নুংশিরবা মরূপশা,

তরুকশুবা ভারত-জাপান সংৱাদ কনফরেন্স অসি হৌদোকচবা অসি ঐহাক্কী ওইনা চাউনা ইকাই-খুম্ননিংঙাই ওইবা ৱাফম অমনি।

ঐখোয়না চহি মঙাগী মমাংদা মমাংগী প্রধানমন্ত্রী শ্রী শিঞ্জো আবেগা লোয়ননা মসিগী কনফরেন্স অসিগী পরিং অসি হৌদোকমিন্নখিবনি। মতম অদুদগী মসিগী সংৱাদকী খোংচৎ অসি দিল্লীদগী তোকিও, য়াঙ্গুন্দগী উলানবতাকফাওবা পাংথোকখ্রে। মসিগী খোংচৎ অসি  ৱারী-ৱাতাই শান্নবা অমদি দিবেৎ তৌনববু পুক্নিং থৌগৎপা, দেমোক্রেসী, হ্যুমেনিজম, অহিংসা, নিং তম্বা অমদি অখাং কনবগী পুকচেল অদু খংহল্লিবা মতিক-ময়াইশিং অদু হেন্না মশক থোকহনবা অমদি স্পিরিচুএল ওইবা অমদি স্কোলর্লী ওইবা মওং অদু পীথোক-পীশিন তৌনবগী অরিবা মতমগী চৎনবী অদু মখা তানা লৈহন্নবগী ঐখোয়গী মরুওইবা পান্দমশিং অসিগীদমক্তা মতম পুম্নমক্তা শাফবা ওইরি।  ঐহাক্না ‘সংৱাদ’ অসিবু লেপ্তনা শৌগরপীবগীদমক্তা জাপান সরকারবু থাগৎপা ফোংদোকচরি।

মরূপশা,

মসিগী প্লেৎফোর্ম অসিনা মরুওইবা মওংদা নহা ওইরিবশিংদা ভগৱান বুদ্ধগী ৱাখল্লোনশিং অমদি ফীদমশিং অদুবু থৌগৎনবগী মায়কৈদা চাউনা থবক পাংথোক্লি। পুৱারীগী ওইবা মওংদা গৌতম বুদ্ধগী পাউজেলশিংগী মঙাল অদু ভারত্তগী মালেমগী মফম কয়াদা শন্দোকখ্রি। মসিগী মঙাল অসি মফম অমদা অদুম লেংদনা লৈতে। মসিগী মঙাল অসি য়ৌবা অনৌবা মফমদসু বুদ্ধগী লাইনিং-লীচৎকী ৱাখল্লোনশিংনা চহি কয়াদগী মখা তানা চত্থহল্লি। মসিগী মরম অসিনা বুদ্ধগী লাইনিং লীচৎকী সাহিত্য অমদি ফীদমগী মমল য়াম্লবা লন অদু তোঙান-তোঙানবা লৈবাকসিং অমসু লোলশিংদা লাই খুরুম্ফম কয়াদা ফংই। অইবা অসি মীওইবগী লীচৎপুম্বগী লন্নি। ঐহাক্না ঙসি অসিগুম্বা ইপানাৎ-ইপুনাৎকী ওইবা বুদ্ধগী সাহিত্য অমসুং লাইনিং-লীচৎকী ওইবা লাইরিকশিংগী ওইবা লাইব্রেরীশিং শানবা ৱাফম থম্বা পামজগনি। ঐখোয়না ভারত্তা অসিগুম্বা ফেসিলিতী অসি শাবদা হরাওবা ফাওগনি অমদি মসিগীদমক্তা অফবা রিসোর্সশিংসু ফংহনগনি।  মসিগী লাইব্রেরী অসি তোঙান-তোঙানবা লৈবাকশিংদগী অসিগুম্বা মখলগী বুদ্ধগী সাহিত্যগী দিজিতেল কোপীশিং পুন্না পুনশিন্নগনি। মসিগী পান্দম অসি অসিগুম্বা সাহিত্যগী ত্রান্সলেসন তৌবা অমদি মসি বুদ্ধগী লাইনিং-লীচৎকী লম্বোইবা অমদি অখং-অহৈ খুদিংমক্তা মনিং তম্না ফংহনবনি।  মসিগী লাইব্রেরী অসি অসিগুম্বা সাহিত্যগী পৈসিনফমখক্তা ওইরোই।

মসি রিসর্চ অমসুং সংৱাদকীদমক্তা প্লেৎফোর্ম অমদি মীওইবশিংগী মরক্তা, খুন্নাইগী মরক্তা অমদি মীওইবা অমদি মহৌশাগী খুৎশেমগী মরক্তা অশেংবা 'সংৱাদ'সু ওইগনি। মসিগী রিসর্চ অসিদা মতৌ করম্না বুদ্ধগী পাউজেল অসিনা মতম অমত্তগী ওইবা শিংনবশিং অসি মায়োক্নবদা ঐখোয়গী অনৌবা মতমগী মালেম অসি লমজিং-লমতাকপা ঙম্বগে হায়বগী থিজিনবসু য়াওগনি।  মসিদা লাইরবা, ফুরুপ নাইবগী ৱাখল্লোন, লাল হৌবা, নুপী-নুপা খাইবা, ঈশিং-নুংশিৎ হোংবা অমদি অসিগুম্বা শিংনবা কয়া য়াওরি।

মরূপশিং,

চাউরাক্না চয়োল অহুম্মুক্কী মমাংদা সারনাথতা চৎখি। সারনাথ অসি বুদ্ধনা ৱাখল-লৌশিং ফংলবা মতুংদা মহাক্কী অহানবা পাউতাক পীখিবা মফম অদুনি। সারনাথতগী থোরকখিবা মসিগী মঙালগী মপৈ অসি মালেমপুম্বদা শন্দোকখি অমদি মসিনা মীনুংশি, অথোইবা পুকচেল অমদি খ্বাইদগী থোইদোকপা মওংদা মীওইবাপুম্বগী য়াইফনবগীদমক্তা মীওইবগী য়াইফনববু শাগোন্নখি। মসিনা তপ্না-তপ্না ইং-তপ্না মালেমগী পুৱারীগী লম্বী অসিমক হোংদোকখি। সারনাথমক্তদা ভগৱান বুদ্ধনা ধম্মাদা থম্বা মহাক্কী ফীদম অদুগী মতাংদা শন্দোক্না পাউতাক পীখি। ধম্মাগী ময়োন্দা মীওইবা অমদি অতোপ্পা মীওইশিংগা লৈনবা মরি অদু লৈরি। মতৌ অসিগুম্না অতোপ্পা মীওইবশিংগী পুন্সিদা অফবগী ওইবা শক্তি লৈবা অসিনা খ্বাইদগী মরু ওই। সংৱাদ অসি ঐখোয়গী গ্রহ অসিদা য়াইফনবগী, অপুনবগী অমদি মীনুংশিগী ৱাখল্লোন অদু শন্দোকপা অমদি খ্বাইদগী তঙাই ফদবা মতমদা ওইহনগদবনি।

মরূপশিং,

মসি অনৌবা দিকেদ অসিগী অহানবা সংৱাদনি। মসি মীওইবগী পুৱারীগী মরুওইবা তাঞ্জা অমদা পাংথোক্লি। ঙসি পাংথোক্লিবা ঐখোয়গী থবক অসি ঐখোয়গী তুংদা লাক্কদৌরিবা মতম অসিগী মওং-মতৌ অমদি লম্বী অদু লেপকদৌরিবনি। মসিগী দিকেদ অমদি মসিগী তুংদা লাক্কদৌরিবা মতমগী খুন্নাইশিংদা তম্বগা লোয়ন-লোয়ননা অনৌবা অওনবা অমা পুরকপদা নিংথিনা য়েংশিনগনি।  মসিনা অফবা নহা ওইরিবশিংগী ৱাখলদা হেন্না অফবা ৱাখল্লোন অদু হাপচিল্লক্কনি। মহৈ তম্বা অসি ইনোভেসন্দা হেন্না হেনগৎহনবা ঙম্বা ওইগদবনি। মপুং ওইনা ইনোভেসন অসি মীওইববু হেন্না মপাঙ্গল হেনগৎহন্নবগী মরুওইবা য়ুম্ফম্নি। 

ওপন মাইন্দেদ ওইবা দেমোক্রেতিক অমদি নুং-পান শেংনা উবা খুন্নাই অসি ইনোভেসন্দা হেন্না কান্নৈ। মরম অসিনা হান্না অমুক্তা ওইখিদ্রিবা মওংদা চাউখৎপগী মওং অসি ওন্থোক্নবা হেন্না অফবা মতম্নি। মালেমগী ওইনা চাউখৎপগী ৱা খন্নবা অসি শুপ্নতগী মীওই খরখক্কী মরক্তা খন্নবা য়াদে। মসিগীদমক্তা স্কোপ অদু চাউহনবা মথৌ তাই। মসিগীদমক্তা থবক্কী লিস্ত অদুসু পাক-চাউহনগদবনি। চাউখৎপগী মওং মতৌ অসি মীওইবদা মরুওইবা য়ুম্ফম ওইবা মীৎয়েং অদুগী মতুং ইনগদবনি অমদি মদু ঐখোয়গী অকোইবগী ফীভম অদুগী মতুং ইন্না ওইহনগদবনি।

মরূপশিং,

য়মক ৱগ্গো ধম্মহদঃদা নিংথিনা ময়েক শেংনা হায়রি-

ন হি ৱেরেন ৱেরানি, সম্মন্তীধ কুদাচং।

অৱেরেন চ সম্মন্তি, এস ধম্মো সনন্তনো।

য়েংথিনবনা কৈদৌনুংদা শান্তি ফংবা ঙম্লোই। হৌখিবা মতমদা মীওইবনা তেংবাং পীনবগী মহুত্তা য়েংথিনবগী লম্বীরোমদা চংশিনখি। নিংথৌ পানবা মতমদগী হৌরগা ৱর্ল্দ ৱারফাওবা খুৎশু-খুৎলাইশিংগী লমজেলদগী হৌরগা স্পেসকী লমজেলফাওবা ঐখোয়না সংৱাদ তৌখি অদুগা মদুগী পান্দমশিং অদুদা অতোপ্পা মীশিংবু মখাদা চিংথখি। লাকপীরো, হৌজিক ঐখোয় পুন্না মথক্তা কাখৎমিন্নরসি। গৌতম বুদ্ধগী মহৈশিং অদুনা ঐখোদা য়েংথিননবু হেন্না পাঙ্গল কনখৎহনবদা ওন্থোক্নবগী শক্তি ফংই।  মদুগী মহৈশিং অদুনা ঐখোয়বু থম্মোয় চাউহল্লি। মখোয়না ঐখোয়বু হৌখিবা মতমদগী তম্বা অমদি হেন্না ফবা তুংলমচৎ অমা ওইহন্নবগী মায়কৈরোমদা মহৈ তম্বিরি। মসি ঐখোয়গী তুংদা লাক্কদৌরিবা মীরোলশিংগী খ্বাইদগী অফবা থৌগল অমনি। । মরূপশিং,

‘সংৱাদ’কী নুংগী ওইবা ৱাখল্লোন অসিনা পুনশিন্নহনসি। ‘সংৱাদ’না ঐখোয়গী নুং অসি হেন্না অফবা মওংদা পুনশিন্নসি, মসি ঐখোয়গী মমাংঙৈগী মতিক-ময়ায়শিং অসি হেন্না পুক্নিং চিংশিন্নবা অমদি লাক্কদৌরিবা মতমগীদমক্তা ইশানা ইশাবু শেম-শাদুনা থম্বগী মতম্নি। ঐখোয়না মীওইবগী য়াইফনবা তৌবা অসিবু ঐখোয়গী থৌশিলশিংগী ময়োলদা থমগদবনি। ঐখোয়না ঐখোয়গী অশেংবা শক্তম অদুগী ময়োলদা লৈবা য়ুম্বীগী মওংদা মহৌশাগা লোয়ননা চুন-চাননা লৈমিন্নবগী মওংদা অপুনবা শক্তম অমা শেমগৎকদবনি। মশা মথন্তা ইশাগা লোয়ননা ঐখোয়গী অতোপ্পা মরূপশিং অমদি মহৌশাগা লোয়ননা ‘সংৱাদ’ অসি মসিগী লম্বী অসিদা ঐখোয়গী লম্বী অসি মঙাল লৈহনবা য়াই। ঐহাক্না অসিগুম্বা মরুওইবা থৌরম অসি পাংথোকপগীদমক্তা শিল্লি-লাংলিবশিংগী মফমদা হরাও-তয়াম্বা পোংদোকচরি অমদি মখোয়গী ৱাখল্লোন অদু মায় পাকপা ওইবীয়ু হায়না য়াইফ পাউজেল পীজরি।

*****