পুন্না ফগৎলকপশিং লেপ্পা লৈতনা ৱাংখৎলকপগা লোইননা ভারতকী নাবা ফগৎলকপগী চাং অসি ৯৭%গী ময়া য়ৌখ্রে। ভারতকী নাবা ফগৎলকপগী চাং অসি মালেমগী ওইনা খ্বাইদগী ওইবা অমা ওইখ্রে।

মীওই ১,০৩,৭৩,৬০৬ নাবা ফগৎখ্রে। হৌখিবা পুং ২৪দা মীওই ১৪,৩০১ নাবা ফগৎতুনা দিসচার্জ তৌখ্রে।

ভারতকী অপুনবা এক্তিব কেসলোদ অসি ঙসি লাখ ১.৭৫ (১,৭৩,৭৪০) দগী হন্থখ্রে। হোজিক এক্তিব কেসলোদ অসি ভারতকী অপুনবা পোজিতিব কেসশিংগী ১.৬২% খক্তা ওইরে।

লৈবাক অসিগী এক্তিব কেসশিং হন্থবগী লৈরিবা মওং অসি ঙাক্না চৎতুনা রাজ্য/য়ু.তি. ৩১ গী এক্তিব কেসশিং অসি ৫,০০০দগী তানা রেকোর্দ তৌখ্রে।

এক্তিব কেসশিংগী ৭৮%দি রাজ্য মঙা মদুদি কেরেলা, মহারাস্ত্র, উত্তর প্রদেশ, কর্নাতকা অমসুং ৱেস্ত বেঙ্গলদগী ওইখ্রে।

জনুৱারী ২৮গী অয়ুক পুং ৭:৩০ ফাওবদা লৈবাক শিনবা থুংনা পাঙথোক্লিবা কোবিদ ১৯ বেক্সিনেসন এক্সর্সাইসকী মখাদা বেনিফিসরী লাখ ২৩.৫ (২৩,৫৫,৯৭৯) বেক্সিন কাপখ্রে।

হৌখিবা পুং ২৪গী মনুংদা সেসন ৬,১০২দা মীওই ৩,২৬,৪৯৯ বেক্সিন কাপখ্রে। হৌজিক ফাওবদা সেসন ৪২,৬৭৪ পাঙথোকখ্রে।

অনৌবা কেসশিংগী ৭৭.৮৪% দি রাজ্য/য়ু.তি. ৯দগী ওইখ্রে।

াকেস ৫,০০৬ নৌনা ফগৎখিবগা লোইননা কেরেলানা নোংমা খক্তদা মশিং খ্বাইদগী য়াম্না ফগৎপগী রিপোর্ত তৌখ্রে। হৌখিবা পুং ২৪দা মহারাস্ত্রদা মীওই ২৫৫৬ নাবা ফগৎখি মতুংদা মীওই ৯৪৪গা লোইননা কর্নাতকানা মতুং ইন্নখ্রে।

হৌখিবা পুং ২৪দা নুংতিগী থেংনবা অনৌবা কেস ১১,৬৬৬ রেজিস্তর তৌখ্রে।

অনৌবা কেসশিংগী ৮১.৯৬%দি রাজ্য অমসুং য়ু.তি. ৬দগী ওইখ্রে।

কেরেলানা নুংতিগী ওইনা থেংনবা কেস ৫,৬৫৯গা লোইননা মশিং খ্বাইদগী ৱাংনা মখা তানা রিপোর্ত তৌখ্রে। মসিগী মতুংদা ২,১৭১গা লোইননা মহারাস্ত্র লৈরি অমরোমদা তামিল নাদুদা অনৌবা কেস ৫১২ রিপোর্ত তৌখ্রে।

হৌখিবা পুং ২৪দা শীখিবা ১২৩ রেকোর্দ তৌখি।

নৌনা শীখিবা অসিদগী ৭৫.৬১% দি রাজ্য/য়ু.তি. তরেৎতগী ওইখ্রে। মহারাস্ত্রদা খ্বাইদগী য়াম্না শীখি (৩২)। কেরেলাদা শীখিবা ২০ অমসুং পঞ্জাবতা ১০গা লোইননা মতুং ইন্নখ্রে।

****