नवी दिल्ली, 28 जानेवारी 2021

रुग्ण बरे होण्याच्या एकूण संख्येत सातत्याने वाढ होत असून, भारताचा रुग्ण बरे होण्याचा दर आता जवळपास 97 टक्के झाला असून  जागतिक स्तरावरील उच्चांकी दरांपैकी हा एक दर आहे. 

1,03,73,606  लोक बरे झाले आहेत. गेल्या 24 तासांत 14,301 रूग्ण बरे झाले आहेत आणि त्यांना घरी पाठवण्यात आले आहे.

भारताची एकूण उपचाराधीन रुग्णांची संख्या आज 1.75 लाख (1,73,740) पेक्षा कमी झाली आहे. उपचाराधीन रुग्णांचे प्रमाण आता भारताच्या एकूण बाधित रुग्णसंख्येच्या केवळ 1.62 टक्के इतके आहे.

सक्रिय रुग्णांमध्ये  सतत घसरण होण्याचा राष्ट्रीय कल कायम ठेवत, 31 राज्ये / केंद्रशासित प्रदेशांमध्येही सक्रिय रुग्णसंख्या  5,000 पेक्षा कमी नोंदली गेली आहे.

78 टक्के सक्रिय रुग्ण  केरळ, महाराष्ट्र, उत्तर प्रदेश, कर्नाटक आणि पश्चिम बंगाल  या पाच राज्यांमध्ये आहेत

28 जानेवारी,  2021 रोजी सकाळी साडेसात वाजेपर्यंत 23.5  लाखांहून अधिक (23,55,979) लाभार्थ्यांना देशव्यापी कोविड-19 लसीकरण मोहिमे अंतर्गत लस देण्यात आली आहे.

गेल्या 24 तासात 6,102 सत्रांमध्ये 3,26,499 लोकांचे  लसीकरण करण्यात आले. आतापर्यंत 42,674 सत्रे आयोजित करण्यात आली आहेत.

काल बरे झालेल्या रुग्णांपैकी 77.84% रुग्ण 7 राज्ये / केंद्रशासित प्रदेशांमधील आहेत

केरळमध्ये काल 5,006 इतक्या सर्वाधिक संख्येने रुग्ण बरे झाले आहेत. गेल्या 24 तासांत महाराष्ट्रात  2,556 रुग्ण बरे झाले आणि त्याखालोखाल  कर्नाटकमध्ये 944 रुग्ण बरे झाले.

गेल्या 24 तासांत 11,666  नवीन रुग्णांची नोंद झाली.

नवीन रुग्णांपैकी 81.96  टक्के रुग्ण  6 राज्ये आणि केंद्रशासित प्रदेशांमधील आहेत.

केरळमध्ये  5,659 इतक्या  सर्वाधिक संख्येने नवीन रुग्ण आढळले आहेत.  त्याखालोखाल महाराष्ट्रात 2,171 आणि तामिळनाडूमध्ये 512 नवीन रुग्णांची नोंद झाली आहे.

गेल्या 24 तासांत 123 मृत्यूची नोंद झाली.

काल झालेल्या मृत्यूंपैकी 75.61 टक्के रुग्ण सात राज्ये / केंद्रशासित प्रदेशांमधील आहेत.  महाराष्ट्रात सर्वाधिक (32) मृत्यू झाले आहेत. केरळमध्ये 20 तर  पंजाबमध्ये 10 जणांचा काल मृत्यू झाला.

U.Ujgare/S.Kane/P.Malandkar

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com