కోవిడ్ మీద పోరులో భారత్ అనేక మైలురాళ్ళు దాటుతూ ముందుకు సాగుతోంది. తాజాగా గత 24 గంటలలో నమోదైన కేసులు 22,100 లోపుకు పడిపోయి 161 రోజుల తరువాత 22,065 కు చేరాయి. 2020 జులై 7న నమోదైన 22,252 కేసులే అప్పట్లో అత్యధికం.

రోజువారీ కోలుకుంటున్న కోవిడ్ బాధితుల సంఖ్య పెరుగుతూ ఉండటంతో బాటు మరణాల సంఖ్య కూడా స్థిరంగా తగ్గుతూ రావటం వలన చికిత్సలో ఉన్నవారి సంఖ్య తగ్గుదలబాటలో సాగుతోంది.  ఇదే క్రమంలో చికిత్సలో ఉన్న బాధితుల సంఖ్య తగ్గుతూ 3.4 లక్షలకంటే తగ్గి ప్రస్తుతం దేశంలో 3,39,820 మంది చికిత్సలో ఉన్నారు. ఇది మొత్తం కోవిడ్ కెసులలో 3.43% మాత్రమే.

చికిత్సలో ఉన్నవారు తగ్గుతూ ఉండటానికి తోడు కోలుకుంటున్నవారు పెరుగుతూ ఉన్నారు. ఇప్పటిదాకా కోలుకున్నవారి మొత్తం సంఖ్య 94 లక్షలు పైబడి నేటికి  94,22,636 కు చేరింది. చికిత్సలో ఉన్నవారికి, కోలుకున్నవారికి మధ్య తేడా ప్రస్తుతం  90,82,816 కు చేరింది. ఫలితంగా కోలుకున్నవారి శాతం 95.12% కు చేరింది.

ఎక్కువమంది కోవిడ్ బాధితులున్న దేశాలతో పోల్చుకున్నప్పుడు అంతర్జాతీయ స్థాయిలో భారత్ లో కోలుకున్నవారిశాతం గణనీయంగా మెరుగైన స్థితిలో ఉంది.

గడిచిన 24 గంటలలో దేశవ్యాప్తంగా 34,477 మంది కోవిడ్ బాధితులు కోలుకున్నారు. కొత్తగా కోలుకున్నవారిలో 74.24% మంది కేవలం 10 రాష్ట్రాలు, కేంద్రపాలిత ప్రాంతాలలొనే కేంద్రీకృతమయ్యారు.  అందులో మహారాష్ట్రలో అత్యధికంగా  4,610  మంది, ఆ తరువాత స్థానంలో కేరళలో 4,481 మంది కోలుకోగా, పశ్చిమ బెంగాల్ లో 2,980 మంది కోలుకున్నారు. 

కొత్తగా పాజిటివ్ గా నిర్థారణ అయినవారిలో 73.52% మంది 10 రాష్ట్రాలకు చెందినవారే ఉన్నారు. మహారాష్ట్రలో అత్యధికంగా  2,949 కేసులు నమోదు కాగా ఆ తరువాత స్థానంలో ఉన్న కేరళలో 2,707 కొత్త కేసులు వచ్చాయి. 

గడిచిన 24 గంటలలో దేశవ్యాప్తంగా 354 మంది కోవిడ్ బాధితులు చనిపోయారు. అందులో  79.66%  మంది పది రాష్ట్రాలలోనే నమోదయ్యారు. వారిలో మహారాష్ట్రలోనూ, ఢిల్లీలోనూ అత్యధికంగా 60 మంది చొప్పున చనిపోగా, పశ్చిమ బెంగాల్ లో 43 మరణాలు నమోదయ్యాయి.  

****