খুরুমজরি!

ফিক্কীগী প্রসিদেন্ত সঙ্গীতা রেদ্দীজী, সেক্রেতরী জেনরেল দিলীপ চিনোয়জী, ভারতকী ইন্দস্ত্রীগী তাইবঙকী খোংলোই, ইবেম্মা অমসুং ইবুংঙোশিং!!

ঐখোয় ময়াম্না ২০-২০গী মেচতা খোংজেল য়াংনা ময়াম অমা হোংলকপা উরে, অদুবু ২০-২০গী ফিভম অসিনা পুম্নমকপু মায়থিবা পীরি। লৈবাক অসিনা থেংনরিবা, মালেম অসিনা থেংনরিবা অসুক য়াম্বা অকা-অকুম অসিদা, চহি খরগী মতুংদা ঐখোয়না কোরোনাগী মতম অসিবু নীংশিংলুবদা, থাজবা ফাওবা ঙম্লরোই। অদুবু মসিদগী হেন্না ফবা ৱাফমদি অসুক্কী মতিক খোংজেল য়াংনা ফিভম অসিনা ফৎচিনখিদবা অদুক্কী মতিক ফগৎলকপসু ওইরি। ফেব্রুৱারী-মার্চতা পেন্দমিক্কী থৌওং অসি হৌরকপা মতমদা ঐখোয়না শকখঙদবা য়েক্নবগী মায়োক্নখি। পলেপফম খঙদবা ময়াম অমা ওইখি। প্রদক্সনবু ওইরো, লোজিস্তিক্সপু ওইরো, ইকোনোমিক্কী রিভাইবেলবু ওইরো, মশিং থিঙমদ্রবা হিরম কয়ানি, কয়াম কুইনা চৎথখিনি, পুম্নক্কী পুক্নীংদা ৱাহং অসি হংনখি করম্না ফরক্কনি, ৱাহংশিং, শিংনবশিং, অৱাবশিং অসিদা মালেমগী মীওইবা পুম্নমক মসিদা চয়েৎনদুনা লৈখি। অদুবু ঙসি, দিসেম্বরনা লাকপদা ফিভম অসি য়াম্না হোংলকপা উরে। ঐখোয়দা পাউখুমসু লৈরে অমসুং রোদমেপসু। ঙসি লৈরিবা ইকোনোমীগী ইন্দিকেতরশিং অসি পুক্নীং থৌগৎনীংঙাইনি, থৌনা হাপ্নীংঙাংইনি। খুদোং থিবগী মতমদা লৈবাক অসিনা তমজখিবশিং, মসিনা তুংলমচৎকী ৱাশকশিং অদু হেন্না চেৎশিলহল্লে। অমসুং তশেংনমক মসিগী য়াম্না চাউবা ক্রেদিৎ ভারতকী ওন্ত্রপ্রিনরশিংদা চৎলি, ভারতকী নহারোলশিংদা চৎলি, ভারতকী লৌমীশিংদা চৎলি, অদোম ওন্ত্রপ্রিনর পুম্নমক অমসুং লৈবাক মচাশিংদা চৎলি।

মরূপশা,

মতম পুম্নমক্তা গ্লোবেল পেন্দমিক্কা লোইননা পুৱারী অমা, পারা অমা লোইনদুনা লাক্লি। মদুনা লৈবাক অদুনা অসিগুম্বা লাইচৎকী মতমদা অদুক্কী য়াম্না মীয়াম অমা কল্লি, লৈবাক অদুগী থৌরাং পুম্নমক, অদুক্কী মতিক খোংজেল য়াংনা রিবাউন্দ তৌনবগী থৌনা লৈ। লাইচৎ অসিগী মতমদা, ভারতনা মসিগী মীয়ামগী পুন্সিবু খ্বাইদগী মরুওইনা থমখি মীয়ামগী পুন্সি অদুক্কী মতিক য়াম্না কনখি অমসুং ঙসি মদুগী ফল লৈবাক অসিনা উবা ফংলি, মালেমনসু উবা ফংলি। ভারতনা মতৌ অসুম্না হৌখিবা থা খরা অসিদা পুন্না থবক তৌখিবা, পোলিসীশিং শেমখিবা, ৱারেপ লৌখিবা, ফিভমশিং লাকশিনখিবা অদুনা মালেম অপুনবা অসিদা অঙকপা পোকহনখি। হৌখিবা চহি ৬তা মালেম্না ভারত্তা থম্লিবা থাজবা অসি হৌখিবা থা তরুক অসিদা মপাঙ্গল কনশিলহল্লে। এফ.দি.আই. নত্ত্রগা এফ.পি.আই.বু ওইরো মীরমগী ইনভেস্তরশিংনা রিকোর্দ ইনভেস্তমেন্ত ভারত্তা তৌখি অমসুং লেপ্তনা তৌরি।

মরূপশা,

ঙসি লৈবাক অসিগী মীপুম খুদিংমক্না, আত্মনির্ভর ভারতকী খোংজংবু মায় পাকহন্নবগীদমক্তা চপ য়ুংনা লেপ্লি, লোকেলগীদমক্তা ভোকেল ওইদুনা থবক তৌরি। মসি তশেংনা অচংবা খুদম অমনি মদুদি লৈবাক অসিনা মসিগী প্রাইবেৎ সেক্তদরা অদক্কী মতিক থাজবা থম্লি। ভারতকী প্রাইবেৎ সেক্তর অসি শুপ্নগী ঐখোয়গী দোমেস্তিক্কী মথৌ তাবশিং মপুং ফাহনবা ঙম্বতা নত্তনা, গ্লোবেল্লী ওইনসু মসিগী শক্তাক্না মসিবু হেন্না মপাঙ্গল কন্না শেমগৎপা ঙমগনি।

মরূপশা,

আত্মনির্ভর ভারতকী খোংজং অসি, ভারত্তা ক্বালিতী প্রদক্তশিং শানবা অমসুং ভারতকী ইন্দস্ত্রীবু হেন্না কম্পিতিতিব ওইহন্নবগী পাম্বৈসুনি অমসুং ২০১৪দা অহানবা ওইনা, লাল কিলাদগী ঙাংজনবা ঐনা তাঞ্জা ফংজখিবদা ঐনা ৱাফম অমা হায়জখি মদুদি ঐখোয়গী পান্দম অসি জিরো দিফেক্ত, জিরো ইফেক্ত ওইহনগদবনি।

মরূপশা,

হান্নগী মতমগী পোলিসীশিংনা অনৌবা লমশিংদা ইনইফিসিএন্সীবু চংজফম পীখি হায়বা খঙলে, অনৌবা চাংয়েং তৌবদা থিংলি। অদুবু আত্মনির্ভর ভারতকী খোংজংনা লম খুদিংমক্তা ইফিসিএন্সীদা ইনোৎ হাপ্লি। ভারত্তা লোং তর্ম কম্পরেতিব এদভান্তেজ লৈবা সেক্তরশিংদা, মদুদা সনরাইজ অমসুং তেক্নোলোজী বেজ ইন্দস্ত্রীদা অনৌবা ইনর্জী হাপ্নবা শাফু হেন্না পীরি। ঐখোয়না পাম্মি মদুদি ঐখোয়গী ইনফেন্ত ইন্দস্ত্রীশিংসু তুংলমচৎতা হেন্না মপাঙ্গল কনবা অমসুং ইন্দিপেন্দেন্ত ওইহনবা পাম্মি।

মরম অসিনা অদোম্না উবীরমগনি, অতোপ্পা মরুওইবা থোংথাং অমসু পায়খৎলি। লৈবাক অসিদা প্রদক্সন লিঙ্ক ইন্সেন্তিব স্কিম হৌখ্রে। স্কিম অসি ভারত্তা গ্লোবেল চেম্পিয়ন ওইবা ঙম্বগী মপাঙ্গল লৈবা ইন্দস্ত্রীশিং অদুগীদমক্তনি। পর্ফোম তৌবদুনা, ইফিসিএন্সীদা থবক তৌবদুনা, মাগী সেক্তরদা লৈবাক অসিবু আত্মনির্ভ ওইহনবা ঙম্বা অদুনা ইন্সেন্তিব অসিগী মপুসু ওইগনি। মরূপশা, পুন্সি ওইরো নত্ত্রগা গভর্নেন্স, ঐখোয়না পেরাদোক্স ওইবা তাঞ্জা য়েংলি। কনফিদেন্ত ওইবা অদুনা অতোপ্পদা মফম পীবদা চিংনবা লৈতে। অদুবু পুক্নীং পীকপশিং অদুদি, ইন্সিক্যোর ওইবশিংদুদি অকোইবগী মীয়ামদসু তাঞ্জা পীবদা অকিবা পোকই। সরকারশিংগী মতাংদসু অসুম্না তত্তনা থোকই। জনতা জনার্দন্না মশিং য়াম্না শৌগৎতুনা অমসুং থাজবা পীদুনা শেম্বা সরকারগী মশাগী কনফিদেন্স লৈজৈ অমসুং দেদিকেসনসু লৈজৈ অমসুং মদুতদা সবকা সাথ, সবকা বিকাস, সবকা বিশ্বাস মন্ত্র অসিবু ময়েক শেংহন্নবা সরকারনা কন্না হোৎনৈ। সরকারনা অদুক্কী মতিক ৱারেপ লৌবা ঙম্বা ওইরবা মখৈ চয়েৎনবশিংসু অদুক্কী মতিক হন্থহল্লি। ৱারেপ লৌবা ঙম্বা সরকার অমনা মতম পুম্নমক্তা খু্নাইগীদমক্তা, লৈবাক্কীদমক্তা অদুক্কী মতিক কন্ত্রিব্যুৎ তৌবা ঙম্নবা হোৎনৈ। ৱারেপ লৌবা ঙম্বা অমসুং মশাবু থাজজবা সরকার অমনা কন্ত্রোল পুম্নক পায়শিন্দুনা অতোপ্পবু করিসু তৌন্দবসু পামদে। মমাংগী মতমগী সরকারশিংগী অসিগুম্বা ৱাখল্লোন অদোম ময়াম্নসু উবীরবনি অমসুং লৈবাক অসি মদুগী চৈথেংসু ফংখ্রবনি। ৱাখল্লোন অদুদি করিনো, পুম্নমক সরকারনা তৌগনি হায়বসিনি। ঘরী শাবা ওইরবসু সরকারনা শাখি। স্কুতর শাবা ওইরবসু, তি.ভি. শাবা ওইরবসু সরকারনা শাখি। ব্রেদ অমসুং কেক ফাওবদা সরকারনা শাখি। ঐখোয়না উখি মদুদি এপ্রোচ অসিনা কয়াদা ফিভম ফৎহন্দ্রবনো। মসিদগী তোখাইনা, তুং কোইনা উবা ঙম্বা অমসুং ৱারেপ লৌবা ঙম্বা সরকারনা স্তেকহোল্দর পুম্নমক্তা মখোয়গী তৌবা ঙম্বশিং অদু মপুং ফানা শিজিন্নবা ঙম্নবা পুক্নীং থৌগৎলি।

মরূপশা,

হৌখিবা চহি ৬তা ভারতনসু শুপ্নগী ভারত মচা করোর ১৩০ অসিগী মঙলান্দা কৎথোকপা, থাক খুদিংমক্তা ভারত মচাশিংবু মাংদা পুখৎনবগীদমক থবক তৌরিবা অসিগুম্বা সরকার উরে। ভারত্তা ঙসি লম খুদিংমক্তা, স্তেকহোল্দর খুদিংমক্না শরুক য়াবা হেনগৎহন্নবা থবক পায়খৎলি। ৱাখল্লোন অসিগা লোইননা মেন্যুফেকচরিংদগী এম.এস.এম.ই.শিং ফাওবা, এগ্রিকলচরদগী ইনফ্রাস্ত্রকচর ফাওবা, তেক ইন্দস্ত্রীদগী তেক্সেসন ফাওবা, রিএল স্তেৎতগী রেগুলেতরী ইজিং ফাওবা মায়কৈ মরিগী ওইবা রিফোর্মশিং তৌরি। ঙসি ভারত্তা কোরপোরেৎ তেক্স অসি মালেমদা খ্বাইদগী কম্পিতিতিব ওইরি। ঙসি ভারত অসি মালেমগী ফেস্লেস এসেস্মেন্ত অমসুং ফেস্লেস অপীলগী খুদোংচাবা লৈবা লৈবাক খরগী মনুং চল্লে। ইন্সপেক্তর রাজ অমসুং তেক্স তেরেরিজমগী মতম অদু তুংওইনরমদুনা ভারতনা, মসিগী ওন্ত্রপ্রিনরশিংগী মতিক অদুদা থাজবা থম্লদুনা মাংদা চখৎলি। মাইনিং ওইরো, স্পেস ওইরো, সেক্তর অয়াম্বদা ইনভেস্মেন্তকীদমক্তা, ভারতকী তেলেন্তকীদমক্তা, কম্পিতিসনগীদমক্তা ঙসি তাঞ্জাগী, মখল অমরোমদা মশিং থিঙমদ্রবা তাঞ্জাশিংগী মচৎ অমা শেম্লি। লৈবাক অসিদা লোজিস্তিক্সপু কম্পিতিতিব ওইহন্নবগীদমক্তা মল্তিমোদেল কনেক্তিবিতীদা ফোকস তৌরি।

মরূপশা,

ভাইব্রেন্ত ইকোনোমী অমদা সেক্তর অমনা গ্রো তৌরবদি মদুগী ইথিল অদু চুমদ্রিংনা অতোপ্পা সেক্তরশিংদসু পী। অদুবু অদোম্না খনবীবা য়াই মদুদি করিগুম্বা ইন্দস্ত্রী অমদগী অতোপ্পগী মরক্তা মরম লৈতনা পল খাজিল্লগদি করি ওইগনি। মতম অদুদা ইন্দস্ত্রী অমত্তনা মঙোন্দা লৈরিবা থৌনা অদুগুম্না অদুক্কী মতিক গ্রো তৌবা ঙম্লোই। ইন্দস্ত্রী অমনা গ্রো তৌরবসু মদুগী ইথিল অদু অতোপ্পা সেক্তরদা কৈদৌঙৈদসু পীরোই। তোঙান তোঙানবা সেক্তশিংদা পল অসিনা লৈবাক্কী শেন্মিৎলোন্দা য়াম্না অকাইবা পীরি, মীচম মীয়ামদা অকাইবা পীরি। হৌজিক লৈবাক অসিদা তৌরিবা রিফোর্ম অসিনা পলশিং অদুবু লৌথোক্নবগী থবক তৌরি। হন্দক্তা এগ্রিকলচর রিফোর্মশিং তৌখিবা অদু মসিগী পরিং অমনি। এগ্রিকলচর সেক্তর অমসুং মসিগা মরী লৈনবা অতোপ্পা মফমশিং মদু এগ্রিকলচর ইনফ্রাস্ত্রকচরবু ওইরো, ফুদ প্রোসেসিংবু ওইরো, স্তোরেজবু ওইরো, কোল্দ চেনশিংবু ওইরো মখোয়গী মরক্তা ঐখোয়না হান্না অসিগুম্বা পলশিং উরম্মি। হৌজিক পল খুদিংমক লৌথোক্লি, চয়েৎনবা খুদিংমক লৌথোক্লি। পলশিং অদু লৌথোক্লবা মতুংদা, রিফোর্মশিং অসিগী মতুংদা লৌমীশিংনা অনৌবা কৈথেল ফংলগনি, অনৌবা অপাম্বশিং ফংলগনি, মখোয়না তেক্নোলোজীগী কান্নবা য়াম্না ফংলগনি, লৈবাক অসিগী কোল্দ স্তোরেজ ইনফ্রাস্ত্রকচর অনৌবা ওইরগনি, পুম্নমক অসিদগী লৌউ-শিংউগী লমদা ইনভেস্ত হেন্না তৌরগনি অমসুং পুম্নমক অসিগী খ্বাইদগী য়াম্না কান্নবা কনানা ফংগনি হায়রবদি অপীক অপীকপা লমগী মপান্না মপুন্সি হিংজরিবা ঐগী লৈবাক্কী লৌমীশিংনা ফংগদৌরিবনি, অদুগুম্বা লৌমীশংদা কান্নবা ওইগদৌরিবনি। ঐখোয়গী লৈবাক্কী শেন্মিৎলোন্না তোঙান তোঙানবা সেক্তরশিংদা পল পামদে, মখোয় অমনা অমগী সপোর্ত তৌবা ঙম্ননবা খ্বাইদগী য়াম্না ব্রিজশিং পাম্মি।

মরূপশা,

হৌখিবা চহিশিংদা পলশিং অদু থুগাইনবা, করম্না প্লান অমসুং ইন্তিগ্রেতেদ এপ্রোচ অমগা লোইননা রিফোর্ম তৌখিবগে হায়বদুগী য়াম্না ফবা খুদম অমা লৈরি – লৈবাক্কী মীওই করোর কয়াগী ফাইনান্সিএল ইনক্লুজন, হৌজিক ঐখোয়না বেঙ্কিং এক্সক্লুজন্দগী মোস্ত ইনক্লুসিব লৈবাকশিংদা য়াওরে। অদোমসু ৱাফম অসিগী শাখি ওইরি মদুদি য়ানীংদবা ময়াম অমা কোকহন্দুনা ভারত্তা মতৌ করম্না আধারবু কন্সতিত্যুস্নেল প্রোতেক্সন পীখিবা। ঐখোয়না অনবেঙ্কপু বেঙ্ককা পুনশিনখি। অহোংবা মোবাইল দেতা, অহোংবা ফোন ফংহন্দুনা লাইরবশিংবু কনেক্ত তৌখি। মদুতদা জনধনগী একাউন্ত, আধার অমসুং মোবাইল – জামগী ত্রিনিতী লৈবাক অসিনা ফংলি।

মরূপশা,

ঙসি মালেমগী খ্বাইদগী চাউবা দাইরেক্ত বেনিফিৎ ত্রান্সফর সিস্তেম লৈবাক অসিদা থবক তৌরি, দি.বি.তি. লৈবাক অসিদা থবক তৌরি। হৌজিক অদোম্নসু ইন্তর্নেস্নেল জর্নেল অমগী রিপোর্ত অদু পাবীরম্লগনি মদুদি ভারত্তা শেম্বা থৌরাং অসিবু থাগৎনখি। কোরোনাগী মতমদা লৈবাক কয়ানা মখোয়গী মীয়ামদা হকথেংননা পৈশা থাবদা অৱাবা ওইরম্মি, মখোয়না চেক অমসুং পোস্ত দিপার্তমেন্তকী মপান তাংলম্মি, ভারতনা শুপ্নগী ক্লিক অমদগী লুপা করোর লিশিং কয়া মীওই করোর করোরদা বেঙ্ক একাউন্তা ত্রান্সফর তৌখি, মিৎকুপ অমদা মদুসু বেঙ্ক লোল্লিঙৈ মতমদা, লৈবাক অসিনা লোকদাউন তৌরিঙৈ মনুংদা। মালেমগী অফাও-অফাওবা অখঙ-অহৈশিংনা হৌজিক মসি হায়রি মদুদি ভারতকী মোদেল অসিদগী অতৈ লৈবাকশিংনসু তমজগদবনি। মসি পারুরগা, তারুরগা, কনানা চাউথোকচরোইদবগে।

মরূপশা,

লাইরিক হৈতবা অমসুং লাইরবতা থল্লবা ফিভম অসিদা ভারতনা তেক্নোলোজী অসি মীচম মীয়ামদা করম্না য়ৌহনবা ঙমগনি হায়না মীওই খরনা হংনবা মতম অমা লৈরম্মি। অদুবু ভারতনা মসি তৌদুনা উৎখি অমসুং য়াম্না মায় পাকপগা লোইননা পাংথোক্তুনা উৎখি, উৎখিগনি। ঙসি য়ু.পি.আই. প্লোৎফোর্ম মথন্তদা থা খুদিংগী চাউরাক্না লুপা করোর লাখ মরিগী ত্রাঞ্জেক্সন তৌরি, লুপা করোর লাখ মরিগী ত্রাঞ্জেক্সন অমসুং থা খুদিংগী রিকোর্দ থম্লি। ঙসি খুঙ্গং-খুন্নাইদসু, অপীক অপীকপা থেলা ইনবশিংদসু ঙসি দিজিতেল পেমেন্ত তৌবা য়ারে। ভারতকী ইন্দস্ত্রীগী তাইবঙবু লৈবাক অসিগী পাঙ্গল অসিবু খঙবগা লোইননা মাংদা চখৎকদবনি।

মরূপশা,

লৈবাক্কী এগ্রিকলচর সেক্তরবু মপাঙ্গল কলহন্নবগীদমক্তা হৌখিবা চহিশিংদা ভারত্তা খোংজেল য়াংনা থবক পায়খৎলি। ঙসি ভারতকী এগ্রিকলচরেল সেক্তর, হান্নদগী হেন্না ভাইব্রেন্ত ওইরে। ঙসি ভারতকী লৌমীশিংগী মফমদা মখোয়গী পোৎথোক কৈথেলশিংগা লোইননা মপান্দসু য়োন্নবগী ওপ্সন লৈরে। ঙসি ভারত্তা কৈথেলশিং নৌথোকহনবগী থবকসু পাইখৎলি, লৌমীশিংবু দিজিতেল প্লেৎফোর্মদা পোৎথোক লৈনবা-য়োন্নবগীসু ওপ্সন পীরি। ময়ামশিং অসিগী পান্দম অসি লৌমীশিংগী ইনকম হেনগৎহন্নবনি, লৈবাক অসিগী লৌমীশিং চাউখৎনবনি। লৈবাক অসিগী লৌমীশিংনা চাউখৎলবদি, লৈবাক অসিসু চাউখৎকনি। অদোমদা ঐ খুদম অমগা পীজগে মদুদি লৌউ-শিংউগী লম অসি মমাংদা করম্না হেন্দল তৌরম্বগে হায়বদুনি।

মরূপশা,

ঐখোয়গী লৈবাক্তা হান্নদি ইথেনোল ফাওবা মরুওইবা ওইনা লৌদুনা ইম্পোর্ত তৌনরম্মি। অদুমকপু চুগী লৌমীশিং অৱাবা ওইনরম্মি মদুদি মখোয়গী চু শিৎলমদে নত্ত্রগা মখোয়গী চু অদুগী লৌমীশিংনা লুপা করোর লিশিং কয়াগী শেনফম অদু মতম চানা ফংখিদে। ঐখোয়না ফিভম অদু হোংদোক্লে। ঐখোয়না লৈবাক অসিমক্তদা ইথেনোলগী পোৎথোক হেনগৎহনখি। হান্না চিনি শেম্লম্মি, গুর শেম্লম্মি, করিগুম্বদা চিনিগী মমল তাথরম্মি, মদুদা লৌমীশিংনা পৈশা ফংলমদে, করিগুম্বদা চিনিগী মমল হেনগৎপদা কঞ্জ্যুমরশিংনা অৱাবা ওইরম্মি হায়বদি থৌওং অমত্তা নীংথিজনা চৎথরমদে অমসুং অতোপ্পা মায়কৈ অমদনা ঐখোয়গী কার-স্কুতর থৌননবা মীরমদগী পেত্রোল লৈরম্মি, হৌজিক্তি মদু ইথেনোলসু তৌবা য়ারম্বনি। হৌজিক লৈবাক অসিদা, পেত্রোলদা চাদা ১০ ফাওবা ইথেনোলগী ব্লেন্দিং তৌবগী মায়কৈদা চংশিল্লি। খনবীয়ু, মসিদগী কয়াদা চাউবা অহোংবা পুরক্কদৌরিবনো। মসিদগী চুগী লৌমীশিংগী ইনকম হেনগৎপগা লোইননা থবক ফংবগী অনৌবা তাঞ্জাসু ফংলগনি।

মরূপশা,

এগ্রীকলচরগা লোইননা সর্বিস সেক্তরবু ওইরো, মেন্যুফেকচরিংবু ওইরো, সোসিএল সেক্তরবু ওইরো, মসিদা ঐখোয় অমনা অমগী কম্প্লিমেন্ত করম্না তৌগনি, মসিদা ঐখোয়না মপুং ফানা ইনর্জী থাদগনি। ফিক্কীগুম্বা ওর্গনাইজেসনশিংনা মসিদা ব্রিজসু ওইগদবনি অমসুং ইন্সপিরেসনসু ওইগদবনি। এম.এস.এম.ই.শিংদা সরকারনা থৌনা হাপ্লি, অদোম্না থৌনা অসিবু মল্তিপ্লাই তৌবা য়াই। অদুবু ভেল্যু অমসুং স্প্লাই চেনবু করম্না মপাঙ্গল কলহনগনি, গ্লোবেল স্পলাই চেন্দা করম্না ভারতকী থৌদাং পাক-চাউহন্নবা, ময়েক শেংলবা পান্দম অসিগা লোইননা ঐখোয় ময়াম্না অমত্তা ওইনা থবক তৌমিন্নগদবনি। ভারত্তা মার্কেৎসু, মেনপাৱরসু লৈ অমসুং মিশন মোদতা থবক তৌনবগী কেপাবিলিতীসু লৈ। পেন্দমিক্কী মতম অসিদসু ঐখোয়না উরি মদুদি আত্মনির্ভরতাকী মায়কৈদা চংশিল্লিবা ভারতকী খোংথাং খুদিং করম্না মালেমদা কাননবা পীখিবগে। ঐখোয়গী ফার্মা সেক্তরনা অৱাবগী মতম অসিদসু গ্লোবেল সপ্লাই চেন্দা শাফু পীহনখিদে। হৌজিক ভারতনা ভেক্সিন মেন্যুফেকচিংগী মতাংদা মাংদা চংশিল্লিবা অসিদগী ভারতকী পুন্সি করোর কয়ানা ঙাকশেলগী চুঙ্গোই ফংবগা লোইননা, মালেমগী অতৈ লৈবাকশিংদসু অনৌবা আশা পোক্লি।

মরূপশা,

ঐখোয় ময়াম্না মন্ত্র অমবু নীংথিজনা খঙলি অমসুং মদু ঐখোয়গী পুন্সিগীদমক্তসু মথৌ তাই, ঐখোয়গী অসিদা হায়নৈ – তন্মে মনঃ শিবসঙ্কল্প মস্তু হায়বদি ঐগী পুক্নীংনা মকোক ওইবা ফিরেপ লৌবা, ৱাফম অসিগা লোইননা মাংদা চংশিনগনি। লৈবাক্কী পান্দম, লৈবাক্কী ফিরেপ, লৈবাক্কী পোলিসী ময়েক শেংলি। ইনফ্রাস্ত্রকচর ওইরো নত্ত্রগা পোলিসী, রিফোর্মশিংগী মতাংদা ভারতকী ফিরেপ খোংফম চেৎলি। লাইচৎ ওইনা লাক্লিবা স্পীদব্রেকরশিং অসিদগী ঐখোয় থোরক্লি। হৌজিক অনৌবা থাজবগা লোইননা ঐখোয় পুম্নমক্না হান্নদগী হেন্না থবক তৌগদবনি। থাজবা অমসুং ইশানা ইশাবু থাজজবগা লোইননা ঐখোয় হৌজিক অনৌবা চহি তরাগী খুজিং অমদা চৎকদবনি। কুমজা ২০২২দা লৈবাক অসিনা ঐখোয়গী নীং খা তম্বগী চহি ৭৫শুবগী থৌরম পাংথোক্কনি। নীং খা তম্বগী খোংজংদগী হৌরগা ঙসি ফাওবা ফিক্কীগীসু লৈবাক অসিগী চাউখৎ খোংজেল অসিদা শরুক য়াওরি। ফিক্কীগী ১০০শুবা চহি পংলাপ লাপ্ত্রে। মরুওইরবা খোংথাং অসিদা অদোম্না লৈবাক শেমগৎপগী অদোমগী থৌদাং অদুবু হেন্না পাকথোক-চাউথোকহনগদবনি। অদোম্না হোৎনবা অদুনা আত্মনির্ভর ভারতকী খোংজংদা হেন্না খোংজেল পীরগনি। অদোমগী হোৎনবা অসিনা লোকেলগীদমক ভোকেলগী মন্ত্রবু মালেম অপুনবদা য়ৌহনগনি। অরোইবদা, ঐনা দোক্তর সঙ্গীতা রেদ্দীজীবু য়াম্না ফবা মতম অমা প্রসিদেন্ত ওইনা পুবীবগীদমক্তা হন্না হন্না থাগৎপা ফোংদোকচরি। লোইননা, ভাই উদয় শঙ্করজীবু তুংলমচৎকীদমক্তা হন্না হন্না য়াইফ-পাউজেল পীজরি। অদোম ময়ামগী মরক্তা লাকচবগী খুদোংচাবা ফংজরে, ঐনা অদোম ময়াম্বু হন্না হন্না তৌবীমল খঙবা উৎচরি।

থাগৎচরি!

      *****