প্রধান মন্ত্রী শ্রী নরেন্দ্র মোদীনা ঙসি গুজরাত্তা তোঙান তোঙানবা চাউখৎ থৌরাংগী প্রোজেক্তশিং হৌদোকখ্রে। হায়রিবা প্রোজেক্তশিং অসিদা দিসেলিনেসন প্লান্ত অমা, হাইব্রিদ রিন্যুএবল ইনর্জী পার্ক অমা, অমসুং মপুং ফানা ওতোমেতেদ ওইবা শঙ্গোমগী প্রোসেসিং অমসুং পেকেজিং প্লান্ত অমা য়াওরি। থৌরম অসিদা গুজরাতকী মুখ্য মন্ত্রীসু শরুক য়াখি।

থৌরম অসিদা ৱা ঙাংলদুনা প্রধান মন্ত্রীনা হায়খি ঐখোয়না মতমগী অওনবগী ইচেল অসিগা লোইননা মালেমগী ওইনা লৈরিবা খ্বাইদগী অফবা পাম্বৈশিং অসি শীজিন্নগদবনি। হিরম অসিদা মহাক্না কচ্ছকী লৌমীশিংবু থাগৎখি মরমদি মখোয়না হৌজিক মপাল লৈবাক্তা উহৈশিং থাদোক্লি। মসিনা ঐখোয়গী লৌমীশিংগী অনৌবা থৌনা লিংজেল অদু উৎথোক্লি হায়না মহাক্না হায়খি। সরকারনা খুৎ থিংজিনবা হন্থরকপনা মরম ওইরগা হৌখিবা চহি তরা কুন অসিদা গুজরাত্ত লৌউ-শিংউ, শঙ্গোমগী পোত্থোক্কী অমসুং ফিসরীগী সেক্তরশিং অসি চাউখৎলকখি। গুজরাতনা তৌরিবা অসি লৌমী অমদি কোওপরেতিবশিং চাউখৎনবা খোঙথাংনি।

প্রধান মন্ত্রীনা হায়খি লৌমীশিংদা এগ্রিকলচর রিফোর্মসকী মতাংদা লান্না উহল্লি। তশেংবদি এগ্রিকলচর রিফোর্মসনা তৌরিবা অসি চহি কয়া চুপ্না লৌমীগী শংস্থানশিং অমসুং ওপ্পোজিসন পার্তীশিংনা  হায়দুনা লাকখিবশিং অদুমক্নি হায়না মহাক্না ফোঙদোকখি। মহাক্না ভারত সরকারনা মতম পুম্বদা লৌমীগী য়াইফনবা খল্লি অমসুং মখা তারকপদসু মখা তারকপদসু লৌমীশিং পেলহনগনি অমদি মখোয়গী অৱাবশিং কোকহন্নবা হোৎনখিগনি হায়না নৌহৌনা ফোঙদোকখি।

ঙসি প্রধান মন্ত্রীনা হায়খি, কচ্ছনা ন্যু এজ তেক্নোলোজী অমদি ন্যু এজ ইকনোমী অনিমক্তা চাউনা খুমাং চাউশিল্লে। খারেরাদা রিন্যুএবল ইনর্জী প্লান্ত, মান্দবিদা দিসেলিনেসন প্লান্ত অমসুং অঞ্জরগী সর্হদ দেহরিদা অনৌবা ওতোমেতিক প্লান্ত হায়রিবশিং অসিগী উরেপ উয়ুং তমখিবা অসিনা কচ্ছকী চাউখৎ থৌরাংগী লম্বীদা অনৌবা মায়োল অমদা চংশিল্লগনি। মহাক্না মখা তারদুনা হায় প্রোজেক্তশিং অসিগী কান্নবশিং অসি লম অসিদা লৈরিবা ত্রাইবেলশিং, লৌমীশিং, শা-শন লোইরিবশিং অমসুং মীচম প্রজাদা ফংহল্লগনি। মহাক্না হায় কচ্ছনা লৈবাক অসিগী খ্বাইদগী খোঙজেল য়াংনা খুমাং চাউশিল্লিবা লমদম অমা ওইরে। মফম অসিগী লম্বী-থোং নোংমা-নোংমগী ফগৎলক্লি।

মতম অমদা গুজরাতকী মীয়াম্না নুমিদাংগী চাক চাবা মতমদা মৈ পীবিনবা ‘অচম্বা’ দিমান্দ তৌখিবা অদু প্রধান মন্ত্রীনা নীংশিংখি। মহাক্না হায়খি হৌজিক্তি গুজরাত্তা অহোংবা কয়া লৈরে। ঙসিগী নহাশিংনা গুজরাত্তা মতম অমদা ওইরম্বা ফীভম অদু খঙদ্রে হায়না মহাক্না হায়খি। মতম অমদা কচ্ছতা লৈরিবা মীশিং অসি হন্থরম্মি হায়না মহাক্না নৌহৌনা নীংশিংখি। হৌজিক্তি মীয়াম্না চৎপা লেপ্পে, মীয়াম্না হল্লকপনা মীশিং হেনগৎপা হৌরে। মহাক্না রিসর্চরশিং অমসুং য়ুনিভর্সিতীশিংনা অচৌবা য়ুহার হাখ্রবা মতুংদা কচ্ছকী পন্দুপ মরিগী দিবেলপমেন্ত অসিদা কেস-স্তদী অমা তৌনবা ফোঙদোকখি।

হৌখিবা চহি কুন অসিদা গুজরাতকী সরকারনা লৌমীগী কান্নগদবা স্কীম কয়া হৌদোকখিবগীদমক্তা মহাক্না থাগৎখি। মহাক্না হায়খি গুজরাতনা সোলর ইনর্জীগী কেপাসিতীশিং মপাঙ্গল কনখৎহন্নবা হোৎনবদা মাংজিল থাবা অমা ওইখি।

প্রধান মন্ত্রীনা হায়খি ২১শুবা চহিচা অসিদা ইনর্জী সেক্যুরিতী অমসুং ৱাতর সেক্যুরিতী অসি য়াম্নমক মরু ওই। মহাক্না হায়খি মমাংদা ঈশিং তাংবগী সমস্যা অসি কোকহন্নবা নর্মদা তুরেলগী ঈশিং কচ্ছ হৌহনগনি হায়বদা তীমশিংবু নোক্নবিখি। হৌজিক্তি নর্মদাগী ঈশিং কচ্ছ য়ৌরে অমদি কচ্ছ চাউখৎলক্লি।

***