হকশেল অমসুং য়াইফ-য়ুম্বাল মন্ত্রালয়

কোবিদ-১৯ বেক্সিন পুথোক্নবা কেন্দ্র সরকারনা শেম শাখ্রে


ত্রেনরশিং ত্রেনিং পীবগী সেসন ২,৩৬০ পাঙথোকখ্রে; জিলাগী ত্রেনী ৭,০০০গী মথক্তা ত্রেন তৌখ্রে

মথংগী চয়োলদা রাজ্য ৪দা বেক্সিন থাবগী চাংয়েং চত্থরগনি

Posted On: 25 DEC 2020 11:41AM by PIB Imphal

কোবিদ-১৯ বেক্সিন পুথোক্নবা কেন্দ্র সরকারনা লৈবাক শিনবা থুংবদা শেম শারি। বেক্সিন থাবা অসিনা বেক্সিনেসনগী প্রোসেসতা মরু ওইবা থৌদাং অমা লৌগদৌরিবা রাজ্যশিংদা লৈরিবা ত্রেনরশিংগী অমসুং বেক্সিন থাগদবা মীওইশিংদা ত্রেনিং পীবগী থবক পাইখৎখ্রে।

কোবিদ-১৯ বেক্সিন পুথোরক্নবা ঐখোয়গী হ্যুমেন রিসোর্সকী কেপাসিতী মপাঙ্গল কনখৎহন্নবা মেদিকেল ওফিসরশিং, বেক্সিনেতরশিং, মহুৎ শিন্নবা লৈরিবা বেক্সিনেতরশিং, কোল্দ চেন হেন্দলরশিং, সুপরভাইজরশিং, দেতা মেনেজরশিং, আশা কোওর্দিনেতরশিং অমসুং ইমপ্লিমেন্তেসন প্রোসেসতা য়াওগদবা অতোপ্পা পুম্নমক য়াওনা তোঙান তোঙানবা থাকশিংদা বেক্সিন হেন্দলরশিং অমসুং এদমিনিস্ত্রেতরশিংগী ওইনা তোঙান তোঙানবা কাংলুপশিংগী অকুপ্পা মরোল য়াওবা ত্রেনিং মোদ্যুলশিং দিবেলপ তৌখ্রে। ত্রেনিং অসিদা বেক্সিনেসন সেসনশিং শিন্দোকপা, অপুনবা বেক্সিনেসন প্রোসেস য়েংশিন্নবা কো-ৱিন আই.তি.প্লেৎফোর্ম শীজিন্নবা, কোল্দ চেনগী শেম-শানবা ঐচ.আর. দিপ্লোই তৌবা, থোরকপা য়াবা থৌদোকশিং য়েংশিনবা, পাউ ফাওনবা অমসুং ইন্তর্সেক্তোরেলদা কোওর্দিনেসন পীনবা, বাইওমেদিকেল ৱেস্ত মেনেজমেন্ত, শন্দোকপা ঙাকথোক্নবা প্রোতোকলশোং অসিনচিংবা চল্লাইবদা চংবা হীরম পুম্নমক্কী ত্রেনিং পীবা য়াওরি।

জাতিগী থাক্কী ত্রেনরশিংগী ত্রেনিংদা শরুক য়ারিবা মীওই ২,৩৬০ ত্রেন তৌখি, হায়রিবা অসিদা রাজ্যগী ইম্ম্যুনাইজেসন ওফিসরশিং, কোল্দ চেন ওফিসরশিং, আই.ই.সি. ওফিসিএলশিং, দেবেলপমেন্ত পার্তনর অসিনচিংবা য়াওখি। ঙসি ফাওবদা রাজ্যগী থাক্তা পাঙথোকপা ত্রেনিংশিং অসি রাজ্য/য়ু.তি. পুম্নমক্তা জিলাগী থাক্তা লৈবা ত্রেনী ৭০০০গী মথক্না শরুক য়াবগা লোইননা মপুং ফানা পাঙথোকখ্রে অদুবু লক্ষদীপকী ওইনা অথুবদা পাঙথোক্লগনি (দিসেম্বর ২৬)। মসিদগী কুমথরক্তুনা জিলা ৬৮১ (ত্রেনী ৪৯,৬০৪)না ওপরেস্নেল গাইদলাইনশিংগী ত্রেনিং মেদিকেল ওফিসরশিংদা মপুং ফানা পীখ্রে। ব্লোক/প্লানিং য়ুনিৎ ১৭৮৩১গী মনুংদা ১৩৯৯দা বেক্সিনেসন তীমগী ত্রেনিংশিং মপুং ফানা পাঙথোকখ্রে। হৌজিক অতোপ্পা ব্লোকশিংদা চত্থরি।

কোবিদ-১৯ বেক্সিনেসনগী খঙনীংবশিং অমসুং কো-ৱিন পোর্তেলগা মরী লৈনবা খঙনীংবশিং কোকহন্নবা নেস্নেলগী ১০৭৫ অমসং স্তেৎকী ১০৪ হেল্পলাইনগী কেপাসিতীসু মখোয়গী রুতিন সপ্পোর্তগী হেন্না খঙনীংবশিং অসি কোকহন্নবা মপাঙ্গল কনখৎহনখ্রে।

কোবিদ-১৯গী বেক্সিন থাবগী শেম শানবা খোঙথাং অমা ওইনা অমসুং থৌরাং তৌখ্রবা থবক-থৌরশিং য়ারবরা য়েংথোক্নবা জিওগ্রাফিকেল লোকেসনশিং য়েংলগা রাজ্য মরি মদুদি অন্ধ্র প্রদেশ, অসাম, গুজরাত, পঞ্জাবকা লোইননা চাংয়েং পাঙথোক্নবা থৌরাং তৌখ্রে। রাজ্য অমমমনা মসি জিলা অনিদা অমসুং য়ারবদু তোঙান তোঙানবা (মঙা) সেসনগী মওংদা খুদম ওইনা দিস্ত্রিক্ত হোস্পিতাল, সি.ঐচ.সি./পি.ঐচ.সি., অর্বান সাইৎ, লনাইগী হেল্থ ফেসিলিতী, রুরেল আউৎরীচ অসিনচিংবদা থৌরাং তৌগনি। খোঙথাং অসিনা কোবিদ-১৯ বেক্সিনেসন প্রোসেসকী (বেক্সিন খক্তা য়াওদনা) এন্দ-তু-এন্দ মোবিলাইজেসন অমসুং তেস্তিং ঙমহনগনি অমসুং ফিল্দগী এনভাইরনমেন্তদা কো-ৱিন শীজিন্নবগী মওং, প্লানিং, ইমপ্লিমেন্তেসন অমসুং রিপোর্ত তৌবগী মেকানিজমশিংগী মরক্তা লৈরিবা মরীশিং য়েংশিনগনি অমসুং শীংনবশিং খঙদোক্কনি অমদি পাঙথোক্কদবা প্রোসেস অসিদা ফগৎহনগবগী মথৌ তারকপা য়াবশিং য়াওনা তশেংনা ইমপ্লিমেন্ত তৌদ্রিঙৈ মমাংদা মসিনা লমজিং-লমতাক্কনি। নুমিৎ নিনিগী থবক-থৌরম অসি দিসেম্বর ২৮ অমসুং ১৯, ২০২০দা পাঙথোক্কনি অমদি মসিদা কো-ৱিনদা বেক্সিন ফংগদবগী অমসুং দিপ্লোই তৌরিবা তীম মেম্বরশিংগী এলোকেসনদা মথৌ তাবা দেতা এন্ত্রীশিংগী থবক-থৌরমশিং, তেস্ত বেনিফিসরীশিংগা সেসন পাঙথোকফমগী মোক দ্রিল পাঙথোকপদগী রিপোর্ত তৌবা অমসুং নুমিদাং ৱাইরমগী মীফম য়াওগনি।  মসিদা কোল্দ স্তোরেজকী অমসুং কোবিদ-১৯ বেক্সিনগী পুথোক-পুশিনগী শিল্লি-লাংলিবশিংগী, মপুং ফাবা ফিজিকেল দিস্তেন্সিংগা লোইননা সেসন পাঙথোকফমদা মী তিনবা লাকশিনবগী চাংয়েং পাঙথোকপসু য়াওগনি।

চাংয়েং পাঙথোকপা অসিগী মপুং ওইবা মীৎয়েংদি ইদভর্স ইভেন্তস ফোলোৱিং ইম্ম্যুনাইজেসন (এ.ই.এফ.আই.)গী ওইথোকপা অসি য়েংশিনবনা ওইগনি। মসিগী মথক্তা লাইনা শন্দোকপদগী ঙাকথোক্নবা সেসন পাঙথোকফমদা শন্দোকপা লাকশিন্নবা খোঙথাংশিং ঙাক্না চৎকনি অমসুং য়েংশিনগনি। মোক দ্রিল অসিদা অমুক্তদা ব্লোক অমসুং জিলাগী থাকশিংদা মোনিতর অমসুং রিভ্যু তৌবা য়াওগনি অমসুং রাজ্য অমসুং কেন্দ্রগী হকশেল মন্ত্রীদা শেম-শারিবা অসিগী ফীদবেক অদু সিয়র তৌগনি।

অকুপ্পা মরোল য়াওবা চেকলিস্ত কেন্দ্রগী হকশেল মন্ত্রালয়না শেমখ্রে অমদি চাংয়েং অসিদা মখোয়বু লমজিং লমতাক্নবা রাজ্য মরিদা সিয়র তৌখ্রে।

নেস্নেল এক্সপর্ত গ্রুপ ওন বেক্সিন এদমিনিস্ত্রেসন ওফ কোবিদ-১৯ (এন.ই.জি.ভি.এ.সি.)না হেল্থকিয়র ৱার্করশিং (ঐচ.সি.দবল্যু.শিং) (করোর ১রোম), ফ্রন্তলাইন ৱার্করশিং (এফ.এল.দবল্যু.শিং) (করোর ২রোম) অমসুং খুদোংচাবা পীগদবা মীওই কাংলুপ (করোর ২৭রোম) য়াওনা খুদোংচাবা পীগদবা মীশিংগী কাংলুপ অহুম রিকম্মেন্দ তৌখ্রে। বেক্সিনশিং অসি তেম্পরেচরনা অকাইবা পীবা য়াবনা অমদি অখন্নবা তেম্পরেচরদা থম্বা মথৌ তাবনা, হৌজিক লৈরিবা কোল্দ চেন সিস্তেম অসিগী লৈবাক শিওনবা থুংনা লৈরিবা কোল্দ চেন পোন্ত ২৮,৯৪৭রোমদা বেক্সিন থম্নবা ইক্বিপমেন্ত ৮৫,৬৩৪ য়াওনা কোল্দ চেন এদমিনিস্ত্রেসনগীদমক্তা শীজিন্নগনি। হৌজিক লৈরিবা কোল্দ চেন অসি খুদোংচাবা পীগদবা মীশিংগী অহানবা করোর ৩ মদুদি হেল্থ কিয়র ৱার্করশিং অমসুং ফ্রন্ত লাইন ৱার্করশিংগী মথৌ তাবা কবিদ-১৯ বেক্সিনগী অহেনবা ক্বান্তিতী থম্বা য়াগনি।

****



(Release ID: 1683584) Visitor Counter : 137