ভারতনা কোবিদকী মায়োক্তা লান্থেংনবদা শিংথানিংঙাই ওইবা পান্দুম অমা ঙসি লানখ্রে।

পুন্না ফগৎখিবশিং করোর ১ (১০,০১৬,৮৫৯) হেনখ্রে। ভারতকী ফগৎখিবশিং অসিনা মালেমদা খ্বাইদগী ৱাংবা ওইরি।

হৌখিবা পুং ২৪দা অনাবা মীওই ১৯,৫৮৭ ফগৎখি অমদি দিসচার্জ তৌখি। লৈবাক অসিগী ফগৎলকপগী চাং ৯৬.৩৬% য়ৌখ্রে/। এক্তিব কেসশিং অমসুং ফগৎখিবা কেসশিংগী মরক্তা লৈরিবা খেৎনবা লেপ্তনা হেনগৎলক্লি (৯৭,৮৮,৭৭৬)।

ফগৎখিবা কেসশিংনা এক্তিব কেসশিংগী মশিংগী শরুক ৪৪ ওইরি।

লৈবাক অসি অপুনবা পোজিতিব কেসশিং অসি ঙসি ২,২৮,০৮৩ ওইখি অমদি অপুনবা পোজিতিব কেসশিংগী ২.১৯% খক্তা ওইখি।

.

পুন্না ফগৎখিবা কেসশিংগী ৫১%দি রাজ্য মঙাদগী ওইখি মদুদি মহারাস্ত্র, কর্নাতকা, অন্ধ্র প্রদেশ, তামিল নাদু অমসুং কেরেলানি।

লৈবাক অসিগী ফগৎলকপগী চাং ৯৬.৩৬% ওইখি। লৈবাক অসিগী ওইরিবা মওং অদু মতুং ইন্নদুনা রাজ্য/য়ু.তি. পুম্নমক্কী ফগৎলকপগী চাং অসি ৯০%দগী হেনখি।

ভারতকী ফগৎলকপগী চাং অসি মালেমদা খ্বাইদগী ৱাংবা ওইরি। কেসলোদ য়াম্বা লৈবাকশিংনা ভারত্তগী ফগৎলপগী চাং তানা রিপোর্ত তৌরক্লি।

তেস্তিং ইনফ্রাস্ত্রকচর হেনগৎলকপগা লোইননা ভারতকী পোজিতিব ওইবগী চাং অসি হন্থরক্লে। নুংতিগী পোজিতিব ওইবগী চাং অসি ৩%গী মখাদা লৈখি।

রাজ্য/য়ু.তি, ১৭কী চয়োলগী ওইনা পোজিতিব ওইবগী চাং অসি লৈবাক্কী লৈরিবা চাংচৎতগী হেনখি।

নৌনা ফগৎলখিবা কেসশিংগী ৭৯.০৮%দি রাজ্য/য়ু.তি, ১০দগী ওইবা উবা ফংখি।

কেরেলানা নোংমদা ৫,১১০ ফগৎলক্তুনা মখা তানা মাংজিল থারি মতুংদা নৌনা ফগৎলকখিবা ২,৫৭০গা লোইননা মহারাস্ত্র লৈখি।

নৌনা কনফর্ম তৌখিবা কেসশিংগী ৮৩.৮৮%দি রাজ্য/য়ু.তি. ১০দগী ওইখি।

হৌখিবা পুং ২৪দা কেরেলানা কেস ৬,৩৯৪ রিপোর্ত তৌখি। মহারাস্ত্রনা অনৌবা কেস ৪,৩৮২ রেকোর্দ তৌখি অমরোমদা ঙরাং ছত্তিসগরদা অনৌবা কেস ১,০৫০ রেজিস্তর তৌখি।

হৌখিবা পুং ২৪দা কেস ২২২ শীখিবগী রিপোর্ত তৌরকখি। মসিগী মনুংদা ৬৭.৫৭%দি রাজ্য/য়ু.তি, তরুক্তগী ওইবা ওইখি।

মহারাস্ত্রনা নোংমা খক্তদা শীখিবগী মশিং খ্বাইদগী য়াম্না রিপোর্ত তৌখি (শীখিবা ৬৬)। কেরেলাদা ২৫ শীখি অমরোমদা ৱেস্ত বেঙ্গলদা ২২ নৌনা শীখি।

*****