ভারতকী এক্তিব কেসলোদ অসি মখা তানা ঙসি ৩%গী মখাদা হায়থদুনা অপুনবা কেসশিংগী ২.৭৮% খক্তা ওইরি।

নুংতিগী ফগৎলকপশিংনা নুংতিগী থেংনবা কেসশিংদগী মশিং হেনবগী খোঙচৎ অসি মখা চত্থদুনা ভারতকী এক্তিব কেসলোদ অসি হৌজিক্কী ওইনা ঙসি ২,৮১,৯১৯দা লৈহনবা ঙমখ্রে।

হৌখিবা নুমিৎ ২৮ অসিদা খোঙচৎ অসি মখা চত্থদুনা ভারতনা হৌখিবা পুং ২৪দা নুংতিগী থেংনবা অনৌবা কেসশিংদগী নুংতিগী ফগৎলকপশিং হেনবগী রিপোর্ত তৌরকখি।

হায়রিবা মতম অসিমক্তদা ভারত্তা মীওই ২৩,০৬৭ কোবিদনা পোজিতিব ওইবা থেংনখি অমরোমদনা মীওই ২৪,৬৬১ নৌনা ফগৎপগী রেজিস্তর তৌখি। মসিনা মরম ওইরগা হৌখিবা পুং ২৪দা অপুনবা এক্তিব কেসলোদতগী পুন্না কেস ১,৯৩০ হন্থহনবা ঙমখি।

মালেমদা ভারতনা মীশিং মিলিয়ন অমদা থেংনবা কেসশিংদা ৱেস্তর্ন হেমিস্ফিয়রগী অতোপ্পা লৈবাক কয়াদগী খ্বাইদগী তাবা (৭,৩৫২) অমা ওইখি। মালেমগী ওইনা মীশিং মিলিয়ন অমদা থেংনা কেসশিংগী চাংচৎ অসি ৯,৯৩১ ওইখি।

ঙসি নাবা ফগৎপগী চাং অসি ৯৫.৭৭%দা হেনগৎখ্রে। অপুনবা নাবা ফগৎখিবা কেসশিং অসি করোর ০.৯৭ (৯৭,১৭,৮৩৪) ওইখি। নাবা ফগৎখিবা কেসশিং অমসুং এক্তিব কেসশিংগী মরক্তা লৈরিবা খেন্নবা অসি তপ্না-তপ্না হেনগৎলক্লি অমসুং হৌজিক্কী ওই ৯৪,৩৫,৯১৫ ওইরি।

নৌনা ফগৎখিবা কেসশিংগী ৭৫.৮৬%দি রাজ্য/য়ু.তি. তরাদগী ওইখি।

কোবিদতগী ফগৎলকপা মীওইগী মশিং ৪,৮০১ ওইদুনা কেরেলানা মাংজিল থারি অমরোমদা মহারাস্ত্রদা মীওই ৩,১৭১ ফগৎখিবগী রেকোর্দ তৌখি। ৱেস্ত বেঙ্গলদা অতোপ্পা ২,০৫৪ ফগৎখিবগী রেজিস্তর তৌখি।

নৌবা কেসশিংগী ৭৭.৩৮%দি দি রাজ্য/য়ু.তি. তরাদগী ওইখি।

হৌখিবা পুং ২৪দা কেরেলাদা কেস ৫,১৭৭ রিপোর্ত তৌরকখি। ঙরাং মহারাস্ত্রদা অনৌবা কেস ৩,৫৮০ রেজিস্তর তৌখি অমরোমদা ৱেস্ত বেঙ্গলদা অনৌবা কেস ১,৫৯০ রেকোর্দ তৌখি।

হৌখিবা পুং ২৪দা কেস ৩৩৬ শীখিবগী রিপোর্ত তৌরকখি। মখোয়গী ৮১.৫৫%দি দি রাজ্য/য়ু.তি. তরাদগী ওইখি।

নৌনা শীখিবগী ২৬.৪৮%দি মহারাস্ত্রদগী ওইদুনা শীখিবা ৮৯ রিপোর্ত তৌরকখি। দিল্লীদা শীখিবগী মশিং ৩৭ ওইখি অমরোমদা ৱেস্ত বেঙ্গলদা নৌনা শীখিবা ৩২ রিপোর্ত তৌরকখি।

মালেমগা চাংদম্নবদা ভারতকী মীশিং মিলিয়ন অমদা শীখিবগী কেস অসি খ্বাইদগী তাবা ওইখি (১০৬)। ভারতকী কেস ফেতেতিতী রেৎ অসি ১.৪৫% হৌজিক্কী ওইনা ওইরি।

****