కోవిడ్ వలన ఏర్పడిన అంతర్జాతీయ సంక్షోభాన్ని ఎదుర్కోవటంలో భారతదేశం ఒక కీలకమైన మైలురాయిని దాటింది. రోజువారీ కొత్త కేసులు గణనీయంగా తగ్గాయి. గత 24 గంటలలో కేవలం 10,064  కేసులు మాత్రమే నమోదయ్యాయి. ఇంత తక్కువ సంఖ్యలో కొత్త కేసులు రావటం గడిచిన 7 నెలల్లొ ఇదే మొదటి సారి. నిరుడు జూన్ 12 న మాత్రమే 10,956 కేసులు నమోదయ్యాయి. అదే విధంగా దేశంలో ప్రస్తుతం చికిత్సలో ఉన్న కేసుల సంఖ్య 2 లక్షల స్థాయికి పడిపోయి ప్రస్తుతం 2,00,528 గా నమోదైంది.  దీంతో మొత్తం పాజిటివ్ కేసులలో చికిత్సలో ఉన్నవారి వాటా కేవలం  1.90% కు పరిమితమైంది. 

ఒకవైపు రోజువారీ నమోదవుతున్న కొత్త కోవిడ్ పాజిటివ్ కేసులు తగ్గుతూ రావటం, మరోవైపు అన్ని రాష్ట్రాలలోనూ, కేంద్ర పాలిత ప్రాంతాలలోనూ టీకాలు తీసుకుంటున్నవారి సంఖ్య రోజురోజుకూ పెరుగుతూ రావటం వలన టీకాలు తీసుకున్నవారి సంఖ్య పాజిటివ్ కేసులకు రెట్టింపు నమోదైంది.  గత 24 గంటలలో  3930 చోట్ల 2,23,669 మందికి టీకాలు వేయగా ఇప్పటివరకు మొత్తం 7860 ప్రదేశాలలో టీకాలు తీసుకున్నవారి మొత్తం సంఖ్య 4,54,049 కి చేరింది.  

రాష్ట్రాల వారీగా టీకాల లబ్ధిదారుల వివరాలు ఇలా ఉన్నాయి.:

వ్యాధి నిర్థారణ పరీక్షల మౌలిక సదుపాయాల పెంపుదల కారణంగా పాజిటివ్ కేసుల సంఖ్య కూడా తగ్గింది. భారత్ లో వారపు సగటు పాజిటివ్ శాతం 1.97% కాగా 22 రాష్ట్రాలు, కేంద్రపాలిత ప్రాంతాలలో జాతీయ సగటు కంటే తక్కువగా ఉంది.

13  రాష్ట్రాలు, కేంద్ర పాలిత ప్రాంతాలలో వారపు పాజిటివ్ శాతం జాతీయ సగటు కంటే ఎక్కువగా ఉంది. 

దేశంలో గత 24 గంటలలో 140 కంటే తక్కువగా 137 మరణాలు నమోదయ్యాయి. ఇది గడిచిన 8 నెలల్లో తక్కువ స్థాయి. 

భారత్ లో కోలుకున్నవారి శాతం 96.66% దాటింది. మొత్తం కోలుకున్నవారి సంఖ్య 1,02,28,753 కి చేరింది. ఈరోజుకు చికిత్సలో ఉన్న వారి సంఖ్య 2,08,012 కు చేరింది.  గత 24 గంటలలో 17,411 మంది కోవిడ్ నుంచి కోలుకున్నారు. కోలుకున్నవారిలో 80.41%  మంది కేవలం 10 రాష్ట్రాలు, కేంద్రపాలిత ప్రాంతాలనుంచే నమోదయ్యారు. కేరళలో అత్యధికంగా ఒక్క రోజులో 3,921 మంది కోలుకోగా,  మహారాష్ట్రలో 3,854  మంది, చత్తీస్ గఢ్ లో 1,301 మంది కోలుకున్నారు.  

కొత్త కేసులలో 71.76% మంది ఆరు రాష్ట్రాలు, కేంద్ర పాలిత ప్రాంతాలకు చెందినవారు కాగా కేరళలో అత్యధికంగా   3,346 మంది, మహారాష్టలో 1,924 మంది, తమిళనాడులో 551 మంది పాజిటివ్ గా తేలారు.

గత 24 గంటలలో నమోదైన మరణాలలో 72.99% ఎనిమిది రాష్ట్రాలకు చెందినవే కాగా, మహారాష్ట్రలో అత్యధికంగా 35 మంది, కేరళలో 17 మంది, పశ్చిమ బెంగాల్ లో 10 మంది చనిపోయారు.

****