രാജ്യത്ത് നിലവിൽ ചികിത്സയിൽ കഴിയുന്നവരുടെ എണ്ണം രണ്ട് ലക്ഷത്തിൽ താഴെ (1,97,201 )ആയി. 207 ദിവസങ്ങൾക്ക് ശേഷമാണ് ചികിത്സയിൽ കഴിയുന്നവരുടെ എണ്ണം ഇത്രയും കുറയുന്നത്. കഴിഞ്ഞ 24 മണിക്കൂറിനിടെ 16 988 പേർക്കാണ് രോഗം ഭേദമായ ത്. ഇത് ചികിത്സയിൽ കഴിയുന്നവരുടെ എണ്ണത്തിൽ 3 327 ന്റെ കുറവ് ഉണ്ടാക്കിയിട്ടുണ്ട്.

 ദശലക്ഷം പേരിലെ പ്രതിദിന രോഗ സ്ഥിരീകരണം ഏറ്റവും കുറഞ്ഞ രാജ്യങ്ങളിലൊന്നാണ് കഴിഞ്ഞ ഏഴ് ദിവസമായി ഇന്ത്യ. 2021 ജനുവരി 20 രാവിലെ 7 മണി വരെയുള്ള കണക്കുകൾ പ്രകാരം 6,74,835 പേരാണ് നിലവിൽ കൊവിഡ് വാക്സിൻ സ്വീകരിച്ചിട്ടുള്ളത്. കഴിഞ്ഞ 24 മണിക്കൂറിനിടെ 3860 സെഷനുകളിലായി 2,20,786 പേർ വാക്സിൻ സ്വീകരിച്ചു.  ഇതുവരെ 11,720 സെഷനുകളാണ് സംഘടിപ്പിച്ചിട്ടുള്ളത് . 

ഇതുവരെയുള്ള രോഗമുക്തരുടെ എണ്ണം 1.02 കോടിയിൽ (10,245,741) എത്തി. ആകെ രോഗമുക്തരുടെ എണ്ണവും നിലവിൽ ചികിത്സയിൽ കഴിയുന്നവരുടെ എണ്ണവും തമ്മിലെ വ്യത്യാസം കുറച്ചു ദിവസങ്ങൾക്ക് മുൻപ് ഒരു കോടി പിന്നിട്ടിരുന്നു. ഇന്ന് ഇത് 10,048,540 ആണ്. രാജ്യത്തെ രോഗമുക്തി നിരക്ക് 96. 70 ശതമാനമായി ഉയർന്നിട്ടുണ്ട്.

രോഗസൗഖ്യം നേടിയവരിൽ 80.43 ശതമാനംപേരും 10 സംസ്ഥാന കേന്ദ്ര ഭരണ പ്രദേശങ്ങളിൽ നിന്നാണ്. 45 16 പേർ രോഗസൗഖ്യം നേടിയ മഹാരാഷ്ട്രയിലാണ് ഇന്നലെ ഏറ്റവും കൂടുതൽ രോഗമുക്തി റിപ്പോർട്ട് ചെയ്യപ്പെട്ടത്. കേരളത്തിൽ 4 296 പേരും കർണാടകയിൽ 807 പേരും ഇന്നലെ രോഗസൗഖ്യം നേടി.

പുതുതായി രോഗം സ്ഥിരീകരിച്ചവരിൽ.79.2 ശതമാനം പേരും 7 സംസ്ഥാന കേന്ദ്ര ഭരണ പ്രദേശങ്ങളിൽ ആണ്. 6186 പേർക്ക് രോഗം സ്ഥിരീകരിച്ച കേരളത്തിലാണ് ഇന്നലെ ഏറ്റവും കൂടുതൽ കേസുകൾ റിപ്പോർട്ട് ചെയ്യപ്പെട്ടത്. മഹാരാഷ്ട്രയിൽ 2 294 പുതിയ കേസുകളും റിപ്പോർട്ട് ചെയ്യപ്പെട്ടു. പ്രതിദിന മരണങ്ങളിലും വലിയ കുറവ് ഉണ്ടായിട്ടുണ്ട്. കഴിഞ്ഞ 24 മണിക്കൂറിനിടെ 162 കോവിഡ്മ രണങ്ങളാണ് രാജ്യത്തെ റിപ്പോർട്ട് ചെയ്യപ്പെട്ടത്. ഇതിൽ 71.6 ശതമാനവും ആറു സംസ്ഥാന കേന്ദ്ര ഭരണ പ്രദേശങ്ങളിൽ ആണ്. മഹാരാഷ്ട്രയിൽ അമ്പതും കേരളത്തിൽ 26 ഉം പശ്ചിമബംഗാളിൽ 11 ഉം പേരാണ് ഇന്നലെ മരണമടഞ്ഞത്.