ভারতনা মালেমগী ওইবা লাইচৎ অসিগা লান্থেংনবদা শীংথানিংঙাই ওইবা পন্দুপ অমা য়ৌবা ঙমখ্রে

নুংতিগী থেংনবা কেসলোদ অসি থা ৬কী মরুংদা ১৯,০০০গী মখাদা হায়থখ্রে। হৌখিবা পুং ২৪দা লৈবাক্কী লৈরিবা মশিংদা ১৮,৭৩২ হাপচিনখি। জুলাই ১, ২০২০দা থেংনখিবা অনৌবা কেসশিং অসি ১৮,৬৫৩ ওইখি।

ভারতকী অপুনবা এক্তিব কেসলোদ অসি ঙসি লাখ ২.৮ (২,৭৮,৬৯০)দা হায়থখি। মসি নুমিৎ ১৭০গী মতুংদা খ্বাইদগী তাবনি। অপুনবা এক্তিব কেসশিং অসি জুলাই ১০, ২০২০দা ২,৭৬,৬৮২ ওইখি।

অসিগী এক্তিব কেসশিংদা লেপ্তনা হন্থরকপগী খোঙচৎ অমগী রিপোর্ত তৌরকখি। ভারতকী হৌজিক লৈরিবা এক্তিব কেসলোদ অসো ভারতকী অপুনবা পোজিতিব কেসশিংগী ২.৭৪% খক্তনি।

হৌখিবা পুং ২৪দা কেস ২১,৪৩০ ফগৎতুনা দিসচার্জ তৌখ্রে। মসিনা অপুনবা এক্তিব কেসলোদতগী ২,৯৭৭ হন্থহনবা ঙমখি।

পুন্না নাবা ফগৎখিবা কেসশিং ৯৭,৬১, ৫৩৮ শুখ্রে। নাবা ফগৎখিবা কেসশিং অমসুং এক্তিব কেসশিংগী মরক্তা লৈরিবা খেন্নবা অসি তপ্না-তপ্না হেনগৎলক্তুনা লাখ ৯৫ নকশিল্লক্লি অমসুং হৌজিক ৯৪,৮২,৮৪৮দা লৈরি।

নৌনা ফগৎখিবশিংনা অনৌবা কেসশিংদগী হেনগৎলক্তুনা খেন্নবা লৈরকপা অসিনা নাবা ফগৎলকপগী চাং ঙাই ৯৫.৮২%দা হেনগৎহনখ্রে। নাবা ফগৎলকপনা নুংতিগী থেংনবা কেসশিংদগী হেল্লকপনা মখা তানা খেনবা হেল্লক্লি।

নৌনা ফগৎখিবা কেসশিংগী ৭২.৩৭%দি রাজ্য/য়ু.তি. ১০দগী ওইবা উবা ফংখি।

কেরেলানা কেস ৩,৭৮২ নৌনা ফগৎখিবগা লোইননা নোংমা খক্তদা মশিং খ্বাইদগী য়াম্না ফগৎপগী রিপোর্ত তৌরকখি। ৱেস্ত বেঙ্গলদা মীওই ১,৮৬১ ফগৎখি মতুদা ছত্তিসগরদা মীওই ১,৭৫৩ ফগৎখি।

অনৌবা কেসশিংগী ৭৬.৫২%দি রাজ্য অমসুং য়ু.তি. ১০দগী ওইখি।

কেরেলানা নুংতিগী থেংনবা অনৌবা কেস ৩,৫২৭ ওইদুনা খ্বাইদগী ৱাংবগী রিপোর্ত তৌরকখি। অনৌবা কেস ২,৮৫৪গা লোইননা মহারাস্ত্রনা মতুং ইনখি

হৌখিবা পুং ২৪দা কেস ২৭৯ শীখিবগী রিপোর্ত তৌরকখি।

নৌনা শীখিবগী ৭৫.২৭%দি রাজ্য/য়ু.তি. তরাদগী ওইখি।

মহারাস্ত্রদা মশিং খ্বাইদগী য়াম্না শীখি (৬০)। নুংতিগী শীবা ৩৩ অমসুং ২৩গা লোইননা মথং শিৎনা ৱেস্ত বেঙ্গল অমসুং দিল্লীনা মতুং ইন্নখি।

****