ملک میں یومیہ اموات کی تعداد میں تیزی سے کمی آرہی ہے۔ گزشتہ 12 دنوں سے ملک میں 300 سے کم نئی اموات درج کی گئی ہیں۔

مرض کا تیزی سے پتہ لگانے، بڑے پیمانےپر مرض کی جانچ کرنے، معیاری طبی انتظامات کرنے اور دیگر موثر حکمت عملی اختیار کرنے کی وجہ سے اموات کی تعداد میں تیزی سے کمی آئی ہے۔

ریاستوں/ مرکز کے زیر انتظام علاقوں کی حکومتوں کے ذریعے مریض کی شناخت کرنے، اسے الگ رکھنے اور وقت پر اسپتال میں علاج فراہم کرنے کی وجہ سے یہ نتیجہ دیکھنے کو مل رہا ہے۔

گزشتہ 7 دنوں میں ہندوستان میں فی ملین آبادی پر صرف  ایک نئی  موت کا معاملہ درج کیا گیا ہے۔ یہ موثر کووڈ مینجمنٹ اور مرکزی حکومت کی بہتر پالیسی کی وجہ سے ممکن ہوپایا ہے۔

دوسری بڑی حصولیابی یہ ہے کہ ہندوستان میں کل فعال معاملوں کی تعداد لگاتار کم ہوتی جارہی ہے۔ فی الحال فعال معاملوں کی تعداد ملک میں 227546 ہے۔ کل مثبت معاملوں میں فعال معاملوں کی حصے داری 2.2 فیصد (2.19 فیصد) سے نیچے ہے۔

یومیہ نئے معاملوں کے مقابلے روزانہ نئے صحت یاب ہونے والوں کی زیادہ تعداد کی وجہ سے فعال معاملوں کی تعدادمیں مجموعی طور پر کمی آئی ہے۔ گزشتہ 24 گھنٹے کے دوران 21314 نئے افراد صحت یاب ہوئے ہیں۔  گزشتہ 24 گھنٹے کے دوران  کل  فعال معاملوں میں سے 3490 معاملے کم ہوئے ہیں۔

حالیہ دنوں میں ہندوستان میں یومیہ معاملوں کی تعداد 20 ہزار سے کم رہی ہے۔ گزشتہ 24 گھنٹے کے دوران 18088 نئے معاملے درج کیے گیے ہیں۔

ہندوستان میں گزشتہ 7 دنوں میں فی ملین آبادی پر 96 نئے معاملے درج کیے گیے ہیں۔ یہ تعداد برازیل، روس، فرانس، اٹلی، امریکہ اور برطانیہ کے مقابلے کافی کم ہے۔

مجموعی صحت یابیوں کی تعداد ہندوستان میں اب تقریبا ایک کروڑ تک پہنچ چکی ہے اور فی الحال یہ تعداد 9997272 ہے۔  یومیہ نئے معاملوں کے مقابلے نئے صحت یاب ہونے والے معاملوں کی تعداد زیادہ ہونے کی وجہ سے صحت یابی کی شرح بہتر ہوکر اب 96.36 فیصد ہوگئی ہے۔

نئے صحت یاب ہونے والوں کی 76.48 فیصد تعداد 10 ریاستوں / مرکز کے زیر انتظام علاقوں میں درج کی گئی ہے۔

کووڈ سے صحت یاب ہونے والے 4922 افراد کے ساتھ کیرالہ صحت یابی کے معاملے میں سب سے آگے ہے۔  دوسری طرف 24 گھنٹے کے اندر مہاراشٹر میں 2828 اور چھتیس گڑھ میں 1651 نئے افراد صحت یاب ہوئے ہیں۔

دس ریاستوں/ مرکز ک زیرانتظام علاقوں میں 79.05 فیصد نئے معاملے درج کیے گئے ہیں۔

کیرالہ میں گزشتہ 24 گھنٹے کے دوران 5615 نئے معاملے درج کیے گئے ہیں۔ مہاراشٹر میں کل 3160 نئے معاملے درج کیے گئے، جبکہ چھتیس گڑھ میں کل 1021 نئے معاملے درج کیے گئے ہیں۔

گزشتہ 24 گھنٹے کے دوران ،جو 264 اموات درج کی گئی ہیں، ان میں سے 73.48 فیصد دس ریاستوں/ مرکز کے زیر انتظام علاقوں میں ہیں۔

نئی درج کی جانے والی 24.24 فیصد اموات مہاراشٹر میں ہوئی ہیں، جہاں پر 24 گھنٹے کے دوران 64 لوگوں کی موت ہوئی ہے۔  چھتیس گڑھ میں 25 اموات اور کیرالہ میں 24 اموات درج کی گئی ہیں۔

برطانیہ میں کورونا وائرس کی نئی لہر سے، جو لوگ متاثر ہوئے ہیں، ان کی کل تعداد اب 71 ہوچکی ہے۔

*************

م ن ۔ق ت۔ ت ع

U. No. 145