনৌবা কেস ৮১.৯৫% লৈরি।

কেরলা অনৌবা কেস ৬,২৬৮ ওইদুনা খ্বায়দগী য়াম্বা ওইরি। মহারাস্ত্রানা ২,৭৭১ওইদুনা, অমদি তামিল নাদুনা অনৌবা কেস ৫০৯ ওইদুনা মতুং ইল্লি।

স্তেতশিং/য়ু.তি.শিং ৭তা অনৌবা শিবা ৮৩.৯৪% ওইরি। মহারাস্ত্রাদা খ্বায়দগী য়াম্বা শিবা ওইরি (৫৬)। কেরলানা ২২ নুমিৎ খুদিংগী শিবা অমসুং পঞ্জাবনা ১১ ওইদুনা মতুং ইল্লি।

****