রোদ ত্রান্সপোর্ত অমসুং হাইৱে মন্ত্রালয়

কেন্দ্রগী রোদ ত্রান্সপোর্ত অমসুং হাইৱেজ মন্ত্রালয় (এম.ও.আর.তি.ঐচ.)না দি.এল., আর.সি., পর্মিৎনচিংবা গারীগী চে-চাংশিংগী চৎনবা য়াবগী মতম অসি মার্চ ৩১, ২০২১ ফাওবা শাংদোকখ্রে


এম.ও.আর.তি.ঐচ.না চৎনগদবা কাঙলোনশিং ফোঙখ্রে; রাজ্য/য়ু.তি.শিংনা কাঙলোনশিং অসি নীংথিজনা ইন্নবা হায়খ্রে

Posted On: 27 DEC 2020 2:55PM by PIB Imphal

কেন্দ্রগী রোদ ত্রান্সপোর্ত অমসুং হাইৱেজ মন্ত্রালয় (এম.ও.আর.তি.ঐচ.)না কোবিদ-১৯ শন্দোকপা থিংবগী তঙাই ফদবা লৈরিবা অসি য়েংলদুনা দি.এল., আর.সি., পর্মিৎনচিংবা গারীগী চে-চাংশিংগী চৎনবা য়াবগী মতম অসি মার্চ ৩১, ২০২১ ফাওবা শাংদোকখ্রে। মন্ত্রালয়না হীরম অসিগী মতাংদা রাজ্য অমসুং য়ুনিয়ন তেরতরীশিংগী লৈঙাক্লোইশিংগী ওইবা দাইরেক্তরী অমা ফোঙখ্রে।

এম.ও.আর.তি.ঐচ.না মমাংদসু মার্চ ৩০, ২০২০; জুন ৯, ২০২০ অমসুং ওগস্ত ২৪, ২০২০দা মোতোর ভাহিকল এক্ত, ১৯৮৮ অমসুং সেন্ত্রেল মোতোর ভেহিকল রুল্স, ১৯৮৯গা মরী লৈনবা চে-চাংশিংগী চৎনবগী মতম শাংদোকপগী মতাংদা এদভাইজরী থোকখিবা লৈখ্রে। ফিৎনেসকী চৎনবা য়াবগী মতম, পর্মিৎ (মখল খুদিংমক্কী), লাইসেন্স, রেজিস্ত্রেসন নত্ত্রগা অতোপ্পা মরী লৈনবা চে-চাংশিং অসি দিসেম্বর ৩১, ২০২০ ফাওবা চৎনবা য়াই হায়না লৌগনি হায়না মমাংদা হায়খিবনি।

এদভাইজরী অসিনা অসুম্না হায়রি, “কোবিদ-১৯ শন্দোকপা থিংবগী তঙাই ফদবা লৈরিবশিং অসি খন্নরদুনা মথক্তা পল্লিবা চে-চাংশিং অসিগী চৎনবা য়াবগী মতম অসি মার্চ ৩১, ২০২১ ফাওবনি হায়বা লৌবা য়াগনি। মসিগী মনুংদা ফেব্রুৱারি ১, ২০২০ ফাওবগী মনুংদা অমসুং মার্চ ৩১, ২০২০দা চৎনবা য়াবগী মতম লোইগদবা চে-চাং পুম্নমক য়াওগনি”।

মসিনা মখা তানা অসুম্না হায়রি, “থবক পাঙথোক্কদবা মরী লৈনবা মীওইশিংনা অসিগুম্বা চে-চাংশিং অসি চৎনবা য়ারি হায়না লৌগদবনি। মসিনা মীয়াম্না সোসিএল দিস্তেন্সিং ঙাক্না চৎনা-চৎনা ত্রান্সপোর্তকা মরী লৈনবা সেবাশিং ফংহনবদা তেংবাংগনি”।

রাজ্য অমসুং য়ুনিয়ন তেরতরীশিংনা কোবিদকী লাইচৎকী লুরবা মতমগী মনুং অসিদা থবক তৌজরিবা মীয়াম, ত্রান্সপোর্তকী থবক তৌরিবা মীওইশিং অমসুং অতোপ্পা তোঙান-তোঙানবা লুপশিংদা অৱাবা হেন্না পীদনবা অমসুং খুদোংচাদবা লৈহন্দনবা মসিগী এদভাইজরী অসি ময়েক চপ-চানা অমসুং নীংথিজনা ইনগদবনি হায়না মন্ত্রালয়না হায়খি।

*******



(Release ID: 1684022) Visitor Counter : 170