కోవిడ్ మీద పోరులో భారతదేశం ఈ రోజు ఒక చెప్పుకోదగిన మైలురాయికి చేరింది. చికిత్సపొందుతూ ఉన్నవారి సంఖ్య 2 లక్షల కంటే దిగువకు జారి 1,97,201 కి చేరింది. ఇది మొత్తం కేసుల్లో కేవలం 1.86% మాత్రమే.  ఇది గడిచిన 207 రోజులలో అత్యల్పం.   చికిత్సలో ఉన్నవారి సంఖ్య గత జూన్ లో 1,97,387 గా నమోదైంది.  గడిచిన 24 గంటలలో  16,988 మంది కోలుకున్నారు.  దీనివలన చికిత్స పొందుతున్న వారి సంఖ్య నికరంగా 3327 తగ్గింది.  

చికిత్సపొందుతున్నవారిలో 72% మంది కేవలం ఐదు రాష్ట్రాలకు చెందినవారే ఉన్నారు. 

34 రాష్ట్రాలు, కేంద్ర పాలిత ప్రాంతాలలో చికిత్సలో ఉన్నవారు 10 వేలమందికి లోపే ఉన్నారు.   

భారత్ లో రోజూ వస్తున్న కొత్త కేసులు క్రమంగా తగ్గుతూ వస్తున్నాయి. దీనివలన చికిత్సపొందుతూ ఉనవారి సంఖ్య కూడా తగ్గుతోంది. 

ప్రపంచవ్యాప్తంగా గమనించినప్పుడు భారత్ లోనే రోజువారీ కేసులు తక్కువగా వస్తున్నాయి. ప్రతి పది లక్షల జనాభాలో భారత్ లో నమోదవుతున్న కేసులు వారంరోజులుగా బాగా తగ్గుతూ ఉన్నాయి.

జనవరి 20 న ఉదయం 7 గంటలవరకు మొత్తం 6,74,835 మందికి టీకాలు వేశారు. గత 24 గంటలలో 2,20,786 మందికి 3868 కేంద్రాలలో టీకాలు వేశారు. ఇప్పటిదాకా మొత్తం 11,720 ప్రదేశాలలో టీకాల కార్యక్రమం పూర్తయింది.  

ఇప్పటిదాకా మొత్తం కోటీ రెండు లక్షలకు పైగా   (10,245,741 మంది) కోలుకున్నారు. చికిత్సలో ఉన్నవారికంటే కోలుకున్నవారి సంఖ్య ఇప్పుడు 1,00,48,540  కి చేరింది. దీంతో కోలుకున్నవారి శాతం 96.70%  కి చేరింది. ఈ తేడా క్రమంగా పెరుగుతూ వస్తోంది.

కొత్తగా గత 24 గంటలలో కోలుకున్నవారిలో 80.43% మంది 10 రాష్ట్రాలకు చెందినవారు కాగా మహారాష్ట్రలో అత్యధికంగా  4,516 మంది, కేరళలో  4,296 మంది, కర్నాటకలో 807 మంది కోలుకున్నారు.  

కొత్తగా కోవిడ్ బారిన పడినవారిలో 79.2% మంది ఏడు రాష్ట్రాలకు చెందినవారు కాగా కేరళలో అత్యధికంగా 6,186 మంది, ఆ తరువాత మహారాష్ట్రలో 2,294  మంది పాజిటివ్ గా తేలారు.

రోజువారీ మరణాలు క్రమంగా తగ్గుతూ వస్తున్నాయి. గత 24 గంటలలో162 మంది చనిపోయారు.   

గడిచిన 24 గంటలలో మరణించినవారిలో 71.6% మంది ఆరు రాష్ట్రాలకు చెందినవారే.  మహారాష్టలో అత్యధికంగా 50 మంది మరణించగా, కేరళలో 26 మంది, పశ్చిమ బెంగాల్ లో 11 మంది  చనిపోయారు.  

***