আৰোগ্য লাভ কৰা লোকৰ সামগ্ৰিক হাৰ ধাৰাবাহিক ভাবে বৃদ্ধি হৈ থকাৰ পৰিপ্ৰেক্ষিতত ভাৰতৰ আৰোগ্যৰ হাৰ ৯৭% হৈছেগৈ। এই মুহূৰ্তত ভাৰতৰ আৰোগ্য লাভৰ হাৰ গোলকীয় পৰিমণ্ডলৰ অন্যতম সৰ্বাধিক বুলি পৰিগণিত হৈছে।

শেহতীয়া ২৪ ঘণ্টাত দেশৰ ১৪,৩০১গৰাকী লোকে আৰোগ্য লাভ কৰাৰ পিচত দেশৰ আৰোগ্য লাভ কৰা ব্যক্তিৰ সৰ্বমুঠ সংখ্যা ১,০৩,৭৩,৬০৬গৰাকী হৈছেগৈ।

ইফালে, দেশৰ সক্ৰিয় ৰোগীৰ মুঠ সংখ্যা আজি ১.৭৫ লাখৰ তললৈ অৱনমিত হৈছে। এই মুহূৰ্তত মুঠ আক্ৰান্তৰ বিপৰীতে সক্ৰিয় ৰোগীৰ শতাংশ হাৰ ১.৬২% হৈছে।

তলত দেশৰ সক্ৰিয় ৰোগীৰ সংখ্যা অৱনমিত হোৱাৰ ধাৰা প্ৰদৰ্শিত কৰা হৈছে। ৩১খন ৰাজ্য আৰু কেন্দ্ৰীয় শাসিত অঞ্চলত এতিয়া সক্ৰিয় ৰোগীৰ সংখ্যা ৫,০০০ৰ তললৈ অৱনমিত হোৱাৰ তথ্য লাভ কৰা হৈছে।

কেৰালা, মহাৰাষ্ট্ৰ, উত্তৰ প্ৰদেশ, কৰ্ণাটক আৰু পশ্চিম বংগতে ৭৮% সক্ৰিয় ৰোগীৰ উপস্থিতি নিশ্চিত কৰা হয়।

আজি, অৰ্থাত্ ২৮ জানুৱাৰী ২০২১ৰ পুৱা ৭.৩০ বজা পৰ্যন্ত ২৩.৫ লাখৰো অধিক(২৩,৫৫,৯৭৯) হিতাধিকাৰীৰ টীকাকৰণ সম্পন্ন কৰা হৈছে। এই পৰ্যন্ত টীকাকৰণৰ মুঠ ১৪,১১৮টা অধিৱেশন অনুষ্ঠিত কৰা হৈছে। ইফালে, যোৱা ২৪ ঘণ্টাত অনুষ্ঠিত ৬,১০২টা অধিৱেশনত ৩,২৬,৪৯৯গৰাকী হিতাধিকাৰীক এই প্ৰতিষেধক প্ৰদান কৰা হয়। এই পৰ্যন্ত দেশত টীকাকৰণৰ ৪২,৬৭৪টা অধিৱেশন অনুষ্ঠিত হৈছে।

ইফালে, নতুনকৈ আৰোগ্য লাভ কৰোতাৰ ৭৭.৮৪%ই ৭খন ৰাজ্য আৰু কেন্দ্ৰীয় শাসিত অঞ্চলৰ।

ইয়াৰে, সৰ্বাধিক ৫,০০৬গৰাকী নতুন আৰোগ্যৰে শীৰ্ষ স্থান দখল কৰিছে কেৰালাই। এই তালিকাত ২,৫৫৬ আৰু ৯৪৪গৰাকী লোকেৰে দ্বিতীয় আৰু তৃতীয় স্থানত আছে ক্ৰমে মহাৰাষ্ট্ৰ আৰু কৰ্ণাটক।

শেহতীয়া ২৪ ঘণ্টাত দেশত নতুনকৈ আক্ৰান্ত হোৱা ১১,৬৬৬গৰাকী লোকৰ নাম পঞ্জীকৃত হৈছে।

নতুনকৈ আক্ৰান্তৰ ৮১.৯৬%ই ৬খন ৰাজ্য আৰু কেন্দ্ৰীয় শাসিত অঞ্চলৰ।

এইক্ষেত্ৰতো কেৰালাই সৰ্বাধিক ৫,৬৫৯গৰাকী দিনটোৰ নতুন আক্ৰান্তৰে শীৰ্ষত অৱস্থান কৰাৰ বিপৰীতে ২,১৭১ আৰু ৫১২গৰাকী আক্ৰান্তৰে দ্বিতীয় আৰু তৃতীয় স্থানত আছে ক্ৰমে মহাৰাষ্ট্ৰ আৰু তামিল নাডু।

ইফালে, শেহতীয়া ২৪ঘণ্টাত মৃত্যু সাৱটিছে ১২৩গৰাকী লোকে।

ইয়াৰে ৭৫.৬১% মৃতকেই ৭খন ৰাজ্য আৰু কেন্দ্ৰীয় শাসিত অঞ্চলৰ।

ইয়াৰে, মহাৰাষ্ট্ৰত সৰ্বাধিক ৩২গৰাকী লোকে মৃত্যু বৰণ কৰাৰ বিপৰীতে কেৰালা আৰু পাঞ্জাৱত মৃত্যু হৈছে ক্ৰমে ২০ আৰু ১০গৰাকী লোকৰ।

****

MV/SJ/KB