হৌখিবা চয়োল খরা অসিদা লেপ্তনা লাক্লিবা মওং অসি তপ্না-তপ্না ঙাক্তুনা ভারতকী এক্তিব কেসলোদ অসি অপুনবা এক্তিব কেসশিংগী ৩.০৯%দা তাথখ্রে।

হৌখিবা পুং ২৪ অসিদা ভারতনা নুংতিগী থেংনবা অনৌবা কেসশিংদগী নুংতিগী নৌনা ফগৎলকপশিংনা হেনবগী রিপোর্ত তৌরকখি। নুংতিগী থেংনবা কেসশিংদগী নুংতিগী ফগৎলকপশিংনা হেনবগী মওং অসিনা ভারতকী এক্তিব কেসলোদ মখা তানা হন্থরক্তুনা ঙসি ৩,০৮,৭৫১দা লৈখ্রে।

অমরোমদা হৌখিবা পুং ২৪দা লৈবাক অসিদা কোবিদ পোজিতিব ওইবা মীওই ২৫,১৪২ থেংনখি, হায়রিবা মতম অসিদা মীওই ২৯,৮৮৫ নৌনা ফগৎখিবগী রেজিস্তর তৌখি। নুংতিগী থেংনবা এক্তিব কেসশিং অসি তপ্না-তপ্না হন্থরকপগী মওং অমদা লাক্লি। মসিনা মরম ওইরগা হৌখিবা পুং ২৪দা অপুনবা এক্তিব কেসলোদতগী কেস ৫,০৮০ হন্থহনবা ঙমখি।

এক্তিব কেসশিং হন্থরক্লিবা অসিনা ভারতকী এক্তিব কেসশিংগী পর মিলিয়ন পোপুলেসন (২২৩) অসি মালেমগী ওইনা খ্বাইদগী তাবশিংদা য়াওবা ঙমহনখি।

ভারতনা মালেমগী ওইবা লাইচৎ অসি থেংনবদা অতোপ্পা মাই পাকপগী পন্দুপ অমসু ফংবা ঙমখ্রে। তেস্ত তৌখিবগী অপুনবনা করোর ১৬ হেনবা ঙমখ্রে।

হৌখিবা পুং ২৪দা সেম্পল ১১,৭১,৮৬৮ তেস্ত তৌখি মসিনা ভারতকী অপুনবা তেস্ত তৌখিবগী মশিং ১৬,০০,৯০,৫১৪ য়ৌহনবা ঙমখি। ভারতকী নুংতিগী তেস্ত তৌবগী চাং অসি লাখ ১৫ য়ৌখ্রে।

পুন্না অমদি পাক শন্না লেপ্তবা মওংদা তেস্ত তৌবনা পোজিতিব ওইবগী চাংদা হন্থহনবা ঙমখি। ঙসি অপুনবা পোজিতিব ওইবগী চাং ৬.২৫% ওইখি।

রাজ্য/য়ু.তি. ১৫গী পোজিতিব ওইবগী চাং অসি লৈবাক্কী চাংচৎতগী তারি।

পুন্না নাবা ফগৎখিবা কেসশিং লাখ ৯৫.৫ (৯৫,৫০,৭১২) হেনখ্রে। নাবা ফগৎলকপগী চাং ৯৫.৪৬%দা হেনগৎখ্রে, হায়রিবা অসি মালেমগী ওইনা খ্বাইদগী তাবা ওইরি। নাবা ফগৎখিবা কেসশিং অমসুং এক্তিব কেসশিংগী মরক্তা লৈরিবা খেৎনবা অসি তপ্না-তপ্না হেনগৎলক্লি অমসুং হৌজিক্কী ওইনা ৯২,৪১,৯৬১ ওইরি।

রাজ্য/য়ু.তি. ৩৪গী নাবা ফগৎলকপগী চাং অসি ৯০%গী মথক্তা ওইরি।

নাবা ফগৎখিবা কেসশিংগী ৭৪.৯৭%দি রাজ্য/য়ু.তি. তরাদগী ওইখি।

কোবিদতগী কেরেলাদা মীওই ৪,৭০১ নাবা ফগৎখি। মহারাস্ত্র অমসুং ৱেস্ত বেঙ্গলদগী মথং শিৎনবা নৌনা ফগৎখিবা ৪,৪৬৭ অমসুং ২,৭২৯ রিপোর্ত তৌরকখি।

অনৌবা কেসশিংগী ৭৩.৫৮%দি রাজ্য/য়ু.তি. তরাদগী ওইখি।

হৌখিবা পুং ২৪দা কেরেলাদগী কেস ৫,৪৫৬ রিপোর্ত তৌরকখি। ৱেস্ত বেঙ্গলনা অনৌবা কেস ২,২৩৯ অমদি মহারাস্ত্রনা নুংতিগী থেংনবা কেস ১,৯৬০ ঙরাং রিপোর্ত তৌরকখি।

হৌখিবা পুং ২৪দা রিপোর্ত তৌরকখিবা শীখিবগী কেস ৩৪৭গী ৭৮.৯৬%দি রাজ্য/য়ু.তি. তরাদগী ওইখি।

মহারাস্ত্রনা নুংতিগী নৌনা শীখিবগী মশিং অসি শীখিবা ৭৫ ওইদুনা খ্বাইদগী য়াম্না রিপোর্ত তৌরকখি। ৱেস্ত বেঙ্গলদসু শীখিবগী মশিং ৪২ ওইখি।

****