প্রধান মন্ত্রী শ্রী নরেন্দ্র মোদীনা ইন্দিয়া ইন্তরনেস্নেল সাইন্স ফেস্তিবেল আই.আই.এস.এফ.) ২০২০দা হৌদোকপগী ৱারোল পীখ্রে। থৌরম অসিদা কেন্দ্রগী হকশেল মন্ত্রী দা. হর্শ বর্ধনসু য়াওখি।

থৌরম অসিদা ৱা ঙাংলদুনা প্রধান মন্ত্রীনা হায়খি ভারতনা সাইন্স, তেক্নোলোজী অমসুং ইন্নোবেসনগী লিগেসী লৈজৈ। ঐখোয়গী সাইন্তিস্তশিংনা অনৌবা রিসর্চ তৌরি। ঐখোয়গী তেক ইন্দস্ত্রীনা মালেমগী সমস্যাশিং কোকহনবদা মাংজিল থানা চংশিল্লি। অদুবু ভারতনা মসিদগী হেন্না তৌবা পাম্লি। চাউথোকপা পোকপগা লোইননা ঐখোয়না হৌখ্রবা মতমদা তুংহনদুনা য়েংলি অদুবু তুংলমচৎসু হেন্না ফগৎহনবা পাম্মি হায়না শ্রী মোদীনা ফোঙদোকখি।

প্রধান মন্ত্রীনা ঐখোয়না হোৎনরিবশিং অসিনা ভারতবু সাইন্তিফিক লর্নিংগী খ্বাইদগী থাজবা য়াবা মফম ওইহন্নবা পান্দম থমখি হায়না ফোঙদোকখি। মসিগা ইরোইননা ঐখোয়গী সাইন্তিফিক কম্ম্যুনিতীনা মালেমগী খ্বাইদগী ফবা তেলেন্তকা লোইননা খুমাং চাউশিনমিন্নবা পাম্মি। ইন্দিয়ন সাইন্তিস্তশিংদা এক্সপোজর অমসুং খুদোংচাবা ফংহন্নবা হেক্কাথোনশিং পাঙথোকপা অমদি শরুক য়াবা অসি মসি ফংনবা লৌখৎপা খোঙথাং অমনি।

প্রধান মন্ত্রীনা হায়খি অনৌবা নেস্নেল এজুকেসন পোলিসী অসিনা চহি নৌরিঙৈ মমতমদগী সাইন্তিফিক তেম্পর মখোং শোম্বদা মতেং ওইরগনি। মহাক্না হায় হৌজিক্তি আউৎলেশিংদগী আউৎকম, লাইরিক্তগী রিসর্চ অমসুং এপ্লিকেসনদা মীৎয়েং হোংদোকখ্রে। পোলিসী অসিনা ক্বালিতী লৈবা ওজা কয়া পুথোক্নবা থৌগৎলি। মসিগী খোঙথাং অং িগী লৈবা ওজা কয়া পুথোক্নবা ৌৎাং সিনা সাইন্তিস্ত পুথোকপদা মতেং পাংগনি। মসিগী মতেং অতল ইন্নোবেসন মিসন অমসুং অতল তিঙ্করিং লেবসনা মতেং পাংলি হায়না শ্রী মোদীনা হায়খি।

ক্বালিতী লৈবা রিসর্চকীদমক্তা সরকারনা তেলেন্ত অমদি ইন্তরেস্তকী মতুং ইন্না রিসর্চ তৌনবা লৈবাক অসিগী খ্বাইদগী তেলেন্ত লৈবশিং থৌগৎনবা প্রাইম মিনিস্তর রিসর্চ ফেলো স্কীম হৌদোকখি। প্রধান মন্ত্রীনা হাব স্কীম অসিনা মকোক থোংবা ইন্সতিত্যুতশিংগী সাইন্তিস্তশিং মতেং পাংলি।

সাইন্স অমসুং তেক্নোলোজীগী কান্নবা মীপুম খুদিংদা ফংহন্নবা প্রধান মন্ত্রীনা কন্না ফোঙদোকখি। মহাক্না হায়খি সাইন্স অমসুং তেক্নোলোজীনা স্কার্সিতী অমসুং ইমপেক্তকী মরক্তা লৈরিবা খেৎনবা অদু মেনশিল্লি। মসিনা খ্বাইদগী লায়রবশিং সরকারগা নকশিন্নহল্লি। দিজিতেল চাউখৎলকপগা লোইননা ভারত অসি গ্লোবেল হাই-তেক পাৱরগী ইভোলুসন অমসুং রিভোলুসনগী সেন্তর অমা ওইহনবা ঙম্লি হায়না প্রধান মন্ত্রীনা মখা তাখি।

মালেমগী থাক্কী এজুকেসন, হেল্থ, কন্নেক্তিবিতী অমসুং রুরেল সোলুসনশিং ফংহন্নবা ঙসি ভারতকী দেতা, দেমোগ্রাফী অমসুং দিমেন্দ লৈরে। মসি পুম্নমক অসিগী মথক্তা পুম্নমক অসি চাং অমদা থম্নবা অমসুং ঙাক শেন্নবা ভারতকী দেমোক্রেসী লৈরি। মসিনা মরম ওইরগা মালেমনা ভারত্তা থাজবা থম্লি, হায়না প্রধান মন্ত্রীনা ফোঙদোকখি।

প্রধান মন্ত্রীনা হায়খি ঈশিং তাংবা, পোলুসন, লৈবাক্কী লৈহাও, চীঞ্জাক তাংবা অসিগুম্বা ঐখোয়গী লৈবাক্তা শীংনবা কয়া লৈ হায়রিবা অসিগী ৱারোইশিন অসি মোর্দর্ন সাইন্সনা ওইরি। ঐখোয়গী সমুদ্রদা ঈশিং, ইনর্জী অমসুং ফুদ রিসোর্সশিং লেপ্তনা থিদোকপদা সাইন্সনসু অচৌবা থৌদাং অমা লৌখি। মহাক্না হায়খি মসিগীদমক্তা ভারতনা দীপ ওসীন মিসন পাঙথোকখি অমদি মাই পাকপা ঙমখি। মহাক্না হায়খি সাইন্সকী অনৌবা ইনবেন্সনশিংগী কান্নবা অসিনা কম্মর্স লোইননা বিজিনেসতা লম্বী অমা পীরি।

প্রধান মন্ত্রীনা হায়খি ঐখোয়গী নহাশিং অমসি লনাই সেক্তরবু অতিয়া খুৎনা লাম্বা ফংনবা থৌগৎপা খক্তা নত্তনাী্তা নত্ত্না দ স্পেস ফাওবা য়ৌশিনবা ঙম্নবা স্পেস সেক্তরদা রিফোর্মশিং পুরকখ্রে। মহাক্না হায়খি অনৌবা প্রদক্সন লিঙ্ক ইনসেন্তিব স্কীম অসিনসু সাইন্স অমসুং তেক্নোলোজীগা মরী লৈনবা সেক্তরশিংদা মীৎয়েং চংলি। অসিগুম্বা খোঙথাংশিং অসিনা সাইন্তিফিক কম্ম্যুনিতীদা থৌনা অমা হাপ্লগনি, সাইন্স অমসুং তেক্নোলোজীগা মরী লৈনবা ইকোসিস্তেমনা ইন্নোবেসনগী অফবা অমসুং অহেনবা রিসোর্সশিং ফংবা ঙম্লগনি অমসুং সাইন্স অমদি ইন্দস্ত্রীগী মরক্তা পার্তনরশিপকী অনৌবা চৎনবী অমা শেমগৎপসু ঙম্লগনি। মহাক্না ফেস্তিবেল অসিনা সাইন্স অমসুং ইন্দস্ত্রীগী মরক্তা পুন্না থবক তৌমিন্নবগী অমসুং চুংশিন্নবগী ৱাখল্লোন্দা অনৌবা মায়োল অমা পুরকপা ঙম্লগনি মরমদি নৌনা চুংশিন্নবনা অনৌবা এভেন্যুশিং লৈহনবা ঙম্লগনি হায়না আশা তৌখি।

*****

প্রধান মন্ত্রীনা হায়খি হৌজিক সাইন্সনা থেংনরিবা খ্বাইদগী চাউবা শীংনবা অসি কোবিদ লাইচৎকী বেক্সিন অমা পুথোকপা অসিনা ওইরি। অদুবু মতম শাংনা লৈগদবা খ্বাইদগী চাউবা সাইন্সনা থেংনরিবা শীংনবা অসি ক্বালিতী য়াম্না লৈবা নহাশিংগী পুক্নিং চিংশিনবা অমসুং মখোয়বু য়োকখৎপা অসিনা ওইরি। নহাশিংবু তেক্নোলোজী অমসুং ইঞ্জিনীয়রিং দোমেনশিংদা পুক্নিং চিংশিনবা অমসুং লৈবাক অসিগী চাউখৎ থৌরাংগীদমক্তা সাইন্স দিবেলপ তৌবগী তঙাই ফদবা অদুসু ফোঙদোকখি। মহাক্না মখা তারদুনা হায়খি ঙসি সাইন্স হায়না হায়নরিবা অসি হয়েংগীদি তেক্নোলোজী ওইগদৌরিবনি অমসুং তুংদনা ইঞ্জিনীয়রিংগী পাম্বৈ অমা ওইগদৌরিবনি। মহাক্না হায়খি ঐখোয়গী সাইন্সকী দোমেন্দা অফবা তেলেন্তশিংগী পুক্নিং চিংশিন্নবা সরকারনা তোঙান তোঙানবা থাকশিংদা স্কোলরশিপশিং লাউথোকখি। অদুবু মসিগা লোইননা সাইন্স কম্ম্যুনিতীগী মনুংদগী চাউনা আউৎ-রীচ তৌবা তঙাই ফদে। মহাক্না হায়খি চন্দ্রায়ান মিসন অসি নহাশিংনা ইন্তরেস্ত লৈবা উৎনবা অহৌবা অমা ওইখি। 

প্রধান মন্ত্রীবা গ্লোবেল কম্ম্যুনিতীনা ভারতকী তেলেন্ত অসিদা ইনবেস্ত তৌনবা অমসুং ভারত্তা ইন্নোবেৎ তৌনবা অপাম্বা ফোঙদোকখি। মহাক্না মীতিন অদুদা ভারত্তা লৌশিং লৈবা মীওই কয়া লৈ অমসুং অরোৎপা লৈতবা অমসুং মনুং-মপান ফাওনা উবা ঙম্বগী চৎনবী লৈ হায়না ফোঙদোকখি। ভারত সরকারনা শীংনবা অমা হেক্তা কোকহন্নবা অমসুং মসিদা রিসর্চ ইনভাইর্নমেন্ত ফগৎহন্নবা শেম-শাদুনা লৈ। মহাক্না হায়খি সাইন্সনা মীওই অমগী খ্বাইদগী ফবা গুনশিং পুথোক্লি অমসুং খেৎনবগী শক্তি অদু শীজিন্নরি। মহাক্না ভারতপু মাংলোমদা পুখৎপগীদমক্তা অমসুং কোরোনাগী মায়োক্তা লান্থেংনবদা মাংজিল থাবগীদমক্তা ঐখোয়গী সাইন্তিস্তশিংবু পুক্নিং থৌগৎখি।