ప్రపంచాన్ని సంక్షోభం లోకి నెట్టిన మహమ్మారి మీద భారత్ జరుపుతున్న పోరాటం అనేక కీలకమైన మైలురాళ్ళు దాటుతూ ముందుకు వెళుతోంది. అందువల్లనే రోజువారీ కొత్త కేసులు 6 నలల అనంతరం 19 వేల లోపుకు పడిపోయాయి.  గత 24 గంటలలో కొత్తగా నిర్థారణ జరిగిన కోవిడ్ పాజిటివ్ కేసులు 18,732 . ఈ ఏడాది జులై 1న 18,653 కేసులు నమోదై ఉండటం గమనార్హం.  .

దేశవ్యాప్తంగా చికిత్సలో ఉన్నవారి సంఖ్య క్రమంగా తగ్గుతూ నేడు 2,78,690 కు చేరింది. ఇది గత 170 రోజులలో అత్యల్పం.   ఈ ఏడాది జులై 10 న  2,76,682 మందిగా నమోదు కావటం తరువాత ఇప్పుడు ఆ స్థాయిలో ఉంది. ఇలా  దేసమంతటా ఈ ధోరణి కొనసాగటం వలన  మొత్తం పాజిటివ్ కేసులలో చికిత్సలో ఉన్న కేసుల వాటా 2.74% కు పడిపోయింది. గత 24 గంటలలో 21,430 మంది కోవిడ్ నుంచి కోలుకొని బైటపడటంతో నికరంగా చికిత్సలో ఉన్నవారి సంఖ్య  2,977 మేర తగ్గింది.

ఇప్పటివరకూ కోలుకున్న వారి మొత్తం సంఖ్య 97,61,538. కోలుకున్నవారికీ, ఇంకా చికిత్సలో ఉన్నవారికీ మధ్య అంతరం పెరుగుతూ 95 లక్షలకు దగ్గరై 94,82,848 కు చేరుకుంది. మొత్తంగా చూసినప్పుడు కోలుకున్న వారి శాతం 95.82% కు పెరిగింది. కొత్తకేసులకంటే కోలుకుంటున్నవారు ఎక్కువగా ఉండటం వల్లనే  ఈ తేడా పెరుగుతూ వస్తోంది.

గత 24 గంలలో కోలుకున్నవారిలో 72.37% మంది 10 రాష్ట్రాలకు చెందినవారే. అందులో కేరళలో అత్యధికంగా 3,782 మంది కోలుకోగా, ఆ తరువాత స్థానాల్లో పశ్చిమ బెంగాల్ (1,861), చత్తీస్ గఢ్  (1,764) ఉన్నాయి.  

కొత్తగా పాజిటివ్ గా నిర్థారణ జరిగిన కేసులలో 76.52% పది రాష్ట్రాల్లో కేంద్రీకృతం అయ్యాయి. కేరళలో అత్యధికంగా  3,527 కొత్త కేసులు రాగా 2,854 కొత్త కేసులతో మహారాష్ట్ర రెండో స్థానంలో ఉంది.

గత 24 గంటలలో 279 మరణాలు నమోదయ్యాయి. అందులో  75.27%  మరణాలు కేవలం 10 రాష్ట్రాలు, కేంద్రపాలిత ప్రాంతాలలోనే కేంద్రీకృతమయ్యాయి. అత్యధికంగా మహారాష్ట్రలో 60 మంది చనిపోగా, ఆ తరువాత స్థానాల్లో పశ్చిమ బెంగాల్ (33), ఢిల్లీ (23) ఉన్నాయి.   

***