ਭਾਰਤ ਨੇ ਕੋਵਿਡ-19 ਦੇ ਕੁੱਲ ਟੈਸਟਾਂ ਦੀ ਗਿਣਤੀ ਵਿੱਚ ਭਾਰੀ ਵਾਧਾ ਦਰਜ ਕੀਤਾ ਹੈ। ਇਹ ਗਿਣਤੀ ਅੱਜ 18 ਕਰੋੜ (18,02,53,315) ਕੁੱਲ ਟੈਸਟਾਂ ਦੇ ਅੰਕੜੇ ਨੂੰ ਪਾਰ ਕਰ ਗਈ ਹੈ।

ਪਿਛਲੇ 24 ਘੰਟਿਆਂ ਦੌਰਾਨ 9,16,951 ਕੋਵਿਡ ਸੰਬੰਧਿਤ ਟੈਸਟ ਕੀਤੇ ਗਏ ਸਨ।

ਬੁਨਿਆਦੀ ਢਾਂਚੇ ਵਿੱਚ ਦੇਸ਼ ਭਰ ਵਿੱਚ ਚਲਾਏ ਗਏ ਅਹਿਮ ਪ੍ਰੋਗਰਾਮਾਂ ਨੇ ਟੈਸਟਿੰਗ ਦੀ ਗਿਣਤੀ ਦੇ ਵਾਧੇ ਵਿੱਚ ਬਹੁਤ ਮਹੱਤਵਪੂਰਨ ਭੂਮਿਕਾ ਨਿਭਾਈ ਹੈ। ਦੇਸ਼ ਵਿੱਚ ਅੱਜ 2316 ਟੈਸਟਿੰਗ ਲੈਬਾਂ ਮੌਜੂਦ ਹਨ ।  1201 ਸਰਕਾਰੀ ਪ੍ਰਯੋਗਸ਼ਾਲਾਵਾਂ ਅਤੇ 1115 ਨਿਜੀ ਪ੍ਰਯੋਗਸ਼ਾਲਾਵਾਂ ਦੀ ਮਦਦ ਨਾਲ ਰੋਜ਼ਾਨਾ ਟੈਸਟਿੰਗ ਸਮਰੱਥਾ ਵਿੱਚ ਕਾਫ਼ੀ ਵਾਧਾ ਦਰਜ ਹੋਇਆ ਹੈ।

ਨਿਰਧਾਰਤ ਨੇਮਾਂ ਦੇ ਅਧਾਰ 'ਤੇ ਵਿਆਪਕ ਟੈਸਟਿੰਗ ਦੇ ਉੱਚ ਪੱਧਰੀ ਨਤੀਜੇ ਵਜੋਂ ਕੌਮੀ ਪੌਜ਼ੀਟੀਵਿਟੀ ਦਰ ਵਿਚ ਲਗਾਤਾਰ ਗਿਰਾਵਟ ਦਰਜ ਹੋ ਰਹੀ ਹੈ।

 ਟੈਸਟਿੰਗ ਦੇ ਕੁੱਲ ਅੰਕੜੇ ਵੱਲੋਂ 18 ਕਰੋੜ ਦੀ ਗਿਣਤੀ ਨੂੰ ਪਾਰ ਕਰਨ ਦੇ ਨਾਲ- ਨਾਲ ਕੁੱਲ ਪੁਸ਼ਟੀ ਵਾਲੇ ਮਾਮਲਿਆਂ ਦੀ ਦਰ ਵਿੱਚ ਲਗਾਤਾਰ ਗਿਰਾਵਟ ਵੀ ਜਾਰੀ ਹੈ। ਕੌਮੀ ਕੁੱਲ ਪੌਜ਼ੀਟੀਵਿਟੀ ਦਰ ਅੱਜ 5.79 ਫੀਸਦ ਰਹਿ ਗਈ ਹੈ। ਇਹ ਪੰਜ ਮਹੀਨਿਆਂ ਦੇ ਅਰਸੇ ਵਿੱਚ 8.93 ਫੀਸਦ ਤੋਂ ਘਟ ਕੇ 5.79 ਫੀਸਦ ਹੋ ਗਈ ਹੈ।

15 ਰਾਜਾਂ / ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੀ ਪੌਜ਼ੀਟੀਵਿਟੀ ਦਰ  ਰਾਸ਼ਟਰੀ ਔਸਤ ਨਾਲੋਂ  ਘੱਟ ਦਰਜ ਹੋ ਰਹਿ ਹੈ। 1.44 ਫੀਸਦ ਦੇ ਨਾਲ ਬਿਹਾਰ ਵਿੱਚ ਸਭ ਤੋਂ ਘੱਟ ਪੌਜ਼ੀਟੀਵਿਟੀ ਦਰ ਰਿਪੋਰਟ ਕੀਤੀ ਜਾ ਰਹੀ ਹੈ।

ਭਾਰਤ ਵਿੱਚ ਪ੍ਰਤੀ ਮਿਲੀਅਨ ਟੈਸਟ (ਟੀਪੀਐਮ) ਗਿਣਤੀ ਅੱਜ 130618.3 ਹੋ ਗਈ ਹੈ । ਟੈਸਟਿੰਗ ਢਾੰਚੇ ਦੇ ਵਿੱਚ ਵਾਧੇ ਦੇ ਨਾਲ -ਨਾਲ, ਟੀਪੀਐਮ ਵੀ ਤੇਜ਼ੀ ਨਾਲ ਵੱਧ ਰਹੇ ਹਨ।

22 ਰਾਜਾਂ / ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਵਿੱਚ ਕੌਮੀ ਔਸਤ ਨਾਲੋਂ ਪ੍ਰਤੀ ਮਿਲੀਅਨ ਅਬਾਦੀ ਦੇ ਮਗਰ ਬਿਹਤਰ ਟੈਸਟ ਹੋ ਰਹੇ ਹਨ।

ਕੌਮੀ ਅੰਕੜੇ ਦੇ ਮੁਕਾਬਲੇ 13 ਰਾਜਾਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੇ ਪ੍ਰਤੀ ਮਿਲੀਅਨ ਆਬਾਦੀ ਮਗਰ ਘੱਟ ਟੈਸਟ ਹੋ ਰਹੇ ਹਨ, ਜੋ ਇਨ੍ਹਾਂ ਖੇਤਰਾਂ ਵਿੱਚ ਉੱਚ ਟੈਸਟਿੰਗ ਦੀ ਲੋੜ ਨੂੰ ਦਰਸਾਉਂਦੀਆਂ ਹਨ।

ਭਾਰਤ ਨੇ ਇਸੇ ਸਮੇਂ ਦੌਰਾਨ 19,253 ਨਵੀਆਂ ਰਿਕਵਰੀਆਂ ਵੀ ਦਰਜ ਕੀਤੀਆਂ ਗਈਆਂ ਸਨ ਜਿਸ ਕਾਰਨ ਐਕਟਿਵ ਮਾਮਲਿਆਂ ਦੀ ਕੁੱਲ ਗਿਣਤੀ ਵਿੱਚ ਹੋਰ ਕਮੀ ਦਰਜ ਹੋ ਰਹੀ ਹੈ। ਭਾਰਤ ਦੇ ਮੌਜੂਦਾ ਐਕਟਿਵ ਕੇਸਾਂ ਦੀ ਗਿਣਤੀ 2,24,190 ਰਹਿ ਗਈ ਹੈ। ਹੁਣ ਭਾਰਤ ਦੇ ਕੁਲ ਪੁਸ਼ਟੀ ਵਾਲੇ ਮਾਮਲਿਆਂ ਵਿੱਚੋਂ ਪੌਜ਼ੀਟੀਵਿਟੀ ਮਾਮਲਿਆਂ ਦਾ ਮੌਜੂਦਾ ਅੰਕੜਾ ਸਿਰਫ 2.15 ਫੀਸਦ ਰਹਿ ਗਿਆ ਹੈ। 

ਕੁੱਲ ਰਿਕਵਰ ਕੀਤੇ ਗਏ ਕੇਸਾਂ ਦੀ ਗਿਣਤੀ ਅੱਜ 10,056,651 ਹੋ ਗਈ ਹੈ। ਰਿਕਵਰੀ ਦਰ ਵਿੱਚ 96.41ਫੀਸਦ ਤੱਕ ਸੁਧਾਰ ਦਰਜ ਹੋਇਆ ਹੈ। ਰਿਕਵਰ ਕੀਤੇ ਕੇਸਾਂ ਅਤੇ ਐਕਟਿਵ ਕੇਸਾਂ ਵਿਚਲਾ ਪਾੜਾ ਲਗਾਤਾਰ ਵਧਦਾ ਜਾ ਰਿਹਾ ਹੈ ਅਤੇ ਮੌਜੂਦਾ ਸਮੇਂ ਇਹ ਪਾੜਾ ਵੱਧ ਕੇ 9,832,461 ਹੋ ਗਿਆ ਹੈ।

ਕੇਰਲ ਵਿੱਚ 5,324 ਵਿਅਕਤੀ ਕੋਵਿਡ  ਤੋਂ ਰਿਕਵਰ ਹੁੰਦੇ ਦੇਖੇ ਗਏ ਹਨ। ਮਹਾਰਾਸ਼ਟਰ ਅਤੇ ਪੱਛਮੀ ਬੰਗਾਲ ਵਿੱਚ ਕ੍ਰਮਵਾਰ 2,890 ਅਤੇ 1,136 ਨਵੀਂਆਂ ਰਿਕਵਰੀਆਂ ਦਰਜ ਹੋਈਆਂ ਹਨ।

ਪਿਛਲੇ 24 ਘੰਟਿਆਂ ਦੌਰਾਨ 18,222 ਨਵੇਂ ਮਾਮਲੇ ਦਰਜ ਕੀਤੇ ਗਏ ਹਨ।

ਦਸ ਰਾਜਾਂ / ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਨੇ ਨਵੇਂ ਦਰਜ ਕੀਤੇ ਗਏ ਕੇਸਾਂ ਵਿੱਚ 79.83 ਫੀਸਦ ਦਾ ਯੋਗਦਾਨ ਪਾਇਆ ਹੈ।

ਕੇਰਲ ਵਿੱਚ ਪਿਛਲੇ 24 ਘੰਟਿਆਂ ਵਿੱਚ 5,142 ਕੇਸ ਦਰਜ ਕੀਤੇ ਗਏ ਹਨ। ਮਹਾਰਾਸ਼ਟਰ ਵਿੱਚ 3,693 ਨਵੇਂ ਕੇਸ ਦਰਜ ਕੀਤੇ ਗਏ ਜਦੋਂਕਿ ਕਰਨਾਟਕ ਵਿੱਚ ਕੱਲ੍ਹ ਰੋਜ਼ਾਨਾ 970 ਕੇਸ ਦਰਜ ਕੀਤੇ ਗਏ ਹਨ।

ਪਿਛਲੇ 24 ਘੰਟਿਆਂ ਦੌਰਾਨ ਰਿਪੋਰਟ ਕੀਤੇ ਗਏ ਮੌਤ ਦੇ  228 ਮਾਮਲਿਆਂ ਵਿੱਚ 76.32 ਫੀਸਦ ਮਾਮਲੇ ਸੱਤ ਰਾਜਾਂ / ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਨਾਲ ਸੰਬੰਧਿਤ ਹਨ।

ਮਹਾਰਾਸ਼ਟਰ ਵਿੱਚ 73 ਮੌਤਾਂ ਰਿਪੋਰਟ ਹੋਈਆਂ ਹਨ। ਕੇਰਲ ਵਿੱਚ 23 ਵਿਅਕਤੀਆਂ ਦੀ ਮੌਤ ਤੋਂ ਬਾਅਦ ਪੱਛਮੀ ਬੰਗਾਲ ਵਿੱਚ  21 ਲੋਕਾਂ ਦੀ ਮੌਤ ਹੋਈ ਹੈ।

ਟੀਕਾਕਰਨ ਦੀਆਂ ਸਾਰੀਆਂ ਤਿਆਰੀਆਂ ਨੂੰ ਯਕੀਨੀ ਬਣਾਉਣ ਲਈ ਕੱਲ ਤੀਜੀ ਵੱਡੀ ਪੱਧਰ 'ਤੇ ਮੌਕ ਡਰਿੱਲ ਕੀਤੀ ਗਈ ਇਸ ਦੇਸ਼ ਵਿਆਪੀ ਡ੍ਰਾਈ ਰਨ ਵਿੱਚ 33 ਰਾਜਾਂ / ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੇ 615 ਜ਼ਿਲ੍ਹਿਆਂ ਦੇ 4895 ਸੈਸ਼ਨ ਸਾਈਟਾਂ ਨੂੰ ਕਵਰ ਕੀਤਾ ਗਿਆ ਹੈ ਜਿਸ ਨਾਲ ਨਿਰਵਿਘਨ ਅਤੇ ਗੜਬੜੀ ਮੁਕਤ ਟੀਕਾਕਰਨ ਸਬੰਧੀ ਪ੍ਸ਼ਾਸਕੀ ਪ੍ਰਬੰਧਾਂ ਦੀ ਪਾਲਣਾ ਨੂੰ ਯਕੀਨੀ ਬਣਾਇਆ ਗਿਆ ਹੈ ।

****

ਐਮਵੀ / ਐਸਜੇ

ਐਚਐਫਡਬਲਯੂ / ਕੋਵਿਡ ਸਟੇਟਸ ਡੇਟਾ / 9 ਜਨਵਰੀ 2021/1