হেলথ অমসুং ফেমিলি ৱেলফিয়রগী য়ুনিয়ন মিনিস্তর দাঃ হার্শ বর্ধন্না অৱাংবা থাক্কী গ্রুপ ওফ মিনিস্তর (জি.ও.এম.)গী ২৩শুবা কোবি০-১৯গী মতাংদা পাংথোকপা মিতিং ঙসি ভিদিও কনফরেন্সকী খুত্থাংদা পাংথোকখ্রে। মহাক অসি এক্সতর্নেল এফিয়র্সকী মিনিস্তর দাঃ এস. জয়শঙ্কর, সিবিল এবিএসনগী মিনিস্তর শ্রী হার্দীপ এস. পুরি, স্তেতকী মিনিস্তর শ্রী এস্বীনি কুমার চৌবে, মিনিস্তর ওফ স্তেত, মিনিস্ত্রী ওফ হোম এফিয়র্স শ্রী নিত্যানন্দ রাই অমসুং পোর্তস, শিপ্পিং অমসুং ৱাতরৱেজ অমসুং কেমিকেল অমসুম ফর্তিলাইজরগী মিনিস্তর ওফ স্তেত য়াওখি।

দাঃ বিনোদ কে পোল, মেম্বর (হেলথ), এন.আই.তি.আই. আয়োগশু ভর্চুএল ওইনা য়াওখি।

দাঃ হার্শ বর্ধন্না হৌজিক চহি অমা ফারক্লবা কোবিদকী মেনেজমেন্তগী মনিস্তরশিংগী কাংবুশিংনা চৎথখিবা থবকশিং অদু নিংশিংলদুনা মিতিং অসি হৌদোকখি: “খ্বায়গী অহানবা কেস অসি মমাং চহিগী জানুৱারীগী ৩০ দা রিপোর্ত লাকখি, অমসুং খ্বায়দগী অহানবা কোবিদ-১৯গীদমক শেমখিবা জি.ও.এম.গী মিতিং অসিনা ২০২০গী ফেব্রুৱারীগী ৩দা ফমখি। প্রধান মন্ত্রী শ্রী নরেন্দ্র মোদীগী মিয়েং মখাদা ‘সরকার পুম্বা’ অমসুং ‘সমাজ পুম্বা’ হায়বা খোঙজং অসিনা ইন্দিয়ানা লায়চৎ অসি মায় পাক্না লাকশিনবা ঙম্বনি। পুং ২৪ অসিগী মনুংদা কেস ১২,০০০গী মখাদা লৈবগী রিপোর্ত লাক্লি অমসুং এক্তিব কেসলোদ অসি লাখ ১.৭৩ হন্থরি।

মায় পাকপা অসি শন্দোক্না তাক্তুনা মহাক্না হায় মদুদি, “হৌখিবা নুমিৎ ৭নিদগী দিস্ত্রীক্ত ১৪৬তা অনৌবা কেস লৈখিদ্রে, নুমিৎ ১৪নিদনা দিস্ত্রীক্ত ১৮,  নুমিৎ ২১নিদনা দিস্ত্রীক্ত ৬ অমসুং নুমিৎ ২৮নিদনা দিস্ত্রীক্ত ২১দা লৈরি। মসি মাংজৌননা তেস্তিং তৌখিবা অদুনা ওইবা ঙমখিবনি হায়রিবা অসিদা করোর ১৯.৫ তেস্ত হৌজিক ফাওবদা তৌখ্রে। হৌজিক ওইরিবা তেস্তিং অসিনা নোংমদা লাখ ১২ তৌবা ঙম্লি।

মহাক্না মখা তানা হায় মদুদি অপুনবা এক্তিব কেস অসিদগী  খর অমনা ০.৪৬% অমদি বেন্তিলেতরদা লৈ, ২.২০% অমনা আই.সি.য়ু.দা লৈ অমসুং ৩.০২% খক্না ওক্সিজেনগী মতেংনা লৈরি। দাঃ হার্শ বর্ধন্না হায় মদুদি হৌজিক ফাওবদা য়ু.কে. ভেরিএন্ত কেস ১৬৫ খক্তা রিপোর্ত লৈরি। মখোয় অসি য়াম্না কুপ্না য়েংবা ক্বারীন্তিন্দা থম্লি।

য়ুনিয়ন হেলথ মিনিস্তর চাওথোক্না পল্লি মদুদি ইন্দিয়া অসিগুম্বা মালেমগী ওইনা য়াম্না চিরবা মতম অসিদা কোবিদ-১৯গী বেক্সিন অতোপ্পা লৈবাকশিংদা ফংহল্লি অমসুং লৈবাক কয়াগী পর্সোন্নেলশিংবু বেক্সিনগী মতাংদা ত্রেন্নিং পীখি। “মালেম কম্ম্যুনিতিদা “মিত্রা” ওইনা, ইন্দিয়ানা লুরবা তানফম অসিদা লমদম অসিদা পুথোকপা বেক্সিন অসি ফংহন্দুনা মালেমগী থাজবা ফংলি” হায়না দাঃ হার্শ বর্ধন্না হায়খি।  

দাঃ সুরজিৎ কে. সিংহ, দাইরেক্তর (এন.সি.দি.সি.)না ইন্দিয়াদা কোবিদ-১৯গী হৌজিক অমসুং তুংদা ওইরক্কদবা মপুং ফাবা রিপোর্ত অসি অতোপ্পা লৈবাক্কা চাংদম্নদুনা উৎলি।

ইন্দিয়াগী অশিবগী কেস অসি ২০২০গী ময়াই ওইবা জুনদা ৩.৪% ওইরম্বদগী হৌজিক ওইরিবা চাং ১.৪% অসিদা ক্লিনিকেল মেনেজমেন্তকী মরম্না হন্থরকপা উৎলি। মহাক্ন খঙবনখি মদুদি দদ্রা অমসুং নাগর হাবেলি অমসুং দামন অমসু দিয়ু অসিনা অনাবা ফবা খ্বায়দগী হেন্না চাংদা ৯৯.৭৯% লৈ অমসুং আরুনাচল প্রদেশ (৯৯.৫৮%) অমসুং ওরিশা(৯৯.০৭%) ওইদুনা মতুং ইল্লি মরক অসিদা কেরলানা অসিনা চাং অসি ৯১.৬১% লৈরি মরমদি মসিদা এক্তিব কেসলোদ য়াম্না ৱাংনা লৈবননি। মহাক্না খঙহনখি মদুদি মুম্বাই, থীরুবনান্থপুরম, ইর্নাকুলাম, কোত্তায়ম অমসুং কোঝিকোদে  অসিনা হৌজিক্কী ওইনা এক্তিব কেস খ্বায়দগী ৱাংবা দিস্ত্রীক্ত ৫ ওইরি। মহারাস্ত্রা অমসুং করলানা হৌজিক্কী ওইনা৭০% লৈবাক অসিগী এক্তিব কেসলোদ ওইরি। অতৈ লৈবাকশিংদা লানশিন্নরিবা অসি উরগা থা খর অসি চেকশিন্না লৈননবা মহাক্না পাউতাক পীরি ।

মরী চুম্না উৎপা প্রজেন্তেসন অমদা দাঃ বিনোদ কে. পোল, এন.আই.তি.আই. আয়োগ অমসুং শ্রী রাজেশ ভুশন, য়ুনিয়ন হেলথ সেক্ত্রেতরীনা লৈবাক অসিদা বেক্সিনেসনগী চাওখৎলকপা অমসুং ২০২১গী জানুৱারীরী ১৬তা প্রধান মন্ত্রীনা হৌদোককিবা বেক্সিনেসন দ্রাইব অসিদা থাগৎপা ফোংদোক্লি।

য়ুনিয়ন হেলথ সেক্ত্রেতরীনা বেক্সিনেসন চৎথরিবা অমসুং মসিনা হৌজিকফাওবদা ফংলিবা অসি উৎলি; থবক অসি হৌদ্রিঙৈদা মাংওইনননা স্তেত অমসুং য়ু.তি.শিং অসিদা বেক্সিন দোজ লাখ ১১২.৪ নুমিৎ হুম্নিদা য়েন্থোকখি; অতোপ্পা অহেনবা দোজ লাখ ১১৫.৬ অমনা ২০২১গী জানুৱারীগী ২০দা স্তেত অমসুং য়ু.তি.দা য়ৌহনখি; বেক্সিনেতর লাখ ২.৫ অমসুং অতৈ তীম লাখ ৪.৪ ত্রেন্নিং পীখি; হেলথ কেয়র ৱার্কর ৯৩,৭৬,০৩০ অমসুং ফ্রন্তলাইন ৱার্কর ৫৩,৯৪,০৯৮ অমনা কো-ৱিন পোর্তেলদা রেজিস্তর তৌখ্রে।

দাঃ পোলনা খঙহনল্লি মদুদি ইন্দিয়ানা হৌজিক্কী ওইনা বেক্সিনেসন পীবদা ৬শুবদা লৈ অমসুং নুমিৎ খরনি অসিদা ৩শুবদা লৈরগনি; লাখ ২৩ বেক্সিনেসন পীবদা হৌজিক ফাওবদা এ.ই.ফ.আই. হোস্পিতালাইজ তৌবা ১৬ লৈরি হায়রিবা অসিনা ০.০০০৭% ওইদুনা য়াম্না শাথিবা এ.ই.ফ.আই. নত্ত্রগা শিবগী রিপোর্ত হৌজিক ফাওবদা লৈত্রি।মহাক্না ইন্দিয়াগী জি.ও.এম.বু হৌজিক ওইরিবা অসিগা অতোপ্পা লৈবাকশিংগা য়েংনবদা থাদৎপা ফোংদোক্লি।

জি.ও.এম.না ইন্দিয়ন বেক্সিনগীদমক অতোপ্পা লৈবাকশিংদগী পুরক্কদবা অসিগী মতাংদা খন্নখ্রে। মিস এস. আর্পনা, সেক্ত্রেতরী, ফার্মাসিয়ুতিকেল দিপার্তমেন্ত হিরম অসিগীদমক শেমখ্রে, জি.ও.এম. থবক অসিগীদমক থাদৎপা ফোংদোকখ্রে।

শ্রী প্রদীপ সিংহ খারোলা, সেক্ত্রেতরী (সিবিল এবিএসন), দাঃ গুরুপ্রসাদ মোহাপাত্র, সেক্ত্রেতরী (দি.পি.আই.আই.তি.), দাঃ বালরাম ভার্গাবা, সেক্ত্রেতরী (হেলথ রিসর্স) অমসুং দি.জি. (আই.সি.এম.আর.), শ্রী দম্মু রাবি, এদ্দিসনেল সেক্ত্রেতরী (এম.ই.এ.), শ্রী গোবিন্দ মোহন, এদ্দিসনেল সেক্ত্রেতরী (হোম এফিয়র্স), শ্রীমতি নিরজ সেখর, এদ্দিসনেল সেক্ত্রেতরী (ইনফোর্মেসন অমসুং ব্রোদকাস্তিং), শ্রী আমিত য়াদব, দি.জি. ফোরেইন ত্রেদ (দি.জি.এফ.তি.), দাঃ সুনিল কুমার, দি.জি.ঐচ.এস. অমসুং অতোপ্পা সরকারগী মকোক থোংবা ওফিসিএলশিংনা ভিদিও কনফরেন্সকী খুত্থাংদা শরুক য়াখি।

****