ભારતે વૈશ્વિક મહામારી સામેની જંગમાં ખૂબ જ મહત્વપૂર્ણ મુકામ પાર કર્યું છે. આજે દૈનિક ધોરણે નોંધાયેલા નવા કેસનો આંકડો નવા નીચલા સ્તરે પહોંચ્યો છે.

છેલ્લા 24 કલાકમાં સમગ્ર દેશમાં નવા સંક્રમિત થયેલા કેસની સંખ્યા 10,064 નોંધાઇ છે જે સાત મહિના પછી સૌથી નીચલું સ્તર છે. અગાઉ, 12 જૂન 2020ના રોજ નવા કેસની સંખ્યા 10,956 હતી.

ભારતમાં આજે કુલ સક્રિય કેસનું ભારણ ઘટીને 2 લાખ (2,00,528) થઇ ગયું છે.

ભારતમાં કુલ નોંધાયેલા પોઝિટીવ કેસમાંથી સક્રિય કેસ માત્ર 1.90% રહ્યાં છે.

દૈનિક ધોરણે નવા કેસમાં સતત ઘટાડો થઇ રહ્યો છે અને તમામ રાજ્યો તેમજ કેન્દ્રશાસિત પ્રદેશોમાં દરરોજ મોટી સંખ્યામાં લોકોને કોવિડ-19ની રસી આપવામાં આવી રહી છે. કુલ રસી આપવામાં આવેલા લોકોની સંખ્યા સક્રિય કેસ કરતાં બમણાંથી પણ વધારે છે.

છેલ્લા 24 કલાકમાં 3,930 સત્રોમાં 2,23,669 લોકોને રસી આપવામાં આવી હોવાથી આજદિન સુધીમાં કુલ 4,54,049 (7,860 સત્ર આજદિન સુધીમાં યોજાયા) લોકોનું રસીકરણ થઇ શક્યું છે.

રાજ્ય અનુસાર રસીકરણના લાભાર્થીઓનું વિવરણ નીચે ઉલ્લેખ કર્યા અનુસાર છે:

દેશમાં કોવિડના પરીક્ષણના ઇન્ફ્રાસ્ટ્રક્ચરમાં વૃદ્ધિના કારણે પોઝિટીવિટી દરમાં પણ ઘટાડો નોંધાયો છે. ભારતમાં સાપ્તાહિક પોઝિટીવિટી દર ઘટીને 1.97% થઇ ગયો છે.

22 રાજ્યો/કેન્દ્રશાસિત પ્રદેશો એવા છે જ્યાં પોઝિટીવિટી દર રાષ્ટ્રીય સરેરાશ કરતાં ઓછો છે.

13 રાજ્યો/કેન્દ્રશાસિત પ્રદેશો એવા છે જ્યાં પોઝિટીવિટી દર રાષ્ટ્રીય સરેરાશ કરતાં વધારે નોંધાયો છે.

દેશમાં લગભગ 8 મહિના પછી છેલ્લા 24 કલાકમાં 140 કરતાં ઓછો મૃત્યુઆંક (137 મૃત્યુ) નોંધાયો છે.

ભારતમાં આજે દર્દીઓ સાજા થવાનો દર પણ વધીને 96.66% સુધી પહોંચી ગયો છે. કુલ સાજા થયેલા દર્દીઓની સંખ્યા 1,02,28,753 થઇ ગઇ છે જ્યારે સક્રિય કેસનું ભારણ આજે 2,08,012 નોંધાયું છે.

દેશમાં છેલ્લા 24 કલાકમાં વધુ 17,411 દર્દીઓ સાજા થઇ ગયા છે.

નવા સાજા થયેલા દર્દીઓમાંથી 80.41% કેસ દસ રાજ્યો/કેન્દ્રશાસિત પ્રદેશોમાંથી છે.

દેશમાં એક દિવસમાં સર્વાધિક 3,921 દર્દીઓ કેરળમાં સાજા થઇ ગયા છે. આ ઉપરાંત, મહારાષ્ટ્રમાં છેલ્લા 24 કલાકમાં વધુ 3,854 દર્દીઓ જ્યારે છત્તીસગઢમાં વધુ 1,301 દર્દીઓ સાજા થયા છે.

નવા સંક્રમિત થયેલા કેસમાંથી 71.76% દર્દીઓ છ રાજ્યો અને કેન્દ્રશાસિત પ્રદેશોમાંથી છે.

કેરળમાં સતત દૈનિક નવા કેસની સંખ્યા સર્વાધિક રહી છે, અહીં એક દિવસમાં વધુ 3,346 નવા કેસ પોઝિટીવ નોંધાયા છે. ત્યારબાદ, મહારાષ્ટ્ર અને તમિલનાડુમાં અનુક્રમે 1,924 અને 551 નવા કેસ નોંધાયા છે.

છેલ્લા 24 કલાકમાં કુલ મૃત્યુમાંથી 72.99% દર્દીઓ આઠ રાજ્યો અને કેન્દ્રશાસિત પ્રદેશોમાંથી હતા.

દેશમાં એક દિવસમાં સૌથી વધુ મૃત્યુઆંક મહારાષ્ટ્રમાં નોંધાયો છે જ્યાં વધુ 35 દર્દીના મૃત્યુ થયા છે. કેરળમાં વધુ 17 જ્યારે પશ્ચિમ બંગાળમાં વધુ 10 દર્દીના મૃત્યુ નીપજ્યાં છે.

SD/GP/BT