প্রধানমন্ত্রী শ্রী নৰেন্দ্র মোদীয়ে আজি ভাৰত আন্তঃৰাষ্ট্ৰীয় বিজ্ঞান উৎসৱ, ২০২০ত উদ্বোধনী ভাষণ আগবঢ়ায়। অনুষ্ঠানত কেন্দ্রীয় মন্ত্রী ড০ হর্ষ বর্ধনো উপস্থিত থাকে।

এই উপলক্ষে প্রধানমন্ত্রীয়ে কয় য়ে বিজ্ঞান, প্রযুক্তি আৰু উদ্ভাৱনত ভাৰতৰ এক সমৃদ্ধশালী ঐতিহ্য আছে। আমাৰ বিজ্ঞানীসকলে বহু যুগান্তকাৰী গৱেষণা কৰিছে। বিভিন্ন আন্তঃৰাষ্ট্ৰীয় সমস্যাৰ সমাধানত আমাৰ প্রযুক্তি উদ্যোগ সন্মুখৰ শাৰীতে আছে। প্ৰধানমন্ত্ৰী মোদীয়ে কয় যে ভাৰতে আৰু বহু কাম কৰিব বিচাৰে। আমি অতীতৰ গৌৰৱৰ কথা যিমান মনত ৰাখিছো, ঠিক তেনেদৰে এক উজ্জ্বল ভৱিষ্যতৰো কামনা কৰো।

প্রধানমন্ত্রীয়ে কয় যে বিজ্ঞান শিক্ষাৰ বাবে ভাৰতক নির্ভৰযোগ্য কেন্দ্রত পৰিণত কৰিবলৈ আমি উদ্যোগ গ্ৰহণ কৰিছো। একেদৰে আমি বিচাৰো আমাৰ বৈজ্ঞানিকসকলে বিভিন্ন বিষয় সকলোৰে সৈতে ভাগ কৰি লয় আৰু আন্তঃৰাষ্ট্ৰীয় ক্ষেত্রত শ্রেষ্ঠ মেধা সম্পন্ন হিচাপে আত্মপ্রকাশ কৰক। ভাৰতীয় বিজ্ঞানীসকল বিশ্বত চিনাকী কৰাৰ বাবে আৰু বিভিন্ন সা-সুবিধা পোৱাত সহায় কৰাৰ বাবে এনে এক প্ৰচেষ্টা হ’ল হেকাথন। হেকাথন আয়োজনৰ জৰিয়তে ভাৰতীয় বিজ্ঞানীসকলক এই সুযোগ দিয়া হৈছে।

প্রধানমন্ত্রীয়ে কয় যে শৈশৱৰ পৰা বিজ্ঞানমনস্কতা গঢ়ি তুলিবলৈ নতুন ৰাষ্ট্ৰীয় শিক্ষানীতিয়ে সহায় কৰিব। তেওঁ কয় যে এতিয়া মূলধনৰ পৰা ফলাফল, পাঠ্যপুথিৰ পৰা গৱেষণা আৰু প্রয়োগৰ ওপৰত গুৰুত্ব দিয়া হৈছে। শ্রেষ্ঠ শিক্ষক সৃষ্টি কৰাত এই নীতিয়ে সহায় কৰিব। ইয়াৰ ফলত সম্ভাৱনাময় বিজ্ঞানী ভাৰতত সৃষ্টি হ’ব। অটল ইন’ভেচন মিচন আৰু অটল টিংকাৰিং পৰীক্ষাগাৰে এই কামত সহায় কৰিব বুলিও প্ৰধানমন্ত্ৰীয়ে সদৰি কৰে।

উন্নত গৱেষণাৰ বাবে চৰকাৰে দেশৰ শ্রেষ্ঠ মেধাৱী শিক্ষাৰ্থীসকলক গৱেষণাত জড়িত হোৱাত উৎসাহিত কৰিছে আৰু সেয়েহে প্রধানমন্ত্রী ৰিছাৰ্চ ফেল’ আঁচনিৰ শুভাৰম্ভ কৰা হৈছে। প্রধানমন্ত্রীয়ে কয় যে এই প্রকল্পই দেশৰ শ্রেষ্ঠ প্রতিষ্ঠানসমূহৰ বিজ্ঞানীসকলক সহায় কৰিছে।

প্ৰধানমন্ত্ৰীয়ে বিজ্ঞান আৰু প্রযুক্তিৰ সুফল যাতে সকলোৰে ওচৰ গৈ পায় সেই ক্ষেত্ৰত গুৰুত্ব আৰোপ কৰে। তেওঁ কয় যে দুষ্পাপ্যতা আৰু প্রভাৱৰ মাজত পার্থক্য বিচাৰ কৰাত বিজ্ঞান আৰু প্রযুক্তিয়ে সহায় কৰিব, চৰকাৰৰ সৈতে দৰিদ্রতম ব্যক্তিসকলৰ যোগাযোগ ঘটিব। ডিজিটেল ক্ষেত্রত হোৱা অগ্রগতিৰ ফলত ভাৰত আন্তঃৰাষ্ট্ৰীয় উচ্চমানৰ প্রযুক্তিগত শক্তিৰ বিৱর্তন আৰু বিপ্লৱৰ কেন্দ্র হৈ উঠিছে।

এয়া অর্জন কৰাৰ বাবে আন্তঃৰাষ্ট্ৰীয় মানৰ শিক্ষা, স্বাস্থ্য, যোগাযোগ আৰু গ্রামাঞ্চলৰ বিভিন্ন সমস্যাৰ সমাধানৰ প্রয়োজন। তেওঁ কয় য়ে বর্তমান ভাৰতৰ তথ্য, জনগাঁথনি আৰু চাহিদা আছে। তদুপৰি ভাৰতৰ গণতন্ত্রই এই বিষয় সমূহৰ মাজত সমতা আৰু সুৰক্ষা বজাই ৰাখিব। সেয়েহে, সমগ্ৰ বিশ্ব ভাৰতৰ প্রতি বিশ্বাসী।

প্রধানমন্ত্রীয়ে কয় যে আমাৰ দেশত জল সংকট, প্ৰদূষণ, মাটিৰ গুণমান, খাদ্য নিৰাপত্তাৰ দৰে বিভিন্ন প্ৰত্যাহ্বান আছে, এইবোৰৰ সমাধান আধুনিক বিজ্ঞানৰ জৰিয়তেহে হ’ব পাৰে৷ আমি সমুদ্রৰ পৰা জল, শক্তি আৰু খাদ্য সম্পদ আহৰণ কৰা ক্ষেত্ৰত বিজ্ঞানে গুৰুত্বপূর্ণ ভূমিকা পালন কৰিছে। প্ৰধানমন্ত্ৰী মোদীয়ে কয় যে ভাৰতে ডিপ অ’ছেন মিচনৰ জৰিয়তে এই সাফল্য লাভ কৰিছে। বিজ্ঞানৰ ক্ষেত্রত নতুন নতুন উদ্ভাৱনসমূহে ব্যৱসায়-বাণিজ্যতো সফলতা আনিছে।

প্রধানমন্ত্রীয়ে কয় যে মহাকাশ খণ্ডটো সংস্কাৰ আৰম্ভ হৈছে, যাতে আমাৰ যুৱ সম্প্রদায় আৰু বেচৰকাৰী সংস্থাসমূহ কেৱল আকাশকে স্পর্শ নকৰে, তেওঁলোকে মহাকাশৰ গভীৰতাতো উপনীত হ’ব৷ তেওঁ কয় যে বিজ্ঞান আৰু প্রযুক্তিৰ সৈতে জড়িত ক্ষেত্রত নতুন উৎপাদনভিত্তিক প্রকল্প আৰম্ভ হৈছে। এই পদক্ষেপসমূহে বৈজ্ঞানিকসকলৰ মনোবল বৃদ্ধি কৰিব৷ একেদৰে, বিজ্ঞান আৰু উদ্যোগৰ মাজত অংশীদাৰিত্বৰ নতুন এক সংস্কৃতি গঢ় লৈ উঠিব৷ যাৰ জৰিয়তে আৰু অধিক সম্পদ সৃষ্টি হ’ব। তেওঁ আশা কৰে যে এই উৎসৱে বিজ্ঞান আৰু উদ্যোগৰ মাজত সমন্বয় আৰু সহযোগিতাৰ নতুন এক মাত্রা যোগ কৰিব আৰু ইয়াৰ ফলত নতুন নতুন সম্ভাৱনা সৃষ্টি হ’ব৷

প্রধানমন্ত্রী সজোৰে কয় যে এই মুহুর্তত বিজ্ঞান ক’ভিড মহামাৰীৰ টিকা উদ্ভাৱনত ব্যাস্ত। কিন্তু বিজ্ঞানৰ বাবে আটাইতকৈ ডাঙৰ প্ৰত্যাহ্বান হ’ল উচ্চ মেধা সম্পন্ন যুৱক-যুৱতীক আকৃষ্ট কৰি তেওঁলোকক এই ক্ষেত্রত নিয়োজিত কৰা৷ তেওঁ দুখ প্রকাশ কৰি কয় যে যুৱ সম্প্রদায় প্রযুক্তি আৰু ইঞ্জিনিয়াঙৰ ক্ষেত্ৰত অধিক আগ্রহী। অথচ দেশৰ বিকাশত বিজ্ঞানৰ উন্নয়নৰ প্রয়োজন আছে৷ আজি যিটোক বিজ্ঞান বুলি কোৱা হৈছে সেইটোৱে ভৱিষ্যতৰ প্রযুক্তি আৰু তাৰ পৰাই ইঞ্জিনিয়াৰিঙৰ বিভিন্ন সমাধান সুত্ৰ ওলাই আহে৷ চৰকাৰে বিজ্ঞান চর্চাত মেধাৱী শিক্ষাৰ্থীসকলক আকৃষ্ট কৰাৰ বাবে বিভিন্ন পৰ্যায়ত বিভিন্ন বৃত্তি ঘোষণা কৰিছে। কিন্তু এই কাম বৈজ্ঞানিকসকলৰ মাজতো প্রচাৰৰ প্রয়োজন আছে। তেওঁ কয় যে চন্দ্রযান অভিযানক লৈ যি উৎসাহ-উদ্দীপনা দেখা গৈছিল, তাত আমাৰ যুৱ সম্প্রদায়ৰ আগ্রহকে প্রতিফলিত হৈছে৷

ভাৰতীয় মেধাৱী শিক্ষাৰ্থীসকলৰ বাবে আৰু এই দেশত উদ্ভাৱনৰ কামত বিনিয়োগ কৰিবলৈ প্রধানমন্ত্রীয়ে বিশ্ব সমূদায়ৰ প্রতি আহ্বান জনায়৷ তেওঁ কয় যে ভাৰতত উন্নত চিন্তাধাৰাত মুক্ত চিন্তা আৰু স্বচ্ছতা আছে৷ গৱেষণা ক্ষেত্রৰ মান উন্নয়ন আৰু যিকোনো প্ৰত্যাহ্বানৰ মোকাবিলা কৰিবলৈ ভাৰত চৰকাৰ প্রস্তুত। বিজ্ঞানে মানুহৰ মাজত শ্রেষ্ঠ দিশটোক বাহিৰ কৰি আনে আৰু পার্থক্য সৃষ্টিত সহায় কৰে৷ দেশক আগুৱাই নিয়াৰ ক্ষেত্রত আৰু ক’ৰোনাৰ বিৰুদ্ধে যুঁজত ভাৰতৰ ভাল পৰিৱেশৰ বাবে প্ৰধানমন্ত্ৰী মোদীয়ে আমাৰ বিজ্ঞানীসকলক প্রশংসা কৰে৷

*****

DS/AK/DB